ARGIA.eus

2022ko urtarrilaren 19a

Tuterako Sigma Brakes enpresak lanean jarraitzen duela salatu du ELAk

  • Enpresak argudiatzen du bere jarduera garraioari zerbitzua ematera bideratuta dagoela eta, horregatik eusten diola ekoizpenari. ELA sindikatuak ez du ulertzen "balazta-pilulak funtsezko produktutzat jo daitezkeenik eta, beraz, horiek fabrikatzeak 300 pertsona inguruko kolektibo bat eta haren familiak beharrik gabe arriskuan jartzea justifikatzen duenik".

ARGIA @argia
2020ko apirilaren 02a
Argazkia: ELA.

ELA sindikatuak zabaldu duen oharrean adierazi du Sigma Brakes enpresan "segurtasun-neurri batzuk ezarri diren arren, ezinezkoa dela guztien osasuna babestea, enpresako lana nola antolatuta dagoen ikusita. Langile askok orpoz orpo lan egiten dute. Gertakari horiengatik berengatik jarri zen salaketa bat Lan Ikuskaritzan".

Martxoaren 29an onartu zen 10/2020 Errege Lege Dekretu berria, funtsezkoak ez diren jarduera guztiak gelditu behar direla agintzen duena. Sigma Brakesek argudiatzen du bere jarduera garraioari zerbitzua ematera bideratuta dagoela eta, horregatik, bere ekoizpenari eusten diola, argudio hori Gobernu Ordezkaritzak bermatua izan delarik. ELAk ez du ulertzen balazta-pilulak funtsezko produktutzat jo daitezkeenik: "Beraz, horiek fabrikatzeak 300 pertsona inguruko kolektibo bat eta haren familiak beharrik gabe arriskuan jartzea justifikatzen duenik".

Enpresako batzuk dagoeneko koronabirusaz kutsatuta

ELAk jakinarazi duenez, "dagoeneko enpresa honetako langile batzuk bajan daude, bai COVID-19 kutsatzeagatik, bai berrogeialdian kutsatuekin edo sintomekin kontaktuan egoteagatik". 300 langile inguru dituen fabrika izanik, kutsadura foku handia izan daitekeela ohartarazi du sindikatuak.

Kanal hauetan artxibatua: Koronabirusa  |  Ekonomia  |  ELA  |  Tutera

Koronabirusa kanaletik interesatuko zaizu...
2022-01-18 | Estitxu Eizagirre
Txertoa hartu edo ez, COVID-19a pasatu berri duenak ez du berrogeialdirik egin beharrik EAEn

Osakidetzaren azken protokoloak dio positibo baten kontaktu estua izanagatik COVID-19a azken 180 egunetan pasatu duenak, txertatuta egon edo ez, ez duela etxean berrogeialdirik egin beharrik, baldin eta ez badauka sintomarik.


2022-01-18 | Estitxu Eizagirre
Zenbait inmunologok hirugarren dosia hartu beharra zalantzan jarri du

Txertoaren hirugarren dosia abian da herrialde aberatsetan eta laugarren dosia ere ezarriko zaie arrisku taldekoei. Denborarekin txertoek eragindako antigorputzak galdu egiten dira, eta horiek gehitzeko errefortzu dosiak jartzea da gobernuen estrategia. Baina txertoen alde... [+]


2022-01-17 | ARGIA
Txertaketa ziurtagiria onartu du Frantziako Legebiltzarrak

PCR proba negatiboak ez du balioko jada zenbait espazio eta zerbitzu erabili ahal izateko. Diputatu batzuek helegitea aurkeztu dute Kontseilu Konstituzionalean.


2022-01-17 | ARGIA
Gipuzkoako federazioek eskola kiroleko txapelketei debekua kentzea eskatu dute

Hamazazpi kiroletako federazioek adierazpen bateratua egin dute astelehen goizean. Haurrek asteburu honetatik aurrera lehiatzeko aukera izan dezatela eskatu dute. Kirola segurua dela adierazi dute, eta haurrentzako oinarrizko beharra.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude