Europako herrialdeak Gabonetarako COVID-en aurkako neurriak zorrozten ari dira


2020ko abenduaren 17an - 17:48
Gabonetako hirugarren kutsatze-olatua sortzea ekidin nahi dutela adierazi dute gobernu ugarik, neurriak zorroztuz.

Herbehereetan 546,7 kutsatu 100.000 biztanleko 14 egunetan

Bost asteko konfinamendua abiatu dute, ezinbesteko ez direla jo dituzten denda, ileapaindegi, zinema eta gimnasioak itxiz. Eskolak ere asteazkenean itxi dituzte. Gobernuak herritarrei eskatu die ezinbestekoa ez bada, atzerrira ez bidaiatzeko martxo erdialdera arte. Gabonetako ospakizun egun zehatzetan etxe bakoitzean hiru gonbidatu arte sartu ahal izango dira. Hauxe da pandemia lehertu denetik herrialde honek hartu duen neurririk gogorrena.

Alemanian 341,1 kutsatu 100.000 biztanleko 14 egunetan

Konfinamendu agindua eman du gobernuak abenduaren 16tik urtarrilaren 10era. Eskolak eta ezinbesteko zerbitzu ez direla jotzen diren dendak itxita daude asteazkenetik aurrera. Jatetxe, taberna eta aisialdi guneak itxita daude joan den azarotik, soilik etxera eramateko janaria eskaini dezakete. Gabonetan, etxe bakoitzean gehienez bost pertsona batu ahalko dira, bi etxebizitzatakoak. Bidaiatzea debekatu dute, baldin eta ez bada ezinbestekoa. Arrisku gune batetik herrialde horretara sarten den edozein pertsonak hamar eguneko berrogeialdia igaro beharko du, bosgarren egunean negatibo ematen ez badu behintzat.

Italian 428,3 kutsatu 100.000 biztanleko azken 14 egunetan

Egunean 500 pertsona ari dira hiltzen COVID-19agatik eta gobernuak esan du Gabonei begira neurriak zorroztea aztertzen ari direla. Oraingoz esana dute ez dela komeni etxe bakoitzera beste inor gonbidatzerik. BBCn diote abenduaren 24tik urtarrilaren 1era bitartean herritarrak konfinatzea aukeretako bat dela.

Erresuma Batuan 348,2 kutsatu 100.000 biztanleko azken 14 egunetan

Orain hilabete ezarritako konfinamendua altxa berri du gobernuak, baina muga asko mantenduko ditu Boris Johnsonek. Hiru maila identifikatuta dauzkate: 3. mailan dago lurraldearen parte handiena, alerta gorenean, adibidez, Londres edo Manchester gisako hiriak eta hemen bilkurak leku itxietan debekatuta eta ostalaritza itxita daude. 1. mailan, arinenean, gehienez ere sei pertsonako bilkurak onartzen dituzte eta jatetxeek 23:00etan itxi behar dute. Asteazkenean berrikusiko dituzte neurriok eta gabonetan nola jokatu finkatuko dute. Herritarrei abenduaren 23tik 27ra burbuila txikiak egin eta mantentzeko eskatu die gobernuak dagoeneko. Eskozia, Gales eta Irlanda Iparraldeak beren arauak finkatu dituzte.

Austrian 472,5 kutsatu 100.000 biztanleko azken 14 egunetan

Gehienez ere sei pertsona elkartu ahal izango dira etxe bakoitzean. Abenduaren 24tik 26ra, eta hilaren 31n, malgutu egingo dute neurria, hamar pertsona arte batzea baimenduz, kontutan hartu gabe zenbat etxebizitzatan bizi diren batuko diren herritarrak. Etxeratze agindua 20:00etatik 06:00etara egongo da indarrean, eta etxetik atera ahal izango dute soilik funtsezko arrazoiengatik. Jatetxeak eta tabernak itxita, soilik etxera eramateko zerbitzua, urtarrilaren 6ra arte. Hotelak ere itxita. Zinema eta antzokiak itxita. Gimnasioak ere bai. Hamar eguneko berrogeialdia egin beharko dute 100.000 biztanleko 100 kutsatutik gorako intzidentzia maila duten herrialdeetatik Austriara iristen diren herritarrek, bosgarren egunean eginiko PCR proban positibo emanez gero eteteko aukerarekin.

Danimarkan 523,7 kutsatu 100.000 biztanleko azken 14 egunetan

Abenduaren 25etik urtarrilaren 3ra herrialdean dena itxita egongo da, elikagaiak saltzen dituzten dendak eta farmaziak izan ezik. Abenduaren 21ean hasiko dira komertzio batzuk ixten. Asteazkenean herrialde osora zabaldu dira eskolen, tabernen, jatetxeen, kiroldegien eta kultur guneen itxierak.

Abenduaren 14ko data duen Europako COVID-kutsatzeen mapa.

 


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude