Emakumeak borrokan

Pentsionistak geldiarazi nahi dituzte

  • Emakumeenaz gain, pasa den urteko Hego Euskal Herriko mugimendu sozial garrantzitsuena, zalantzarik gabe pentsionistena izan da, Espainiako eta erkidegoetako gobernuak mugiarazterainokoa. Mobilizazio horiei esker pentsioak balioz handitzea lortu dute, batez ere baxuenak. Baina aldarrikapen nagusia betetzeke dago oraindik: 1.080 euroko pentsio duina izatea, Europako Karta Sozialak ezarritako gutxienekoa hain zuzen. Gobernu guztiak, izan Madril, Gasteiz zein Iruñekoa, derrigortuta daude zuzenean edo zeharka halako sektore bati erantzuna ematera. Horregatik jarraitu dute mobilizazio jendetsuek.

Juan Mari Arregi
2019ko otsailaren 10a

Mobilizazio horiek geldiarazteko erasoaldi baten aurrean gaude orain, ez baitira gobernuen eta Kapitalaren gustuko. Fronte mediatikoa dute lagun, eta honek bere gerra partikularrari ekin dio, oraindik hasi besterik egin ez dena. Kapitalisten zerbitzura dagoen El Correok Bizkaiko pentsionisten talde baten salaketa puztu du, esanez ez diotela “Bilduren eta Podemosen hauteskunde kanpainari ekarpenik egin nahi”. Baina Bizkaiko pentsionistek –Hegoaldeko beste pentsionistekin batera– kalera hainbesteko jendetza atera badute, hori izan da denoi eragiten digun aldarrikapen orokor baten alde ari direlako, talde batekoak zein bestekoak izan.

Pentsionisten mugimendu barruan, jakina, jatorri ugaritako jendea dago, eta ondorioz alderdiek edo sindikatuek ez lukete mugimendua bereganatzeko jolasean ibili behar, are gutxiago hauteskunde bezperan gaudenean. Horrela jokatzea, gobernuen eta Kapitalaren fronte mediatikoari bazka ematea litzateke, nola edo hala gelditu nahi baitituzte pentsionistak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Ekonomia  |  Pentsioak

Iritzia kanaletik interesatuko zaizu...
ASTEKARIA
Azkenak
EGILEA
Eguneraketa berriak daude