ARGIA.eus

2021eko irailaren 23a

Liburutegian

Castillo Suarez @casti_suarez
2021eko maiatzaren 16a

Itxialdi erabatekoan eta oraingo askatasuna deitzen dugun honetan egin dudan gauza produktibo bakarrenetakoa izan da liburuak ordenatzea. Konturatu naiz batzuk errepikatuta ditudala, eta ez dakidala nori oparitu, niri interesatzen zaizkidan gauzak beste batzuei interesekoak ez zaizkielakoan. Beste batzuk faltan sumatzen ditut, eta neure buruari agindu diot etorkizunean eskuzabala izaten saiatuko naizela liburuak uzteko lanbidean izan ezik. Izan ere, liburuek gero eta gutxiago irauten dute liburu dendetan, eta ateratakoan erosi ez nituen liburuak eskuratzea zaila izaten da maiz. Ez dakit zer egin hil direnek oparitu zizkidaten liburuekin. Ezin dut ahaztu noizbait norbaitek nigan pentsatu zuela liburu bat erosteko. Eta min ematen dit. Horiek herriko liburutegira eraman ditut, noizbait behartuz gero eskura izateko. Gaur egun lagunak ez ditudan horiek noizbait oparitutakoak bota egin ditut kontainer batera. Ez dut nahi inoiz bigarren eskuko denda batean aurkitu. Liburuekin ez bezala, dolu gabe galdu nahi nituzke lagunak. Eta haien arrastoak ezabatzen saiatzen naiz horregatik.

Bidali zure iritzi artikuluak iritzia@argia.eus helbide elektronikora
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Literatura

Iritzia kanaletik interesatuko zaizu...


ASTEKARIA
2021eko maiatzaren 16a
Azkenak EGILEA
Argia buletina
Egunaren laburpena
zure e-postan
Eguneraketa berriak daude