Apustu etxeen iragarkiak mugatuta, kirol taldeek ezingo dituzte haien izenak erakutsi
Abuztuaren 31tik aurrera, jokoaren sektoreko enpresen publizitatea arautzeko Espainiako Gobernuak onartutako dekretua dela eta, telebista edota irratiek soilik goizeko 1:00ak eta 5:00ak bitartean emititu ahal izango dituzte enpresa horien iragarkiak. Zuzeneko kirol emanaldietan, hortaz, ez da gehiago apustu-etxeen iragarkirik emitituko, eta kirol taldeek ez dute haien izenik eramango kamisetan.
Bilbao Basket taldearen kasuan adibidez, RETAbet enpresak utzi egin dio klubaren babeslea izateari. Dekretuari buruzko EFE agentziaren oharrak Kirolbet Baskonia ere aipatzen du, baina apustu-etxe horrek jada utzia zion taldea babesteari. Baskoniak izan duen azken babeslea TD Systems zen, taldeak akordioa etetea erabaki zuen arte, enpresak ez zuelako hura bete.
Publizitatea arautzeko dekretua medio, futbol partidetan adibidez ez da kirol apustuei edota bingo-jokoei buruzko iragarkirik emitituko, pasa den Eurokopan "neurrigabe" gertatu dena, Mikel Arana Espainiako gobernuko joko zuzendari nagusiak EFE agentziari azaldu dion moduan. Aranak gehitu du futbolariek gisa horretako iragarkietan agertzeak edota kamisetetan enpresa horien izena eramateak, "gazteenei jokatzera gonbidatuz", ez duela mezu positiboa bidaltzen, "Ligak izan beharko lukeeneren inguruan".
Aipatu dekretua 2020ko azaroan onartu zen, eta apurka-apurka joan da indarrean sartzen. Ligak berak, Joko Digitalaren Elkarteak eta AMI Komunikabideen Elkarteak helegitea jarri zuten haren aurka, azken horrek, dekretuak arriskuan jar lezakeelako kirol-prentsaren biziraupena.
Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.
Joko arriskutsua goiz antzemateko eta prebenitzeko gidaliburua gazteei eta haien ingurukoei zuzendurik dago. "Jokoarekin lotutako arazoak edozein pertsonak izan ditzake, baina, bereziki, eurak dira kolektibo kaltebera", Eusko Jaurlaritzaren hitzetan.
Indarrean sartu da Eusko Jaurlaritzak eginiko jokoaren lege berria EAEn. Aurrerantzean, apustu etxeek ikastetxeetatik gutxienez 150 metrora egon beharko dute, eta bi joko aretoren artean 500 metroko distantzia errespetatu beharko dute.
Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako... [+]
Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.