170 kontsumo taldetik gora dira euskal herrian
Euskal Herriko Agroekologia Erosketa Ereduen ikerketa egin du EHKOlektiboa elkarteak azken urtean, horretarako zazpi herrialdeetako kontsumo talde, elkarte nahiz kooperatiben jarduna aztertuz. Ohikoagoak diren talde horiez gain, kontsumo agroekologikoaren inguruan sortzen ari diren eredu eta esperientzia berriak ere izan dituzte aztergai egungo panoramaren argazki orokorra egiteko. Behin ikerketa eskuetan, talde eta esperientzion arteko harremanak eta elkarlana sustatzea dute helburu.
Ikerketaren zenbait ondorio
Euskal Herriko esperientzia eta sare guztiak identifikatzera iritsi ez badira ere, 170 kontsumo taldetik gora eta 16 kontsumitzaile elkarte identifikatu dituzte ikerketan, guztira 11.000 familia inguru biltzen dituztenak. Lehen ondorioa eremu geografikoari begirakoa izan da: kontsumo antolatua batez ere gune urbanoetan kokatua da. Nafarroako hegoaldean eta Ipar Euskal Herriko barnealdean atzeman dute gabeziarik handiena.
Aztertu dituzten hamalau taldeetatik bostek produktu konbentzionalen eta ekologikoen eskaintza egiten dute, nahiz produktu ekologikoei garrantzi berezia eman –barazki eta fruta eskaintzaren %100, esaterako–. Taldeetako parte-hartzean esanguratsua da emakumeen presentzia. “Esperientzia askotan emakumeek betetzen dituzte ardura handien duten karguak, soldatapeko pertsona gehienak emakumeak dira eta batzordeetan ere ugariagoa da emakumeen presentzia”, diote txostenean.
Ekainaren 22an topaketak
“Ikerketan zehar ikusi dugu esperientziak ugariak direla eta duela zenbait urtetik egituratuak daudela beraien arteko lankidetza sare batzuk. Baina konturatu gara, era berean, askotan sare horiek ez daudela oso aktibatuak eta esperientzia bakoitza berean zentratuta dagoela”. Leire Rodriguez EHKOlektiboko dinamizatzaileak azaldu duenez, agroekologiaren bueltan diharduten taldeen arteko elkarlan eta trukea piztea dute orain helburu nagusi. Horretarako lehen hitzordua ekainaren 22an jarri dute Ziordian (Nafarroa).
Ikerketan jasotakoak aurkezteaz gain, kontsumo eredu ugariren arteko elkarlanaz, sentsiblizazio, formakuntza eta aktibazio sozialaz eta ekoizleen eta herritarren artean sortu beharreko zubiez arituko dira topaketetan. “Hiru lan ildo horiek bakarrera labur daitezke: agroekologiaren garapenean herritarrak antolatzeko topaketa espazio bat sortzea”. Horixe izanen dute helburu Ziordiako topaketetan. Kontsumo talde, elkarte, kooperatiba nahiz erosketak egiteko antolatuta dauden herritar orori egiten diete topaketan parte hartzeko deia.
Maiatzaren 10ean egun osoko festa berezia antolatu dute Zestoako Amilibia baserrian. Agroekologiaren eta elikadura burujabetzaren alde, Gipuzkoako Biolur elkarteak abiatutako proiektua da Amillubi, eta udaberriko hitzordua aitzakia paregabea izanen da tarte eder bat partekatu... [+]
Proventza eskualdean, Alpeen hegoaldean abiatu zuten Lili Saint-Laurent euskaldunak eta Mathias Guibert proventzarrak abeltzaintza proiektua duela hamar urte pasatxo. “Ardi, ahuntz, behi, txerri eta pottokekin plantatu ginen etxalde dibertsifikatua landuz, baina laborantza... [+]
2021 inguruan hasi zen Itziar Presa Blasco gernikarra konbutxaren munduan murgiltzen. “Magisteritza ikasi nuen nik, eta hezkuntzan aritu nintzen urteetan lanean, baina semeak jaio zirenean etxean geratzeko aukera izan nuen, eta ordu arteko guztia, nolabait, apurtu egin... [+]
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
Duela lau urte abiatu zuten Azpeitian Enkarguk proiektua, Udalaren, Urkome Landa Garapen Elkartearen eta Azpeitiako eta Gipuzkoako merkatari txikien elkarteen artean. “Orain proiektua bigarren fasera eraman dugu, eta Azkoitian sortu dugu antzeko egitasmoa, bere izenarekin:... [+]
Donostiako Amara auzoko Izko ileapaindegi ekologikoak 40 urte bete berri ditu. Familia-enpresa txikia da, eta hasieratik izan zuten sortzaileek ile-apainketan erabiltzen ziren produktuekiko kezka. “Erabiltzaileen azalarentzat oso bortzitzak dira produktu gehienak, baina... [+]
Ubidekoak (Bizkaia) dira Imanol Iturriotz eta Aritz Bengoa gazteak. “Lagunak gara txikitatik, eta beti izan dugu buruan abeltzaintza proiektu bat martxan jartzeko ideia”, azaldu du Iturriotzek. Nekazaritzari lotutako ikasketak izan ez arren, baserri munduarekin eta... [+]
Iruñean bizi ziren Iñaki Zoko Lamarka eta Andoni Arizkuren Eseberri gazteak, baina familiaren herriarekin, Otsagabiarekin, lotura estua zuten biek betidanik. “Lehen, asteburuetan eta udan etortzen ginen eta duela urte batzuk bizitzera etorri ginen”, dio... [+]
Gipuzkoako hamaika txokotatik gerturatutako hamarka lagun elkartu ziren otsailaren 23an Amillubiko lehen auzo(p)lanera. Biolur elkarteak bultzatutako proiektu kolektiboa da Amillubi, agroekologian sakontzeko eta Gipuzkoako etorkizuneko elikadura erronkei heltzeko asmoz Zestoako... [+]
Emakume bakoitzaren errelatotik abiatuta, lurrari eta elikadurari buruzko jakituria kolektibizatu eta sukaldeko iruditegia irauli nahi ditu Ziminttere proiektuak, mahai baten bueltan, sukaldean bertan eta elikagaiak eskutan darabiltzaten bitartean.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Pandemiaren ondorengo testuinguruan, elikadura –ustez oinarrizko eskubide den hori– lantzeko mugitzen hasi zen talde bat Gasteizen. “Militantzia esparruan beste gaiak jorratzen ari ziren ordurako, etxebizitzarena kasu, baina elikadura ardatz hartuta ez zegoen... [+]
Errezilera bizitzera joan eta sagarrondoak landatu zituen Satxa Zeberiok, Bio-K proiektuaren bultzatzaileak, duela zenbait urte. “Iritsi zen sagarrekin zerbait egiteko momentua, eta sagar zukua eta sagardoa ekoizteari ekin genion orduan”, azaldu du. 2015ean sortu... [+]
Urteak daramatza Ipar Euskal Herriko Biharko Lurraren Elkarteak (BLE) bioaniztasun landatuaren inguruan lanean. “Hainbat proiekdu ditugu abian, eta horietako bat baratzeko hazien ingurukoa da”, azaldu du Nico Mendiboure Hazi Sareko kideak. Duela lau bat urte hasi... [+]
Nekazaritzan trebatzeko eta proiektu propioak abiatu aurretik ekoizpenean eta merkaturatzean norbere burua probatzeko, abian dira gurean nekazaritzako hainbat test gune. Araban, 2023an abiatu zuten Aleko nekazaritzako test gunea, baina, antzeko egitasmo gehienekin alderatuta,... [+]