Itsaso zakar bat eta bi ahots poetiko
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera gorriak, hondartza hutsak, xirak eta aterkiak ikusten dira Deban. Abuztuaren hondarreko iluntze honetan txiringitoen eguzkitakoen azpian hartu du jendeak aterpea. Ondargaineko toldoak ozta-ozta eusten dio gaineko euri pilatuari, azpian dituen bafleak, mikroak, gitarrak eta mahaia estaltzeko. Gitarrez gaindi, harro-harro apurtzen diren olatuak ikus daitezke toldopetik. Eta atrezzoaren ederra ez litzateke hori besterik, gaurkoan musikariek egindako heldueraren berezitasunagatik ez balitz.
Izan ere, Paxkal Irigoyen eta Jurgi Ekiza belaontzian heldu dira goiz honetan Mutrikura, ia olatuak gainetik pasatzen zaizkiela. Kapitain bat gidari, Itsasun hasita Potenvedraraino eta buelta, etxera bidean azken aurreko geldialdia dute gaurkoa, Bira belaontzian/ Xira en veleiro izendatu duten zortzi kontzertuko proposamen ero samar baten baitan. Aski poesia eta magia bada jadanik bi musikarien proiektu indibidualetan, pentsa itsasbidaia batek batu eta elkar-elikatzean, ia oholtzaraino heltzen den itsasertzak egiten duen konpainian, atzealdean murrua joz apurtzen diren olatuen presentzian eta goibeldutako zeru azpian.
Espero zitekeenez, deskribatutako paisaiari ezarri dioten soinu-bandak ere hunkituta utzi gaitu, bien bakarkako proiektu zahar zein berrietatik egindako hamabi kanturen hautaketa xehearekin. Ia hamarkada bat lehenago kaleratutako abesti zenbaitzuk biziberritu dituzte, tartean Kontsumo Produkto (Irigoyen, 2017) eta bH036-DG (Ekiza, 2016) diskoetik erreskatatuak. Baita Ekizak biharamunez kaleratuko duen Argitzala laneko aurrerapen kantu bat ere -hau irakurtzen duzunerako sareetan entzungai egongo da-. Hala, bestelako itsasbidaia batzuen oihartzunak ere ekarri dizkigute: ontziak, kanoiak, itsaso gorri baten gainean eta keen atzean ez da lurrik ikusten olatu ezin isilduen ibilbidean. Gehien-gehien harrapatu nautenak, baina, Irigoyenen Xak proiektuko abestiak izan dira. Zuzenean entzun aurretik ere udan zehar ia obsesiboki akonpainatu nautenak. Tristeak, xamurrak, zuzenean eta paisaia horretan are ederrago bihurtu direnak. Edonola ere, eserita ziren oinak dantzan jarri eta gogoz kantatu eta txalotu direnak Willis Drummonden hitak izan dira. Eta amaiera borobiltzeko, klasiko baten bertsio bat, beste itsasertz baterantz: Gaza Calling.
Autora bueltan, lasaitzeko asmorik ez duela diosku itsasoak, xahutzen ez den inspirazio-iturri izaten jarraitzen duela berretsi nahian bezala; izan intimitatearen loihak biluzteko, izan indarkeria koloniala salatzeko. Dirudienez, belaontziko kapitainak izango du lanik etxera heldu artean. Helduko ote dira, biharamunez ere segi dezaten bertaratutakoei barrenak epeltzen. Eta, aldi berean, halabeharrak bultzatutako itsasbidaien eta bizitza suntsitzen ari diren itsasbazterren gordinak poesiaz kantatzen.
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Kneecap taldea BBK Liven egoteak eztabaida piztu du makrofestibalek protesta politikoaz egiten duten instrumentalizazioaz eta kultura-eredu nagusiaren kontraesanei buruz.
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
Ezta Ilen + High Vis
Non: Gasteizko Jimmy Jazz aretoan.
Noiz: ekainaren 7an.
---------------------------------------------------------------
"Etorkizunik Ez" (No Future) punk lelo klasikoak duen gaurkotasuna azpimarratu du Enrique Zamoranok Hijos del Brexit... [+]
IDOIA ASURMENDI
Non: Bilboko Kafe Antzokian.
Noiz: maiatzaren 29an.
AZETangana! eta Mark Duti
Non: Tira IV jaialdia, Gasteizko Korda espazioan eta Gaztetxean.
Noiz: maiatzaren 10ean.
BRN + Auzoko eta Sain mendi + Odei + Monsieur le crepe eta Muxker
Zer: Uzta jaia.
Noiz: maiatzaren 2an.
Non: Bilborock aretoan.
---------------------------------------------------------
Ereindako haziek ura, argia eta denbora behar dute ernaltzeko. Naturak berezko ditu... [+]
Bi festibaletara joateko bonuak 150 euro balio ditu eta maiatzaren 6tik 19ra eskuratu daiteke. EHZ jaialdia ekainaren 27tik 29ra ospatuko dute Aberatzen eta azken Hatortxu Rocka Lakuntzan izango da, uztailaren 24tik 27ra.
Aramu + AimarZ
Noiz: apirilaren 26an.
Non: Zumarragako Zelai-Arizti frontoi irekian.
---------------------------------------------------------
Udalaren webguneak dio: "Bide Bizia marka turistikoa eta izen bereko jaialdia Zumarragaren arima munduari erakusteko,... [+]
24 talde berri iragarri ditu Hatortxu Rock elkartasun jaialdiak. 63 talde iragarri dituzte dagoeneko eta guztira, 100 talde izango dira jaialdiko bost eszenatokietan.