Inigo Lamarca

"Arartekoak Gobernuaren kontra-boterea izan behar du"

  • Handitzean, nork izan nahi du Ararteko?

Sustrai Colina
2012ko abenduaren 09a
Dani Blanco

Hemen EAEko biztanleen pena guztiak entzuten dituena!

Ez da nekagarria, motibagarria baizik. Motibazioa mugikorraren bateria kargatzailea bezalakoa da: energia guztia xahututa bukatzen duzu eguna, baina biharamunerako erabat kargatuta zatoz.

Motibazio handia beharko duzu egun batean Ertzaintzak zure gomendioei kasu egiteko.

Arartekoak gobernuaren kontra-boterea izan behar du zentzurik demokratikoenean.

Arartekoa kontra-botere inpartzial eta independentea bada, zu hezur-haragizkoa zara?

Gurea giza-eskubideen printzipioak oso barneratuta dituzten 50 pertsonatik gorako orkestra da, eta ni orkestra zuzendaria baino ez. Alegia, nik independentzia eta inpartzialtasuna zor ditudala, instrumentu bakoitza jotzen duenak zor dituen bezalaxe.

Zure biografiek zure homosexualtasuna zor digutela dirudi. Noiz irakurri dugu “Iñigo Urkullu, heterosexuala”?

Lege eta gizarte mailan asko egin da aurrera, baina oraindik ere homosexualitatea guztiz normala ez den sakoneko ideia dago. Tira, Obama beti izango da lehendakari beltza, goi-kargu bat hartzen duen emakumeari beti azpimarratuko zaio generoa...

Baina euskal herritarrak ez al ginen aurrerakoi, tolerante eta guayak? Ala hori egoera ekonomiko erosoetan bakarrik zen?

Thomas Hobbesek garbi esan zuen: “Primum vivere deinde philosophari”. Baina zeintzuk dira bizitzeko beharrizanak? Ez al ditugu gauza gehiegi sartu oinarrizko beharrizanetan? Gauzak ondo zihoazenean ere, ez al diogu garrantzi handiegia eman diruari?

Tira, gizalegea beharrizana denean legea gurtzen itsutu gara.

Batzuetan gizalegeak ez al du bazterkeria sortzen? Beraz, bat, Legebiltzarretik ateratzen diren legeek dute lehentasuna. Bi, lege horiek guztien eskubideak errespetatu behar dituzte. Hiru, legeak gizartearen gizalegearekiko zilegitasuna behar du. Eta lau, gizalegeak ere eboluzioa zor du.

Aieteko Adierazpena dirudi honek! Bakeaz, konponbideaz, edo dena delakoaz iritzirik?

Giza-eskubide funtsezkoenek testuinguru demokratikoa behar dute. Horretarako, indarkeria mota guztiak ondorio guztiekin onartu, asumitu eta oso gogoan izan behar ditugu. Kontua ez baita gertatutakoa itsu-itsuan gainditzea, gertatutakoaren jabe izanik gainditzea baizik.

Ararteko postua ez dela betiko esango zizuten, ezta?

Mandatua bukatzean Gipuzkoako Batzar Nagusietako nire legelari plazara itzuliko naiz. Zehazki zertan ez jakin arren, gizarte-ekintzan segituko dudala dudarik ez izan, eta azken urteetan izan ez ditudan denbora, arnasa eta tenplea berreskuratzean idazteko asmoa daukat.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Euskal Autonomia Erkidegoko politika kanaletik interesatuko zaizu...
2019-03-15 | Maripi Arruiz
Gezurtiak

Donostian klima aldaketari buruzko konferentzia antolatu dutela-eta, bolo-bolo ibili da hedabideetan Change the change esaldia.


2019-03-11 | Hala Bedi
Guardia Zibilaren kuartelaren pareraino eraman dute Altsasuko gazteen aldeko aldarria Gasteizen

Elkarretaratzea egin dute Laudion. Altsasuko gazteen aurkako espetxe zigorren berrestea salatzea izan da ekimenaren xedea. Gauzak hala, Guardia Zibilak herrian duen kuartelaren pareraino joan dira protesta gauzatzera.


2019-03-08 | ARGIA
Lehen aldiz EAEko Legebiltzarrak osoko bilkura bertan behera utzi behar izan du quorum faltagatik

Ezohiko irudia ikusi da ostiral honetan EAEko Legebiltzarrean: EAJ, EH Bildu, Elkarrekin Podemos eta PSE-EEko emakume legebiltzarkideek greba egingo dutela jakinarazi dute eta horren ondorioz, gaur egitekoa zen osoko bilkura bertan behera geratu da. 36 emakume legebiltzarkide dira guztira greba egin dutenak. Horiei beste hiru gizon gehitu zaizkie, arrazoi ugarirengatik gaurko saioan parte hartu ez dutenak.


Bilbo Hiria irratiari ez dio lizentziarik eman Eusko Jaurlaritzak

Iragan astean jakin genuen Eusko Jaurlaritzak EAEn FM bidez emititzeko 17 irrati lizentzia esleitu dituela behin betiko. Jaurlaritzak berak 2012an deitu eta ondoren bertan behera utzitako lehiaketari balioa eman dio orain, orduan onuradunak ziren egitasmo guztiei lizentziak behin betiko emanez. Bitartean, Bilbo Hiriak, irabazi asmorik gabeko irrati euskaldunak lizentziarik gabe jarraituko du Eusko Jaurlaritzak irratien ganorazko deialdia egin ezean, eta ez du ematen egingo duenik.


2019-03-06 | ARGIA
Darpˇn Osasun sailburuak dimititzen ez badu, Urkulluk kargugabetu dezala nahi du EH Bilduk

Martxoaren 21ean bozkatuko du EAEko Legebiltzarrak Jon Darpón Osasun sailburuaren gaitzespena, Osakidetzako Enplegu Eskaintza Publikoko azterketetako filtrazioen eskandaluaren harira. EH Bilduk koska bat harago eraman du Elkarrekin Podemosen hasierako planteamendua, lehendakariaren esku-hartzea eskatuz.


2019-03-04 | ARGIA
3 milioi euro gehiago jasoko dituzte herri ekimeneko hedabideek erakundeetatik

Dirulaguntza eredu berria adostu dute Eusko Jaurlaritzak, EAEko hiru foru aldundiek eta herri ekimeneko hedabideen Hekimen elkarteak. Itunak 2019-2021 urteetarako balio du.


Azalpenak eman beharko dituzte Hezkuntza sailburuak eta Lanbide Heziketako sailburuordeak

Lehendakariari galderak bidaltzeaz gain, Rebeka Uberak bi agerraldi eskatu ditu Eusko Legebiltzarrean: Cristina Uriarte Hezkuntza sailburuarena bata, Jorge Arévalo Lanbide Heziketako sailburuordearena bestea.


Ondo etorri Urdaibai paradisuaren gezur eta iruzurretara

Naturaren zaintzaren ikur da Urdaibai, baina ikusi nahi duenarentzat agerikoa da iruzurra. Gezurrak dira nagusi, pinudi eta eukalipto, txatarrazko lantegi, Panpako lezka, ur zikin eta turistentzako ekimen txikitzaileen artean.


Lehendakariak dio ez zekiela ezer irregulartasun zantzuak dituen Lanbide Heziketaren finantzazioaz

ARGIAn eman genuen esklusiba: Lanbide Heziketako irakasleak enpresaz enpresa proiektuak saltzera bultzatzen ditu Jaurlaritzaren programa batek eta enpresei saldutako proiektuen arabera diru publiko gehiago edo gutxiago jasotzen dute ikastetxeek. Erreportajearen ostean, programa horretan “irregulartasun zantzuak” antzemanda hainbat galdera luzatu dizkio Iñigo Urkulluri EH-Bilduk, baina horren guztiaren berririk ez zuela erantzun du lehendakariak, eta zalantza asko argitu gabe... [+]


Burdin Hesia eta Bilboko defentsak kultur ondasun izendatu ditu Jaurlaritzak

Eusko Jaurlaritzak kultur ondasun kalifikatu ditu Burdin Hesia eta 1936 altxamendu frankistari lotutako Bilboko defentsak, monumentu multzo kategorian. Erabakiaren helburua da defentsa horrek ondasun gisa duen balioa aldarrikatzea, bere esanahi historikoa gogora ekartzea eta, ikuspegi materialetik, egitura bera babestea. Burdin Hesiak 80 kilometro baino gehiagoko defentsa egitura hartzen du, eta kostaldean jaio eta hiltzen den eraztun bat eratzen du. Hedadura horrek 33 udalerri barne hartzen... [+]


ASTEKARIA
Azkenak
EGILEA
Eguneraketa berriak daude