Goierrin txekor haragia zigilu ekologikoarekin ekoizten duten sei baserritar daude gaur egun, eta guztiak batzen dituen proiektua da Goieko Haragia. Sei baserritarrentzat jarduera osagarria da haragia, beste esparru batzuetan ari baitira lanean: esnekietan eta barazkietan, bereziki. “Beste hainbat esparrutan elkarlana martxan zen, esaterako esnekiekin Behieko proiektua zegoen, eta horregatik pentsatu genuen haragi paketeekin ari ginen lau kideak elkartzea”, azaldu du Aitor Aranburu “Anbu”k, proiektuko kideak.
Ekoizpen eredu txikietan dihardute proiektuko sei ekoizleek, hamar behi baino gutxiago dituzte denek ere. Abereen bizi baldintzak eta zikloak errespetatuz egiten dute lan, horien elikadura baserriko bazka eta larreetan oinarritzen da, eta ez dute pestizida, herbizida eta ongarri kimikorik erabiltzen. “Nire ustez eredu ekologikoa ez da helburua, abiapuntua baizik: gure hautua da betiko baserriarekin jarraitzea, behi gehiago jarri gabe. Gaur egun hori da ekologikoa, beraz, modu naturalean hartu dugu bide hori”, dio Aranburuk.
Ekoizle bakoitzak bere aldetik saltzen du haragia, bakoitzak bere bezeroak ditu-eta. Baina hauez gain, duela zenbait urte aukera berri bat atera zitzaien: Orona Fundazioko Diametro 200 jatetxeak haragia beraiei hartzeko proposamena egin zien. “Bakoitzak bere aldetik, bakarrik, ezingo genuke Orona zerbitzatu, baina elkarlanean eta gure artean antolatuta bai”, dio.
Goieko Haragian hasi ziren lau ekoizleei bi lagun batu zaizkie orain: Mutiloako eta Segurako bi gazte hasiberriak dira lehen sektorean, bata esne behiekin eta bestea barazkiekin. Jarduera nagusi hori behi haragiaren salmentarekin osatzen dute. “Guri bidea asko erraztu digu proiektu honek, zeren zu honetan hasten zarenean ez dakizu ezer, ez duzu kontakturik, ez dakizu nola saldu, norengana jo, zer hiltegi dauden… Goieko Haragikoek esku zabalik hartu gintuzten eta gure hasiera asko erraztu digu”, dio Iñaki Intxausti proiektura batu den gazteak.
600 gramoko zortzi pakete txikiz osatutako bost kiloko loteak saltzen dituzte: xerrak, kostila, haragi txikitua, gisatzekoa, zankarroia eta txuleta daude lotean. Eta goiekoharagia.wordpress.com webgunetik ere egin daitezke eskaerak.
Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]
Elkea proiektuan produktu asko eta desberdinak ekoizten ditu David Ruiz de Galarreta Azpilikueta ekoizle amezkoarrak. Olibondoekin hasi zen, baina fruta arbolek, lekaleek eta zekaleek ere beren tokia egin dute proiektuan urteotan. Eta, orain, jarduera berri bat gehitu die... [+]
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Zergatik doa mundu guztia Iruñera erosketak egitera, gure eskualdean elikagai asko ekoizten bada? Zergatik da hain zaila bailara hauetako produktuak bailara hauetako dendetan topatzea?”, galdera horiei eta beste zenbaiti tiraka hasi ziren lanean Zangoza aldean duela... [+]
Urteak dira Nafarroan eta beste zenbait tokitan hazien liburutegi proiektuak martxan dituztela. Hazien liburutegiak, liburuen liburutegietan. Euskal Herriko Hazien Sareak antolatutako hitzaldi batean izan zuen egitasmo horien berri Ane Leturia Delfrade Antzuolako liburuzainak,... [+]