ARGIA.eus

2020ko apirilaren 09a

Torra presidentearen ustez kutsatuen pikoa apirilaren amaieran egon daiteke Katalunian

  • Quim Torra Generalitateko presidentearen esanetan, apirilaren amaieran egon daiteke kutsatuen pikoa Katalunian, eta egoera horren aurrean, ezinbestekoak diren zerbitzuak bakarrik mantendu beharko litzatekeela azpimarratu du, oraingo itxialdiaren neurrien zorroztea eskatuz.

2020ko martxoaren 25a

Kataluniako Parlamentuan talde parlamentarioetako bozeramaileen aurrean bideokonferentziaz egindako agerraldian azaldu duenez, Kataluniako Gobernuak baditu proiekzioak apirilaren amaieran gaixotasunaren gailurra izango den koronavirusaren bilakaerari buruz. "Agertoki bat da, baina nire eginbeharra da herritarrei helaraztea zer gerta daitekeen. Erabateko konfinamendua behar da, oinarrizko zerbitzuen salbuespenarekin", esan du, ildo horretan hartutako erabakiak premiazkoak direla azpimarratuz.

Torraren arabera, agertoki horrekin "Italiakoaren antzeko egoera batera iritsiko ginateke", eta egonkortzea ez litzateke gertatuko aste batzuk geroago arte, hau da, ekainaren erdialdera arte. "Herritarrak prestatu egin behar dira bururatzen ere gaitza den egoera bat bizitzeko, eta honek erabaki sendoak hartzera behartzen gaitu”.

Erabateko konfinamendua

Gaitzaren hedapenari eusteko erabateko konfinamendua bermatu beharra nabarmendu du, eta ohartarazi du erabaki hori hartu gabe igarotzen den minutu bakoitza minutu bat galdua eta herritarrentzat arrisku erantsia dela. "Ez da arazo politiko edo ideologiko bat, ezta muga arazoa ere. Nahikoa da gai honekin demagogia egitearekin", aldarrikatu du.

Torrak bost puntutan laburbildu ditu Kataluniako Gobernuaren arabera berehala hartu beharko liratekeen neurriak: bat, erabateko konfinamendua, funtsezko zerbitzuak izan ezik; bi, oinarrizko errenta unibertsala indarrean jartzea herritarrak babesteko; enpresa txiki eta ertainei eta autonomoei laguntzea; zerga, alokairu eta horniduren ordaintzea etetea; eta osasun eta laguntza-sistema ahalik eta gehien indartzea. "Hori guztia batera eta aldi berean egin behar da. Badakit etorkizuna zalantzazkoa dela, baina ez dugu aurrera egingo neurri batzuk hartzen baditugu eta besteak ez", zehaztu du.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Koronabirusa  |  Katalunia

Koronabirusa kanaletik interesatuko zaizu...
Azkenak
Argia buletina
Egunaren laburpena
zure e-postan
Eguneraketa berriak daude