Kutxabankek Donostiako emakume bat eta bere semea etxegabetu nahi dituela salatu dute
Kaleratzeak Stop plataformak salatu duenez, Kutxabank banketxeak Egiako bi bizilagun kaleratu nahi ditu: 76 urteko Rosario eta bere semea, 51 urtekoa; biek ala biek ezintasuna dute, %54koa amak eta %70ekoa semeak.
Horren aurrean, Kaleratzeak Stopek iragarri du elkarretaratzea egingo duela astelehenean, hilaren 21ean, 11:00etan, Kutxak Garibai kaleko 15. zenbakian duen egoitzaren aurrean, “auzi-jartzaileari eskatzeko etxegabetzea eten dezala eta egoera zaurgarrian dagoen familia hori bere etxebizitzan mantentzea bermatu dezala”. Era berean, “alkatetzaren bitartekaritza” eskatu du Kaleratzeak Stopek, “bankuek eta inbertsio funtsek familia kalteberak beren ohiko etxebizitzetatik bota ez ditzaten arautzen baitu 2015eko irailaren 24ko osoko bilkuraren ebazpenak, Donostia etxegabetzerik gabeko hiria deklaratzen duenak”.
Plataformak azaldu duenez, Rosariok eta bere semeak alarguntasunagatik eta ezintasunagatik pentsioak kobratzen dituzte, eta, guztira, 1.020 euroko diru-sarrerak dituzte hilean. Egora “zaurgarrian” daudela nabarmendu dute, eta euren arazoa “duela 40 urte baino gehiago” hasi zela kontatu dute: “Rosarioren amak etxebizitza xume bat eraikitzen hasi zen bere kabuz, jabeei alokairu apal bat ordaintzen zien bitartean. 2012ko otsailean, Kutxak lursail hori esleitu zuen, jabeek ordaindu ezin izan duten mailegu baten berme gisa. Une horretatik aurrera, Kutxak, lehendik beste demanda bat jarri zuenak, ez du erregularizatu duela 40 urte baino gehiago hitzez adostutako kontratua, 1964ko HEL-k arautzen zituen ‘errenta zaharreko’ izenez ezagutzen zirenak”.
Bestalde, Kaleratzeak Stopek azaldu du errenta zaharreko iraupen mugagabeko kontratuak hauesteko modua kuotak ez ordaintzea edo etxebizitza hori beste bat eraikitzeko eraistea direla. “Kasu honetan, gizarte-zerbitzuen arabera bizigarritasun baldintzak biltzen dituen etxebizitza xumea familia horrek egin, ordaindu eta mantendu du. Eta ez dute etxebizitza Aldakonean, hirigintza-hedapeneko eremu batean, egotearen errurik”, gaineratu dute. Hain zuzen, udalak beste urrats bat eman zuen abenduan Aldakoneako hirigintza proiektua garatzeko, eta Egiako hainbat eragile aurka agertu ziren, espekulatibotzat jotzen baitute.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.
