Blogetan! topaketa

Sarean tertulian jarduteko ohitura errotu da

  • Irudikatu beheko sua, eta haren inguruan tertulian dabilen lagun kuadrilla. Blogetako komunikazioa horrela definitu du Lucas Aisa blogariak: “Istorio on bat kontatzen duzunean, inguruan denak isil-isilik egoten dira entzuten”. Komunikazio eredu hori berria izatetik ohiko izatera pasatu da Euskal Herrian.
     

Amaia Ugalde
2014ko martxoaren 23a
Ezkerretik eskuinera, Gorka Bereziartua moderatzailea, Haritz Rodriguez, Maite Goñi, Juanra Madariaga eta aurpegia ikusten ez zaiola Marijo Deogracias.
Ezkerretik eskuinera, Gorka Bereziartua moderatzailea, Haritz Rodriguez, Maite Goñi, Juanra Madariaga eta aurpegia ikusten ez zaiola Marijo Deogracias.

Azkue Fundazioak eta Argiak antolatutako Blogetan! euskal blogarien topaketan egon da gaia bolo-bolo. Duela urte batzuk izan zuen boomaren ondoren, blogen fenomenoa normalizatuz eta egonkortuz joan da eta gaur egun euskarazko blogosferan aniztasun handia dago. Eskaintza handia izan arren, kontsumo mailan agertu zuten kezka, eta euskarazko internet elikatzen jarraitzeko premiaz berba egin zuten.

Jardunaldiaren hasieran, Lucas Aisa blogari zaragozarrak konparaketa gastronomikoa egin zuen: Twitterra, shushia lakoa da, mokadu baten jateko modukoa, baina batzuetan egiteko gaitza, arroza hain tarte txikian kontzentratzea ez baita samurra. Bloga, txuleta modukoa da: Lagun artean, patxadaz jatekoa, tertulian, eztabaidan, eta jan ostean patxaran batzuk edanez.

Txuleta eta shushia gora-behera, interneten dagoen eduki kantitatea gero eta handiagoa da. Blogak, profesionalak edo pertsonalak, norbanakoenak edo kolektiboak, asko ugaritu dira azken urteotan, munduan, eta Euskal Herrian ere bai. Euskarazko blogen errealitateari buruz mahai-ingurua egin zuten topaketan. Bilbon izan ziren Haritz Rodriguez kazetaria, Maite Goñi irakaslea, Juanra Madariaga mendizalea eta Marijo Deogracias kazetaria. Laurak dira blogariak, eta Gorka Bereziartua Argiako kazetariaren galderei erantzunez, egungo egoeraren argazkia egin zuten.

Difusio barik, alferrik

Maite Goñik oso argi ikusten du: “Gaur egun blogarekin bakarrik ez genuke ezer egingo, bertako edukiak konpartituko ez bagenitu”. Twitterrek horretarako bidea errazten du. Maite Goñik hainbat blog dauzka eta tartean Gaurko Hitza izenekoa. Egunero berba bat hartuta haren inguruko azalpenak ematen ditu. Marijo Deograciasek jarraitu egiten du bloga: “Baina bertara zuzenean sartu barik, haren soka Twitterren hasten da nire kasuan. Inor ez da blogetara joaten irakurtzera, ez bada Twitter bidez heldu”.

Lan arloan, eta kazetaritzan bereziki, ekarpen handia egin dute blogek. Haritz Rodriguezek argi ikusten du hori: “Aurrekoan gai bati buruzko artikulua ikusi nuen, bere garaian nik paperean idatzitako gai bat zen, beste gabe pasa zena. Orain ikusi dut interneti esker pilo bat mugitu dela. Paperean lehen ez zegoen aukerarik jakiteko, baina orain badakizu, ‘irakurtzen naute!’”. Gorka Bereziartuak ere igarri du ikusgarritasun hori Argian: “Publikoa ikaragarri zabaldu da eta eragin soziala asko hazi dela nabaritu dugu”.

Euskarazko eskaintza eta kontsumoa

Gai askotako hamaika blog daude euskaraz, eta horietako batzuk ezagutzeko aukera egon zen Blogetan! topaketan. Topatu.info ekimenetik Oier Peñagarikano eta Amaia Nicholson izan ziren, Euskal Herriko gazte mugimenduari zuzendutako zerbitzuaren berri ematen. Peñagarikanok denbora eta objektuen berrerabilpenari buruzko bloga dauka Topatu.infon, Itsumustuan izenekoa; Nicholsonek berriz lurra eta buruaskitasunaren inguruan idazten du Hazitegia blogean. Topatu proiektuaren barnean beste hamazortzi blog daude. Euren ostean, Iñigo Errastik 31 eskutik blog kolektiboaren gainean egin zuen berba. Bertan, egunero euskararen inguruko testuak idazten dituzte EIZIEko hainbat kidek. Amaitzeko, Imanol Epeldek Etxepare Rap bloga aurkeztu zuen, rap estiloan aurkeztu ere. Euskal literaturaren historia zatiak musika horretara egokitu eta blogean bildu ditu.

Euskarazko blogosfera txikia baina aktiboa dela nabarmendu zuen Maite Goñik. “Hasieratik mundu horretan hasi ziren euskaldunek argi eduki zuten edukietan egin behar zela apustua; ez zegoen B aukerarik”. Librezale ekimena eta hark edukiak itzultzen egin duen lana nabarmendu zuen.
aritz Rodriguezek kezkatuta begiratzen dio egoerari: “Desoreka ikusten dut interneten dagoen eskaintzaren eta kontsumoaren artean; sortzaile asko daude, baina kontsumitu, ez da horrenbeste egiten euskaraz”. Beste hizkuntza handiagoen eskaintza oso zabala dela nabarmendu zuten, eta konpetentzia ez dela erraza. Horren haritik, kontsumitzaileek gura dutenari buruzko ikerketak sumatzen ditu faltan Maite Goñik. Juanra Madariagak baikor ikusten du egoera: “Euskara ez da atrofiatuta geratu. Uholdeari erantzuten jakin du, eta gainera oso maila onean”.

Mahai-inguruan, kontsumitzaile onena sortzaile berria dela ondorioztatu zuten. Maite Goñi irakasleak Jakintza ikastolan argi ikusi du. Ikasleek edukiz betetzen duten bloga du esperientzia: “Hezkuntza munduan gazteak edukiak sortzen ipiniz gero, errazago jarraituko dute bidea. Ohitu egingo dira dinamika eta kultura horretara”.

Egiten dakizunaren erakusleihoa

Burusoila eta bizarduna. Calvo con barba da Lucas Aisaren blogaren izena, eta ezizen horrekin sinatzen du interneten idazten duen guztia: “Jende askok ez daki nire benetako izena”. Bloga bere lanaren bizkarrezurra dela azaldu du hitzaldian. Astero artikulu bat idazten du, eta bertatik heltzen dira beragana bezeroak eta proiektu berriak. Curriculum Vitaearekin alderatu du bloga Aisak, digital vitae bezalakoa da bere bloga: “Curriculumean egin dezakezunaz idazten duzu; blogean egiten duzuna benetan dakizula demostratzen zabiltza”.
 

Lehiaketako irabazleak

Topaketaren amaieran, Blog izarren bila euskarazko blogen lehiaketako sariak banatu zituzten. Hauek izan dira irabazleak:

- Kultura alorrean: Zineari buruzko Klak... eta bloga, Iñaki Gaunarena.

- Gizarte eta politika alorrean: Arma, tiro, klik Amaia Lekunberriren fotokazetaritza bloga.

- Aisian: Tropela, txirrindularitzari buruzko bloga.

- Zientzia eta teknologian: Euskalnatura UEUren zientzia eta teknologia alorreko bloga.

- Blogari berriaren saria: Ikusi makusi... zer ikusi ikus-entzunezkoen gaineko Gaizka Izagirreren bloga.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskara  |  Euskara  |  Polonia

Euskara kanaletik interesatuko zaizu...
Hitanoa eta generoa
Berreskura ote daiteke hika feminismotik?

Irailak 11-12. EHUko Uda Ikastaroak Donostiako Miramar Jauregian. Ikastaroaren izenburua: Hitanoa eta generoa: aberastasuna ala sexismoa? Hika galera nabarmenean da. Noka berriz, are azkarrago ari da desagertzen. Zergatik dira noka hiztunak urriago toka hiztunak baino? Nokaz berjabetzeak balio al dezake emakumeen ahalduntzerako? Gizonak eta emakumeak bereizten dituen hitanoa indartzea egokia da binarismo zorrotza leundu beharraren ahotsak entzuten diren garai honetan?


Ardoa, sorginak eta bertsoa bizipozaren mesede

Arabako Errioxako mahats-bilketa festaren karietara, irailaren 15ean Bilarren egin zen bertso poteoaren kronika. Bertsolariak: Maialen Lujanbio, Orlando Arreitunandia, Unai Bengoetxea eta Iker Olabarrieta.


2018-09-20 | Kontseilua
'Hizkuntza eskubideak bermatzeko Legearen bidean' jardunaldia egingo dute Iruean

"Hizkuntza eskubideak bermatzeko Legearen bidean" jardunaldia antolatu du UEUk Kontseiluaren laguntza eta Euskarabidearen babesletzarekin. Bertan Nafarroako zonifikazioaren ondorioak alde juridiko batetik aztertuko dira alde batetik, bai eta ikuspegi historikoa, arlo administratiboa, soziolinguistikoa eta euskararen garapenerako trabak ere.


2018-09-20 | Nahia Ibarzabal
Euskaraldian izena emateko epea zabalik, Irueko iragarpen ekitaldiarekin

Epe-irekiera iragartzeko ekitaldia antolatu dute Iruñeko Zentral aretoan 18:30ean eta gonbidapen zabala luzatu dute antolatzaileek.


2018-09-19 | ARGIA
Ertzaintzak aitortu du pertsona bat euskaraz hitz egiteagatik identifikatu zuela

Donostiako Ertzain-etxeko burutzak onartu du herritarren hizkuntza eskubideak ez zituztela errespetatu maiatzean Donostiako Bizitza Da Handiena astean izandako identifikazio batean. Barkamena eskatu du ertzainen izenean eta agenteei jardunbide egokia zein den azaldu zaiela adierazi. Pertsona batek euskaraz hitz egiteko eskatu zien eta bera identifikatzeko eskatu zion ertzain batek. ARGIAk bideoan zabaldu zuen gertaera.


2018-09-19 | JJ Agirre
Ez Molestatu Bwana Erdalduna

Izen hori daukan Facebookeko taldearen izena ekarri dut goiburu, horixe baita gure gainean (gure artean bainoago) bizi diren erdaldun aloktono nahiz autoktonoen lehen manamendua. Horixe bera euskaldun gehienek hezurretaraino barneratutako ohiko jarrera ere: menpekotasun gorria, makurtzen irakatsi bazieten gure aurrekoei espainiarrek eta frantsesek, bortxaz eta mespretxuz, eta sumisioaren transmisioa egiten laguntzaile bilakarazi zituzten sarri-sarri gure aurrekoak, eta gure sasoikide gehienak... [+]


2018-09-18 | ARGIA
Euskara batuaren etorkizunaz arituko dira urrian Euskaltzaindiaren nazioarteko biltzarrean

Urriaren 4tik 6ra izango da biltzarra Arantzazun, euskara batuak 50 urte bete dituela baliatuz. 50 hizlari inguru arituko dira euskara batuaren historia laburraz eta etorkizunaz.


2018-09-18 | ARGIA
Ipar Euskal Herriko herrien herenak hartuko du parte Euskaraldian

Lapurdi, Nafarroa Beherea eta Zuberoako 59 herritan Euskaraldia izango da azaroaren 23tik abenduaren 3ra. Hamaikakoa aurkeztu berri dute.


Nerea Redondo, euskaraz bizi den egiatarra
"Edonork ez dauka gaitasunik edo baliabiderik hizkuntza-gatazka bati aurre egiteko"

Nerea Redondo eta bere ahizparen asmoa triatloia probatzea zen. Hala gerturatu ziren ekainaren 23an Donostiako X. Emakumezkoen Triatloira. Epailearen hitzek harri eta zur utzi zituen: “Por mis cojones que vais a hablar en castellano”. Alegia, bi ahizpen artean euskaraz egitea debekatu ziela. Esaldi horretaz harago luzatu zen hizkuntza eskubide urraketa salatu zuten ahizpek orduan. Orain patxadaz hitz egin dugu Nerea Redondorekin gertaera hartaz, Euskaraldiaren hazia izan zen Egia... [+]


2018-09-14 | Antxeta Irratia
Euskaraldia antolatzeko udalaren babes falta sentitu du Aitzondo Irungo Euskara Taldeak

"Hilabeteak dira dinamizatzailea baino ez dutela bidaltzen udaletik, berak bitartekari lanak egin ditzan", adierazi du euskara taldeak.


ASTEKARIA
Azkenak
EGILEA
Eguneraketa berriak daude