"Estatu kolpea" Kutxabanken?

Kutxabanken egiazko “estatu kolpe” baten atarian gaude, Espainiako Gobernuak martxan jarri eta EAJk, PSEk eta PPk babestutako dinamika politikoa gelditzen ez badugu behintzat. Abenduaren 31rako konponduta behar du. Eta presa handia dago hurrengo hauteskundeen ondorioz aldatu daitezkeen indar orekak blindatzeko. Martxan dago aurrezki kutxak banku fundazio bihurtzeko prozesua. Hala, Kutxabanken gaineko kontrola galduko litzateke, akziodun pribatuak sartuko direlako. Hau da, euskal finantza sistemaren ardatza den egungo Kutxabank, pribatua izatera igaroko litzateke. Bere ondarea 100 urtetan zehar osatu da euskal herritarren aurrezkiekin. Ondare hori garapen ekonomiko, industrial eta sozialerako bideratu liteke, baita gizarte ekintzarako ere. Pribatizatuz gero, akzionista eta inbertitzaile pribatuetara pasako litzateke. Egiazko “estatu kolpea”: kontrol publiko eta soziala duen entitate izatetik, kapital pribatuaren interesetara dagoen sozietate izatera.

Euskal jendartean badaude alderdi politiko, sindikatu eta eragile sozialak bide horren kontrako jarrera azaldu dutenak. Zenbaitek alternatiba ere proposatu dute Kutxabankek erakunde publiko eta demokratiko gisa jardun dezan. Ildo horretan, batzuk lanean ari dira pribatizatzeko helburu hori eragotziko lukeen marea sozial bat sortzeko. Kutxabank Publikoa plataforma herri guztietan ari da hitzaldi, eztabaida eta mobilizazioen bidez marea hori sustatzen. Herritarren aurrezkiak ez galtzea da lehentasuna, gizarte ongintza bermatzea eta finantza erakundeari etorkizun ekonomiko eta demokratiko bat ematea. Horretarako, aurrezki kutxa tradizionalen oinordeko den Kutxabankek kontrol publiko eta soziala eduki behar du, Euskal Herriaren zerbitzura egon. Eta ez inbertitzaileen interes pribatuen menpe.


Kanal honetatik interesatuko zaizu: Kutxabank
Tabakaleran diziplina anitzeko ‘Atenea’ espazioa zabalduko du Kutxak 2026an

Donostiako Kultura Garaikidearen Nazioarteko Zentroan dituen 6.300 metro koadroak erabiliko ditu Kutxa Fundazioak espazio berriarentzat eta 15 milioi euroko aurrekontua du proiektuarentzat. 2026ko udazkenean ireki asmo dute Atenea, eta hori baino lehen itxiko dute Miramongo... [+]


2024-05-23 | Gedar
Palestinaren okupazioak eta Espainiako Estatuko finantza-sektoreak duten lotura seinalatu du ikerketa batek

Ikerketa batek Espainiako Estatuko banketxeen eta enpresen 'greenwashing' praktikak azaleratu ditu. Estatu sionistak lur okupatuetan eginiko eguzki-energia parkeen finantziazioan murgilduta dago estatuko finantza-sistema; BBVA eta Kutxabank ere tartean dira.


Kutxabankek komisioak kenduko dizkie erabiltzaileen %80ri

Komisioak ezabatu egingo dira 30 urtetik beherako guztientzat eta baldintza batzuk bete beharko dituzte kontua eta txartela doan mantendu nahi duten bezero orok. Urtarrilaren 15ean sartuko da araudi hau indarrean.


Kutxabankek akordioa sinatu du Madrilgo Alantra inbertsio bankuarekin, “hazteko” estrategia berriaren baitan

Kutxabankek inbertsio bankuen sektorean sartzeko pausoa eman du eta akordioa sinatu du sektore horretako Espainiako Estatuko eta Europako eragile nagusienetako batekin, Alantra sozietatearekin. "Enpresen merkatuan" presentzia handiagoa izatea litzateke helburua.


Frantziako Tourrerako atera dituzten ikurrinek EITB, Kutxabank eta Eusko Jaurlaritzaren logoak dituzte

Ekainaren 15ean aurkeztu dute ekimena Inés Monguilot (Kutxabank) eta Luis Manuel Martínek (EITB). Guztira 60.000 ikurrin atera dituzte Frantziako Tourrean banatzeko, hiru erakundeen logoekin.


Eguneraketa berriak daude