Txinak koronabirusagatik 0 hildako izan ditu apirilaren 6an, urtarriletik lehen aldiz
Txinako Osasun Komisioak emandako datuen arabera, 32 koronabirus kasu berri zenbatu zituzten egun horretan, guztiak beste herrialde batetik iritsitakoak. Asintomatikoen beste 30 kasu zenbatu zituzten. Hildakorik batere ez, ordea.
The Guardianek eman du albistea. Mugarri hori eman bada ere, Txina oraindik koronabirusaren agerpenen aurkako borrokan da eta kanpotik iritsitako koronabirus kasuek gora egin dute. Apirilaren 6an gobernuak iragarri du lurreko mugak indartuko dituela, dagoeneko gehiago baitira lurretik kutsatuta iritsitakoak aeroportuetan zenbatutakoak baino. Atzerritarrei bertan sartzeko debekua indefinituki luzatu duela ere iragarri du.
Hong Kongen azken asteetan kutsatuen kopuruak bikoiztu egin dira, batez ere, kanpotik bertara iritsi diren herritarren artean eta bertako biztanleentzako neurriak zorroztu dituzte.
Wuhanen zer berri
Wuhango biztanleei pixkanaka altxatu dizkiete iragan hilabetetik erabateko blokeoa pairatu arazi dieten mugak. Kutsadura maila gutxitu heinean, agintariek 7.000tik gora auzune izendatu zituen "epidemiatik libre", eta horri esker bi orduz jarraian etxetik kanpo egoteko aukera izan zuten. Apirilaren 8an mugikortasuna galerazi zuten neurriak altxatuko zirela iragarri zuten agintariek: kutsatu gabeko herritarrek hiritik ateratzeko baimena izango lukete horrela. Baina apirilaren 6an estatuaren Xinhua berri agentziak jakinarazi zuen 45 auzuneri ukatu zitzaiela baimen hori, kasu asintomatikoak agertu zirelako hauetan.
Txinak orain arte ez zituen asintomatikoak koronabirusaz kutsatutakoen multzoan sartzen, baina apirilaren 4az geroztik etxeak "epidemiatik libre" izendatzeko kontuan hartzen dute asintomatikorik ez egotea bertan.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.