Zoru klausulen afera: bankuei arnasa emango dien lege dekretua prest du Espainiak
Zoru klausulen inguruan gobernuak, Ciudadanosek eta PSOEk adostutako lege dekretuaren zirriborroak ez ditu behartuko bankuak dirurik itzultzera. Halere, klausula horiengatik gehiegi kobratutakoa kalkulatzera behartuko ditu, salaketei atea irekiz.
aurre egingo dieten hedabide independenteak
PPren Gobernuak Ciudadanosen aldeko bozarekin eta alderdi sozialistaren abstentzioarekin onartuko du lege dekretua. Europako Justizia Auzitegiak bankuek gehiegi kobratutako diru guztia itzuli beharko zutela erabaki zuenetik akordioa lortzen saiatu da Rajoyren exekutiboa. Eskaerek justizia eten zezaketenaren eta bankuetan dirua bat-batean itzultzeak eragin litzakeen arazoen beldur hartu du erabakia.
Kexa jasota, bankuek gehiegi kobratutako diruaren zenbatekoa eman behar diote bezeroari. Zenbaki hau desglosatuta eman beharko dute, interes kontzeptuan kobratutakoa erakutsiz. Entitateak uste badu dirurik itzultzeko arrazoirik ez dagoela, hauek ere azaldu beharko ditu.
Bezeroei kalkulatutako diru kopurua baino txikiagoa ematen bazaie, salaketa baten aurrean zenbaki guztiak eginak izango lituzkete. Hori da bankuen kexa nagusia. Epaileak hauei arrazoia emanez gero, bankuek falta den diruaz gain, epaiketa gastuak ere ordaindu beharko lituzkete.
Akordioaren beste berrikuntza baten arabera, bankuak behartuta daude bide honen berri ematera, bai webguneetan, bai sukurtsaletan. Prozesuaren gehienezko epea hiru hilabetekoa izango da eta doakoa. Bankuek, beti ere, dirua itzultzearen ordez beste era bateko eskaintzak egiteko aukera izango du.
Salaketen bidea
Zirriborro honek ez du bezeroa prozedura estrajudizialetik igarotzera behartzen. Zuzenean salaketa jar dezake. Era honetan epaileak kalte ordaina bankuak eskaintzen duena baino txikiagoa izan beharko lukeela erabakitzen badu, bezeroak ez lituzke epaiketa gastuak ordaindu beharko. Bezeroen eskaeraren aurrean, kondenatua izan aurretik, bankuak eskatutakoa emanez gero, ordea, bezeroak ordaindu beharko ditu gastu horiek.
Kontsumitzaileen elkarteek ez dute akordioa begi onez ikusi, bezero askori zor zaion dirua ez itzultzeko aukera irekita dagoelako.
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
Kontsumitzaileen eskubideen defentsan, epaileek ebatzi dute bezeroak ez duela arduragabekeriaz jokatu eta bankuak 1.923 euro itzuli beharko dizkio biktimari.
Berria izateari utzi dio: beroketa globalak bi graduak gaindituko ditu, eta gainditze horrek ondorio oso garestiak ditu. Klimaren gaia tabu bilakatzen ari den testuinguru berri honetan, banketxe handiek ez dute horri buruz komunikatzen, baina arazoaz ongi jabetu dira eta... [+]
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Arma nuklearren produkzioarekin, mantentze lanekin eta modernizazioarekin loturak dituzten hainbat enpresa aztertu dituzte, eta horien artean agertzen dira BBVA, Santander bankua eta SEPI.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
BRICS+ taldearen gailurra iragan berri da Errusiako Kazan herrian. Errusia, Txina, India, Iran, Brasil, Hego Afrika, Egipto, Emirerri Batuak eta Etiopia batzen ditu estatu-bloke horrek, eta beste 30 bat estatuk dute bertaratzeko hautagaitza aurkezturik. Ekonomikoki pisu handia... [+]
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
Donostiako Kultura Garaikidearen Nazioarteko Zentroan dituen 6.300 metro koadroak erabiliko ditu Kutxa Fundazioak espazio berriarentzat eta 15 milioi euroko aurrekontua du proiektuarentzat. 2026ko udazkenean ireki asmo dute Atenea, eta hori baino lehen itxiko dute Miramongo... [+]
Ikerketa batek Espainiako Estatuko banketxeen eta enpresen 'greenwashing' praktikak azaleratu ditu. Estatu sionistak lur okupatuetan eginiko eguzki-energia parkeen finantziazioan murgilduta dago estatuko finantza-sistema; BBVA eta Kutxabank ere tartean dira.
BBVAk Sabadell irensteko egin duen eskaintza “oldarkorrak” berriz erakutsi digu egungo bankuak nolako azalez eginda dauden. BlackRock eta antzeko inbertsio funts sarraskijaleen atzaparretan erorita, haientzako haratustelak ehizatzen dabiltzan erakunde lotsabakoak... [+]
Ramon Oleagak eta Jose Mari Esparzak egina, 300 mapa dakartza Imago Vasconiae izeneko bildumak eta Interneten ere kontsultagarri dago. Euskal Herriaren historiaren bilakaera irudikatzeko eta "ikerketarako jatorrizko materiala izateko" ezinbesteko tresna sortu dute... [+]
Banco Santanderrek %15,3 igo ditu irabaziak 2022arekin alderatuta. BBVAk, berriz, %26 gehiago irabazi du.
Komisioak ezabatu egingo dira 30 urtetik beherako guztientzat eta baldintza batzuk bete beharko dituzte kontua eta txartela doan mantendu nahi duten bezero orok. Urtarrilaren 15ean sartuko da araudi hau indarrean.
Frankismoa ez zela 1975ean amaitu diktadoreak ohean azken hatsa eman zuenean, hori badakigu. Erregimenaren haziek bizirik iraun zuten poliziaren tortura ziegetan, justizia auzitegien sumarioetan eta militarren zein politikarien deklarazio kolpistetan –Aznarrek azkenaldian... [+]