"Laguntzaz Errenteriako Papresa izan daiteke hemengo paper munstroa"

1995eko uztailaren 02an

Paper industriaren gorakadaz hitzegiten Goiherri paper-olakoarekin
"Laguntzaz Errenteriako Papresa izan daiteke hemengo paper munstroa"
Javier Larrea, Goiherri paper-olako kontseilari ordezkaria
Paperaren prezioak gora egin duela eta horren inguruan mintzatzeko jo dugu Javier Larrearengana. Goiherri, paperaren manipulazio enpresaren sorreran jardun zuen 1987an eta orduan sei langilrekin hasi baziren ere, egun 26 dira. 1994an 200 bat milioi pezeta fakturatu zituzten eta 1995erako 230era hurbilduko dira.
Zer egiten du paper manipuladora batek?
Gure enpresan paper fabrika --Tolosan paper-ola esaten dute-- batean egin dien bobinak inprimatzailearen tamainetara egokitzen ditugu. Hau da, paper bobinak orritan mozten ditugu edo tamaina txikiagoko bobinak egiten.
Papera asko jaitsi ondoren berriro izugarri igo da. Zergatik?
Paper mundua ziklikoa da, beste asko bezala. Negozio munduko zikloak azaltzeko arrazoi osorik ez dut uste oraindik eman denik, baina oro har esan genezake eskaria eskaintza baino handiagoa dela eta horrek eragin duela prezioen igoera. Azken urteotako krisiarekin makina asko gelditu egin da eta berri gutxi jarri, eta gainera eskaria gelditu gabe gora joan da. Momentu honetan ahalmen guztia beteta dagoenez, prezioak gora doaz.
Dena dela, jadanik iragartzen hasiak dira sekulako makina berri batzuen eraiketak.
Nola ikusten duzu Tolosaldeko papergintza? Zein da zure ustez horrela egoteko arrazoia.
Paper munduan kapital izugarriak behar dira inbersioetarako. Makina bat eraikitzeko 50.000 milioi pezeta baino gehiagoko inbertsioak egiten ari dira eta ez dute zuzeneko 300 lanpostu baino gehiago sortzen. Hemengo enpresak, kanpokoen konpetentziatik muga-sarien bidez defendituta egon dira urte askotan eta bitarte horretan ez dira etorkizunaz arduratu. Beste eremu batzuetan bezela, Europan sartzean ez dute behar adinako maila teknologikorik ez finantza arlokorik izan eta ondorioz lehiakidearekiko borrokan galdu egin dute.
Zer etorkizun daukagu, eta beroni heltzeko nondik nora jo behar dugula uste duzu?
Periodiko papera hemen badago munstro horietako bat sortzeko aukera. Horretarako oinarri moduan Errenteriako Papresa hartu beharko litzateke baina, munduko gainerako lekuetan egiten den bezala, hemengo gobernuak ere lagundu egin beharko luke.
Bestalde, badira orain arte oso ondo konpondu direnak ere. Horiei oztoporik ez jartzea litzateke hoberena.
Eta azkenik, hil zorian dabiltzan enpresekin, kudeaketa ona egin eta ilusioaz jokatuko duten taldeak behar ditugu. Eta aipatutako gauza hauek guztiak planifikazio orokor baten arabera egingo balira zer irabazirik izango genukeelakoan nago.
Finlandia mundu mailako paperaren erraldoietakoa da, eta zuek hango Enso Gutzeit enpresarekin ari zarete. Konparatuko al zenuke hura hemengo enpresa baten funtzionamenduarekin?
Finlandian ez dute paperaren industriaz hitz egiten; han baso industriaz hitz egiten dute, eta basoari etekina ateratzeko egiten dute papera. Finlandiako baso industriak herri hartako Barne Produktu Gordinaren herena baino gehiago esanahi du eta urte asko daramatzate etorkizuna planifikatzen.
Esan dezakegu Finlandian baso industriaren eremu horretan hiru enpresa geratzen direla: horietako bat da Entso Gutzei, Europako bigarren postuan kokatua eta mundu mailako bostgarrena. Nire ustez, esandakoak esan ondoren, nahiko garbi ikus liteke hangoak ez duela zerikusirik hemengoarekin.
Nolakoak dira Tolosaldeko enpresa txiki baten harremanak horrelako multinazional batekin?
Enpresa multinazionalek ere beren produktuentzako bezeroak behar izaten dituzte. Eta Finlandiatik estatuko kliente batenganainoko bidea oso luzea denez, zerbitzua emango dien hainbat bitartekoren beharra dute. Enpresa txikia izanda ere zerbitzu ona eman daiteke eta horretan saiatzen gara.
LETONA, Xabier
18,19

Gaiez\Ekonomia\Industria\Papergintza
Pertsonaiaz\LARREA4
Egileez\LETE1\Ekonomia

Irakurrienak

Matomo erabiliz

Pastoral bat Iruñearendako

Amets Aranguren Arrieta

Efemeridea: Guardia Zibila EHko heroinarekin lotuta zegoela zioen 'Navajas txostena' bidali zioten Espainiako fiskal orokorrari

ARGIA

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

Efemeridea: Boliviako poliziak Monika Ertl hil zuen, Che Guevara mendekatu zuen gerrillari alemaniarra

ARGIA

"Zenbat dugun kontatzeko!" Euskal Herriko mapa sortu dute

Euskal Irratiak

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude