26 herrialde prest dira Ukrainan esku hartzeko, baina Putinek erantzun die helburutzat joko dituela
Emmanuel Macron Frantziako lehendakariak adierazi du 26 herrialde prest direla gerra amaitu ondoren Ukrainan indar militarra zabaltzeko, “lurrez, airez edo itsasoz” parte hartuz. Vladimir Putin buruzagi errusiarrak erantzun die ez duela horrelakorik onartuko, ez balizko meniaren aurretik, ez ondoren.
aurre egingo dieten hedabide independenteak
Parisen egindako gailurraren ondoren eman zuen 26 herrialdeen akordioaren berri Macronek. Akordioaren ezaugarriez ez da informazio askorik zabaldu, baina adierazi denez bakarrik gerra gelditu ondoren sartuko litzateke indarrean. Ukrainara bidalitako soldaduak, dena den, frontetik urruti zabalduko lirateke, nagusiki Errusiaren beste inbasio bat saihesteko helburuarekin.
Ez da herrialde horien zerrendarik zabaldu, baina denen parte hartzea ez litzateke berdina, batzuk Ukrainako lurrean bertan arituko lirateke, beste batzuk itsasoan, eta airez parte hartuko luketenak ere badira. Herrialde batzuen konpromisoa mugatuko litzateke Ukrainako armada hornitu eta entrenatzera, gaur egun ere egiten dena.
Europar Batasunan jarrera desberdinak dira parte-hartze militar horri buruz. Frantziak eta Erresuma Batuak gerran menia lortu ondoren tropak bidaltzearen alde egiten dute, baina Alemania, Italia eta Espainia ez dira horren aldekoak eta nahiago dute egungo esku-hartze moldearekin jarraitzea, hau da, Ukraina armaz hornitu eta hango armadaren entrenatze lanetan.
Bildutako liderrek aitortu dute gailurraren helburuetakoa zela AEBak presionatzea konpromiso handiagoa har dezan Ukrainan zabalduko liratekeen Europako herrialdeen sostenguarekiko. Europako herrialdeek behin baino gehiagotan adierazi dute AEBen berme militarrik gabe, haiek ere ahul leudekeela Ukrainan.
Donald Trumpek, aldiz, ez du haiek espero moduan erantzun, eta esan die lan handiagoa egin behar dutela gerraren amaiera lortzeko. Trumpek behin baino gehiagotan adierazi du Ukraina europarren kontua dela eta AEBak gatazkatik erretiratuko direla. Eta Europar Batasuneko herrialdeak horren beldur dira.
Putinen baldintzak: lurraldea eta NATOrik ez
Errusiak ez ditu Europako indar militarrak onartuko Ukrainan, eta bertan zabaltzen badira helburu militar gisa hartuko ditu. Hori izan da Vladimir Putinek gailurrari emandako erantzuna. Bitartean Donald Trumpek su-etena lortzeko jarritako epeak bata bestearen atzean irensten ditu denborak. Behin eta berriro egin dio mehatxu Putini su-etena onartzen ez badu neurri ekonomiko oso gogorrak hartuko dituela Errusiaren aurka. Oraingoz, dena den, ez du halakorik egin.
Putinek Trumpek baino askoz gutxiago hitz egiten du, baina ez dio muzin egiten harekin hitz egiteari, eta Volodimir Zelenskirekin ere hitz egiteko prest dagoela dio, baina Ukrainak gaur gaurkoz onartu ezin ditzakeen baldintzetan: “Hitz egin nahi badu, etor dadila Moskura”, errepikatu berri du mandatari errusiarrak.
Su-etenerako akordioari begira, Errusiak hasieratik zorrotz finkatu ditu bi neurri: bata, Donbassen bereganatutako lurraldeak beretzat hartzea, eta NATO ez barreiatzea Ukrainan. Bitartean jarraitzen du aurrera egiten, poliki, baina etengabe lurraldea bereganatzen eta Ukrainaren aurkako eraso gogorrak eginez.
600 misil eta dronetik gora bota ditu Errusiak Ukrainako hiriburuaren aurka. Gerra hasi zenetik egindako aire eraso handienetakoa da. Zelenskik nazioarteari eskatu dio erantzun dezala, Putin Trumpekin bildu eta bi aste eskasera.
Abuztuaren 15ean Vladimir Putin eta Donald Trump Alaskan bildu ziren. Ofizialki, Ukrainako gerrari amaiera emateko bidean beste urratsen bat emateko. Baina Gazan milaka pertsona hiltzeko gupidarik ez duen politikariak serio esan al dezake penagarria eta tristea dela Ukrainan... [+]
Arabiar Emirerri Batuen bitartekaritzarekin lortu dute preso trukea gauzatzea. Zelenskik adierazi du Ukrainak "askatasunaren alde" borrokatzen jarraituko duela, herrialdeak independentzia aldarrikatu zuenetik 34 urte bete direnean: "Bakea behar dugu, eta gure... [+]
AEBetako presidentea Zelenskirekin eta Europako haren aliatuekin bildu da astelehenean, Etxe Zurian. Badirudi Trumpek ontzat jo duela Vladimir Putinek ostiralean izandako bileran proposatutakoa: Ukrainako gerra amaitzeko Kiev "lurralde truke posibleez" hitz egiteko gai... [+]
Ostiralean Alaskan izango duten bileraren bezperan heldu da mehatxua. Friedrich Merz Alemaniako kantzillerrak deituta, gailur birtual bat egin dute asteazkenean Zelenskik, Trumpek eta Europako hainbat agintarik. Ukrainako presidenteak adierazi du Trumpen eta Putinen arteko... [+]
AEBetako presidenteak Ukrainarekin su-eten akordio batera iristeko ezarritako epea amaituta, Alaskan bilduko dira Trump eta Putin ostiralean. Bloomberg hedabidearen arabera, Errusia eta AEBak gerra "izozteko" plan bat prestatzen ari dira, Moskuk orain arte Ukrainan... [+]
Joan den astean Trumpek ohartarazi zion Putini hamar eguneko epean Ukrainarekin su-eten akordio bat sinatu ezean, zigor ekonomikoak ezarriko dizkiola. Zelenskik sare sozialetan adierazi du ezinbestekoa dela Errusiako presidentearekin bildu aurretik lehenbizi su-etena... [+]
Gaza izan zen iragarpena, Ukraina tanteoa, Iran eskalada, baina Errusia eta Txina dira traka eta azken helburua. Europar Batasunak "Israelek bere burua defendatzeko duen eskubidea" baieztatzen jarraitzen du, eta bere lehen potentziaren buruak aitortzen du "Israel lan... [+]
Europako lau presidente gudazaleek (Emmanuel Macron, Keir Starmer, Friedrich Merz eta Donald Tusk), maiatzaren 10ean 30 egunetako su-etena exijitu zioten Vladimir Putini. Errusiako presidentearen erantzuna: “Maiatzaren 15ean has gaitezen bakea negoziatzen... [+]
Sare sozialetan zabaldutako mezu batean, AEBetako presidenteak adierazi du Errusiako bere homologoarekin izandako elkarrizketa "oso ongi" joan dela. Putinek esan du Ukrainako gerra amaitzeko ahaleginak "bide onetik" doazela, eta Mosku Kievekin bake akordio bat... [+]
Aurrez adierazitakoa baino egun bat geroago abiatu dira bilerak Istanbulen; Zelenski, Putin eta Trump gabe. Errusiari “behe mailako” delegazioa bidaltzea leporatu diote.
Ukrainaren Europako aliatuak Zelenskirekin bildu dira, eta menia astelehen honetan indarrean jartzea proposatu dute, Errusiak jada ezezkoa eman badu ere. Boluntarioen koalizioko agintariek azpimarratu dute garrantzitsua dela Ukrainari laguntza militarra ematen jarraitzea,... [+]
Zer lor nahi zezakeen Ipar Koreako erregimenak Errusiaren gerrarako egindako odol-ekarpenarekin? Batetik, eskarmentua; bestetik, elkarrekikotasuna.
Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi... [+]
"Bakearen" bidean, Errusiak proposatu du kontrolpean ez dituen lurraldeei uko egitea. Trukean AEBk hainbat onura emango dizkio, Financial Timesen arabera. Hala ere, Kremlineko bozeramaile Dmitry Peskov-ek abisu egin du: "Ez fidatu hedabideez, ezta errespetagarriak... [+]