Auzo elkarteko kideek SER irratiari azaldu diotenez, umeek egunero ikastetxeko patiotik joko-aretoa ikusteak ekar dezake gisa horretako lokalak normalizatzea, baita hara hurbiltzea ere, "eta hori kezkagarria da". Duela egun batzuk Podemos eta Irabazi taldeek mozioa aurkeztu zuten, Jaurlaritzak zorrotzago mugatu ditzan ikastetxeetatik hurbil irekitzen diren joko-aretoak. Auzo elkarteak proposamena babesten du, ez duelako nahi etorkizunean jokoarena izatea Txagorritxuko aisialdi eredua.

Txagorritxukoak bezala, hiriburuan zabaldu diren beste lokal batzuek ere kezka eta haserrea eragin dute, Judimendikoak kasu. Jokoa normalizatzea, apustu arriskutsua erreportajean hitz egin dugu hartaz, Gazte Asanbladako kideek plazaratutako Auzoan jokoz kanpo, joko-aretoaren inguruko hainbat argipen txostena abiapuntu hartuta.