ARGIA.eus

2021eko abenduaren 02a

Jaurlaritzak jokoaren erregulazioa "gogortuko" du, "joko patologikoari aurrea hartzeko"

  • Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako murrizketak egingo ditu.

ARGIA @argia
2021eko urriaren 28a
Artxiboko irudian, Elkar-ekin taldeak deituta Azpeitian egindako elkarretaratzea. / Argazkia: UZTARRIA

"Euskadiko egoera sozial eta ekonomiko errealera egokitzea" da helburua, Josu Erkoreka Segurtasun sailburuak azaldu duenez. Alegia, "joko-eskaintza gizartean onargarria den mailara doitzea, osasunaren babesa bermatzea eta arazoak sortzen dituen jokoaren prebentzioa, eta adingabeak eta kolektibo zaurgarriak babestea".

Hori lortu ahal izateko, joko-aretoen arteko nahitaezko gutxieneko distantzia 500 metrokoa izango da, orain arte 150 eta 600 metro inguruko tartea zegoenean baimenduta lokal motaren arabera. Halaber, ezingo da joko edo apustu etxerik egon ikastetxe arautuetatik 150 metrora baino gutxiagora. Gaur egun ez dago gutxieneko distantziarik lehen eta bigarren hezkuntzako eta lanbide heziketako ikastetxeekiko.

Bestetik, EAEn gehienez egongo dira hiru kasino (lurralde historiko bakoitzeko bat, eta lizentzia lehiaketa bidez emango da), hipodromo bat, hamalau bingo, 60 apustu-etxe (orain gehienez 75 ireki daitezkeenean, 2007an lizentzia lortu zuten hiru enpresetako bakoitzak 25), eta 170 joko-areto (une hauetan 209 daude). Bistan geratzen da, hortaz, hamarnaka batzuek ateak itxi behar izango dituztela.

Joko-areto guztietako sarrerak kontrolatzea nahitaezkoa izango da, baita ostalaritza eremuetakoak ere. Establezimenduek gehienez bederatzi hilabete izango dituzte egoera berrira egokitzeko, derrigor izan behar dutelako Jaurlaritzaren jokorako sarrera debekatuen erregistrora konektatutako sistema informatikoak.

Azkenik, Jaurlaritzak "indartu egingo ditu murrizketak" publizitateari dagokionez. Besteak beste, debekatuta egongo da jokoari buruzko publizitatea egitea komunikabideetan goizeko 6etatik gaueko 12etara; ezingo da ospe publikoa duten pertsonekin edo adingabeekin egindako iragarkirik argitaratu; ezingo da publizitateko erreklamo gisa erabili kirol-instalazioen, taldeen edota lehiaketen izen edo markak; eta kirol ekipamendu edo kamisetetan ez da babesle moduan jokoaren arloko establezimendu, enpresa edo operadoreen izenik agertuko. Zentzu horretan, Espainiako Estatuan, abuztuaren 31tik aurrera, jokoaren sektoreko enpresen publizitatea arautzeko Gobernuak onartutako dekretua dela eta, telebista edota irratiek soilik goizeko 1:00ak eta 5:00ak bitartean emititu ahal dituzte enpresa horien iragarkiak.

Igor Meltxor: "Birusa inokulatzen utzi dute"

Iazko urtarrilean erreportajea plazaratu zuen ARGIAk, apustu-etxeen gorakadari tiraka. Tartean, Igor Meltxor ikerketa-kazetaritzaren hitzak bildu genituen. Halaxe zioen berak orduan: "Jokoaren sektoreaz hitz egitean, diru publikoaren erabileraz kexu da ororen gainetik: “Administrazioek egin erregulazioak ez ditut kritikatuko, ezta Nafarroako Gobernuak onartu duen apustu etxeentzako baimen-luzamendua bezalako neurriak ere, baina egon den inpunitatea salatu beharra dago. Birusa inokulatzen utzi dute eta orain ikusten ari dira ludopatia arazo bihur daitekeela; hobe zuten prebentzio lan txukuna egin”.

Sozializazio prozesuaren garrantzia

Jokoaren Euskal Behatokia sortu zeneko hirugarren urteurrenean eman du Jaurlaritzak aldaketen berri. EHUko Soziologia eta Gizarte Langintza Saileko irakasle Jonatan García Rabadánek adierazi duenez, “nabarmendu beharreko lehen alderdi esanguratsua da jokoak presentzia argia duela Euskadiko gizartean, biztanleen % 70,5ek azken urtean gutxienez behin jokatu baitu edo egin baitu apustu". Azaldu du inkestari erantzun dioten pertsonen gehiengoak (% 79) baieztatu duela haurtzaroan edota gaztaroan familiartekoren bat jokatzen ikusi zuela, eta "ehuneko txikiagoak baina hala ere esanguratsuak" (% 24,7) aitortu du hemezortzi urte bete aurretik hasi zela jokoan, hau da, legez ezarritako gutxieneko adina baino lehen. "Sozializazio prozesuak eginkizun erabakigarria du egoera horretan, eta, nolanahi ere, jokoak gizartean duen presentzia eta normalizazio maila altua erakusten duten elementuak dira”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Apustu etxeen gorakada  |  Eusko Jaurlaritza

Apustu etxeen gorakada kanaletik interesatuko zaizu...
Apusturako deia, langileen auzoetatik

Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.


2021-08-31 | Jon Torner Zabala
Apustu etxeen iragarkiak mugatuta, kirol taldeek ezingo dituzte haien izenak erakutsi

Abuztuaren 31tik aurrera, jokoaren sektoreko enpresen publizitatea arautzeko Espainiako Gobernuak onartutako dekretua dela eta, telebista edota irratiek soilik goizeko 1:00ak eta 5:00ak bitartean emititu ahal izango dituzte enpresa horien iragarkiak. Zuzeneko kirol emanaldietan,... [+]


2021-08-24 | Jon Torner Zabala
Auzune pobreenetan pilatzen dira apustu-etxeak Erresuma Batuan

Hainbat ikerketak ondorioztatu duena berretsi du Bristoleko Unibertsitateak: Auzune pobreenetan askoz ere apustu-etxe gehiago dago zonalde aberatsagoetan baino. Gobernuz kanpoko erakundeek ohartarazi dute menpekotasuna duten 500 gaztek egiten dutela bere buruaz beste urtean.


2021-07-23 | Hiruka .eus
200 lagunek baino gehiagok deitoratu dituzte Sopelako atxiloketak

Ostegun goizean egindako polizia-operazioa salatu eta atxilotutako lagunei babesa eta elkartasuna adierazi diete Sopelan arrastian batutako 200 pertsonak baino gehiagok. Atxilotutako hiru gazteak aske gelditu dira arrastian.


2021-07-22 | ARGIA
Hiru sopeloztar atxilotu ditu Espainiako Poliziak, ustez joko aretoen aurkako jardunagatik

Dirudienez, atxiloketek lotura daukate joko aretoen aurkako jardunarekin. Ostegun arratsaldean mobilizazioa deitu dute, atxiloketak gaitzesteko.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude