Ekologistak Martxan erakundeak ohartarazi duenez, Espainia eta Frantzia arteko itsaspeko interkonexio elektrikoaren proiektuaren sustatzaileek “beste ezusteko bat” izan dute. Aurretiaz, Castor gas biltegiko proiektua bertan behera utzi zen, eta ondorioz, 1.350 milioi euroko kalte-ordaina jaso zuen enpresak.

Txina osoan zehar 33 ibaik aspaldiko urik gehien dakarte egunotan, aurreko asteetan izandako euriteek eraginda. Uholdeak atera dira eskualde askotan eta datozen egunetan egoerak okerrera egingo duen beldur dira.

Siberiako Norilsk hirian dagoen zentral termoelektrikoan jazo zen istripua maiatzaren 29an eta erregaia inguruko lur eta ibaietan barreiatu da Artikoraino. Putinen gobernuak ikerketa abiarazi du eta Greenpeacek Exxon Valdez-en istripuarekin konparatu du hondamendia.

COVID-19 krisia hasiz geroztik Kubak 179 mediku, 399 erizain eta hamabost teknikariz osatutako hamabost brigada barreiatu ditu munduan zehar, Latino Amerika, Karibe eta baita Europako herrialdeen eskariz ere –tartean Italia, Andorra eta Frantzia bera Martinikarako...–. AEBek ezarritako blokeo ikaragarriaren erdian, Kubarentzako tresna geopolitiko garrantzitsua dira brigadok, iraultza sozialistaren balioen erakusgarri izateaz gain.

118.000 kutsatu daude herrialdean, horietatik 3,583 hildako. Ostiralean kaleratutako datu berriek 6.000 kasu berri eman dituzte egun bakarrean, orain arte emandako daturik altuena. %5eko igoera izan dute kutsatze berriek.

Historian jasotako zikloirik bortitzena India eta Bangladesh batzen dituen Bengalako itsasoan da. Bengalako itsasoko mendebaldera heldu denean, hamabost pertsona hil ditu gutxienez; hiru milioi pertsona inguru ebakuatu bazituzten ere.

Munduaren berotze globalak 3.500 milioi lagunentzat bizitzeko ezinezko egingo du planeta 2070ean, tenperatura altuengatik. Ikerketa baten arabera, egoera horrek milioika lagun bultzako ditu bizirauteko tenperatura baxuagoak dauden tokietara.

Bere xarmak erakarrita Fermin Muguruza The Big Easyra joan da disko bat grabatzera: Irun Meets New Orleans. Bertan, alde batetik, bere ibilbideko zortzi abesti moldatu ditu New Orleanseko doinuetara eta hiriko bi klasiko interpretatu ditu, eta bestetik, NOLA? dokumentala zuzendu du (hango egoeraz, Katrinaren 10. urteurrenean). Hori guztia, tokiko pertsona esanguratsuenez inguratuta: Preservation Hall Jazz Band talde historikotik Katey Red abeslari bounceraino; Galactic, Dr. John eta Trombone... [+]

2014an Ponpeia Proiektu Handia jarri zen abian, 2.000 urtetan lurrikarak, higadura, espoliazioa –eta askotan ahazten edota propio ezkutatzen den arren, Bigarren Mundu Gerrako aliatuen bonbardaketa– jasan dituen aztarnategia berreskuratzeko.

Txinako agintariek keinu bat egin dute Wuhandik zabaldutako pneumoniaren gainean kontrola hartzen ari direla adierazteko: Xi Jinping agertu da publikoan lehenbiziko aldiz krisia lehertu zenetik. Beren itxaropena datza 2019-nCoV birusaren kutsadura kasu berrien agertze erritmoa azken egunotan geldotzen joan izanean. Aldiz, Munduko Osasun Erakundeak ohartarazi du oraindik informazioak osatu gabeak direla eta balitekela ezagutzen duguna icebergaren muturra baizik ez izatea.