Wuhango koronabirusa: 910 hildako eta kasu berrien agertzea geldotu ote den esperantza
Txinako agintariek keinu bat egin dute Wuhandik zabaldutako pneumoniaren gainean kontrola hartzen ari direla adierazteko: Xi Jinping agertu da publikoan lehenbiziko aldiz krisia lehertu zenetik. Beren itxaropena datza 2019-nCoV birusaren kutsadura kasu berrien agertze erritmoa azken egunotan geldotzen joan izanean. Aldiz, Munduko Osasun Erakundeak ohartarazi du oraindik informazioak osatu gabeak direla eta balitekela ezagutzen duguna icebergaren muturra baizik ez izatea.
Txinako hedabide nagusiek zabaldutako irudietan ageri da Xi Jinping koronabirus izurritearen prebentzioaz okupatzen den Pekingo zentroan bisitan:
Video: Chinese President Xi Jinping inspected the #novelcoronavirus pneumonia prevention and control work in Beijing on Monday afternoon. Xi visited residents and staff in a community in Chaoyang District to learn about the situation of the frontline work. https://t.co/n2zr4Ckifs pic.twitter.com/fYLk7DqIzs
— Global Times (@globaltimesnews) February 10, 2020
Gainerakoan, honela dago Johns Hopkins zentruak uneoro daraman kontabilitatean otsailaren 10aren eguerdian 2019-nCoV koronabirusak Txinatik abiatuta eragin duen epidemiaren datu nagusiak: denetara munduan kutsatutakoak 40.573 dira eta hildakoak 910, bi kenduta beste guztiak Txinan bertan.
Bistakoa den arren hildakoen kopurua handitzen joan dela egunak pasa ahala, aditu batzuek horiei adina begiratzen diote beste datuari, koronabirusaz kutsatuta agertzen diren kasu berrien dinamikari. Alde horretatik, badira egun batzuk egunetik egunera kasu berrien kopurua erritmoz geldotzen ari dela eta horrek adieraziko luke Wuhan eta beste zenbait hiri eta eskualdetan agintari txinatarrek hartutako gerra-neurriak eraginkorrak izan direla.
#Wuhan has started centralized disinfection twice daily since Feb 9 to minimize risk of novel #coronavirus pneumonia contamination. Disinfection is carried out at 10 am & 4 pm everyday in hospital vicinities, centralized isolation points, community areas, etc. #NCP pic.twitter.com/eH0i8jzlG0
— Global Times (@globaltimesnews) February 10, 2020
Aldiz, Munduko Osasun Erakundearen buruak ohartarazi du, aurreko egunetan beste zenbait adituk esandakoaren ildotik, balitekeela oraingo argazkia ez izatea epidemiak ekar dezakeen iceberg handiaren puntta baizik. Erakundearen zuzendari nagusi Tedros Adhanom Ghebreyesus kezkatuta dago jadanik demostratuta daudelako Txinan ibili gabeko beste norbaitengandik koronabirusa jaso duten kasuak eta horrek emango lukeelako izurri berriaren hedatze ahalmen handiaren neurria.
There’ve been some concerning instances of onward #2019nCoV spread from people with no travel history to 🇨🇳. The detection of a small number of cases may indicate more widespread transmission in other countries; in short, we may only be seeing the tip of the iceberg.
— Tedros Adhanom Ghebreyesus (@DrTedros) February 9, 2020
Bi ideiak lotuz, baikorra eta ezkorra, badira nabarmentzen dutenak Txina ari dela bere sistema hiper-zentralizatuarekin eta dauzkan ahalmenekin herrialde barruko kutsatzeari hesia jartzen, baina aski izango dela hain kontrol zorrotzak ezarri ezingo dituen herrialdeetara iristea –Afrikara, esaterako– izurritearen hedadurak jauzi kualitatibo bat egin dezan.
