Kapitalismoak hiltzen du


2013ko abenduaren 08an
Francisco Aita Santua, 'Ebanjelioaren poztasuna' izeneko obraren egilea.
Francisco Aita Santua, 'Ebanjelioaren poztasuna' izeneko obraren egilea.

Bai, sistema kapitalistak hiltzen du. Halaxe esan nahi izan du Francisco aita santuak Ebanjelioaren poztasuna izeneko bere lehen dokumentu publikoan. Vatikanoak ordea, beti bezala hain diplomatiko, ez du horrela esan. Ez du kapitalismo hitza erabili, bere adierazpenak argiak eta irmoak diren arren. Hala, Franciscok dioenez “gaur ezetz esan behar diogu bazterketaren eta zuzentasun ezaren ekonomiari. Ekonomiak hiltzen du. Gaur dena sartzen da lehiakortasunaren eta indartsuenaren legearen jokoan, boteretsuak ahulena jaten du”. Egoera horren ondorioz “populazio masa handiak baztertuta eta marjinatuta bizi dira: lanik gabe, etorkizunik gabe, irteerarik gabe. (…) Sistema sozial eta ekonomikoa injustua da errotik”. Aita santuaren hitzetan desoreka sozial hori sortu dute “merkatuen autonomia absolutua eta finantza espekulazioa defendatzen duten ideiek. (…) Tirania ikusezin eta birtual berria ezarri da, eta aldebakarrez inposatzen ditu bere lege eta arauak”.

Sistema kapitalista honek hil egiten du, paradisu fiskalak mantentzen dituen bitartean, milioika lagunengan gosea, langabezia, miseria eta pobrezia sortzen duelako, batez ere gazteengan. Lan istripuek ere heriotzak sortzen dituzte, baita amiantoak, suizidioak… Kapitalismoak ongizate estatua desegin du, baita ametsetako europar “paradisura” iristeko ahaleginetan Hirugarren Mundutik emigratu duten milaka lagunen heriotza eragin ere. Franciscok zehaztu ez duen arren, horrek guztiak baditu erantzuleak: sistema hau, finantza espekulatzaile haiek, gestore politiko horiek –asko katolikoak–… Eta Eliza ofiziala ere Vatikanoko erakundeetan hain lasai dabilen kapitalismoaren konplize da askotan. Eliza erreformatzeko beharraz hitz egiten badu ere, Francisco aita santua sinesgarriago litzaiguke aukera aprobetxatu izan balu barkamena eskatzeko. Bere elizak eta bertako kideek sistema hiltzaile honekiko izan duten konplizitateagatik eskatu beharko luke barkamena. Sistema horrek izen bat du, Franciscok aipatu nahi ez badu ere: kapitalismoa.


Kanal honetatik interesatuko zaizu: Finantza erakundeak
11.000 milioi eurotik gora irabazi ditu Banco Santanderrek 2023an, eta BBVAk 8.018 milioi

Banco Santanderrek %15,3 igo ditu irabaziak 2022arekin alderatuta. BBVAk, berriz, %26 gehiago irabazi du.


Kutxabankek komisioak kenduko dizkie erabiltzaileen %80ri

Komisioak ezabatu egingo dira 30 urtetik beherako guztientzat eta baldintza batzuk bete beharko dituzte kontua eta txartela doan mantendu nahi duten bezero orok. Urtarrilaren 15ean sartuko da araudi hau indarrean.


Espoliazio frankista
Ibex35 eta euskal oligarkiaren zimenduak

Frankismoa ez zela 1975ean amaitu diktadoreak ohean azken hatsa eman zuenean, hori badakigu. Erregimenaren haziek bizirik iraun zuten poliziaren tortura ziegetan, justizia auzitegien sumarioetan eta militarren zein politikarien deklarazio kolpistetan –Aznarrek azkenaldian... [+]


Kutxabankek akordioa sinatu du Madrilgo Alantra inbertsio bankuarekin, "hazteko" estrategia berriaren baitan

Kutxabankek inbertsio bankuen sektorean sartzeko pausoa eman du eta akordioa sinatu du sektore horretako Espainiako Estatuko eta Europako eragile nagusienetako batekin, Alantra sozietatearekin. "Enpresen merkatuan" presentzia handiagoa izatea litzateke helburua.


Herri zaurgarrienek zorpeturik segituko dute finantza sistema berrian ere

Berrogeita hamar bat gobernutako ordezkari, nazioarteko finantza-egitura esanguratsuenak, hainbat enpresa pribatu eta Gobernuz Kanpoko Erakunde zenbait batu dira Parisen, ekainaren 22an eta 23an, mundu mailako finantza itun berri bat adosteko asmoz. Orain arteko joko-arauak... [+]


Eguneraketa berriak daude