Jerusalengo Harrotasunaren Egunean zauritu zuten gaztea hil egin da
Uztailaren 30ean gay eta lesbianen aldeko Jerusalengo manifestazioan parte hartzen ari zen 16 urteko Shira Banki gaztea hil da. Kartzelatik atera berria zen judu ultraortodoxo batek eragin ziozkion zauriak, iturri guztien arabera.
Labainkaden zaurien ondorioz igandean hil da Banki, Mann News agentzia palestinarrak zabaldu duenez. Erasoan beste bost pertsona gehiago zauritu ziren eta horietako bat larri dago. Yishai Shlissel judu ultraortodoxoa da ustezko erasotzailea. 10 urte kartzelan eman ditu 2005eko Harrotasunaren Martxan hiru pertsonari eraso egiteagatik. Orain dela hiru aste irten zen kartzelatik./p>
Palestinarren eta israeldarren arteko tentsioa gora
Harrotasunaren Martxaren hurrengo egunean, ostiral arratsaldean, kolono juduek familia palestinar baten etxeari eraso egin zieten. Etxeari su eman zioten eta horren eraginez 18 hilabeteko umea hil zuten. Gurasoek gorputzean 80 eta 90 graduko erredurak dituzte eta oso larri daude. Lau urteko beste semeak ere zauri larriak ditu.
senideak. Israelgo kolonoek hil dute
Zisjordanian. (AFP/ Thomas Coex)
Israeleko lehen ministro Benjamin Netanyahuk erasoa gaitzetsi du eta mota horietako gertakarien aurrean beren politika “tolerantzia zero” izango dela adierazi du. Oraingoz Poliziak ez du atxiloketarik egin.
Egun berean Israelgo Segurtasun Indarrek 17 urteko palestinar bat hil zuten Gaza iparraldean. Zenbait lekukoren arabera, Gaza eta Israel banatzen dituen segurtasun gunearen inguruan ibiltzen ari zela tiro egin zioten poliziek. Eraso berdinean beste gazte bat zauritu zuten.
Eraso hauek sumina piztu du berriz ere palestinarren artean. Larunbatean istilu larriak izan ziren Israelgo Poliziaren eta manifestari palestinarren artean Nablusen. Istiluetan hainbat palestinar zauritu ziren.
Juduen koloniei buruzko artikulua Axier Lopez kazetariaren blogean.
Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]
Titularra irakurri eta baten batek pentsatuko du esajerazio bat dela, neurriz kanpoko orokortze bat egin duela kazetariak. Israelgo informazio zerbitzuetako sei langile ohien lekukotasunetan oinarrituriko 'Lavender': The AI machine directing Israel's bombing spree in... [+]
34.500 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Israelek 40 eguneko su-etena eta preso trukea eskaini dio Gazari, baina akordioa lortu edo ez Rafah inbadituko dutela adierazi du Netanyahu lehen ministroak. AEBk eta Erresuma Batuak Hamas presionatzen ari dira Israelen eskaintza onar dezan. Astelehenean 47 palestinar hil zituen... [+]
Gasteizko dozena bat ikastetxe eta institutuk pasa den astean egin zuten publiko komunikatua, eta astelehen honetan Bilboko beste hogei eskola batu zaizkie, publiko zein Ikastola. ELA, LAB eta Steilas sindikatuak ere tartean daude. Sinadura bilketa abiatu dute.