Sindikatuak haserre, Hezkuntza sailak "aldebakartasunez" diharduelako
STEILAS, ELA eta LAB sindikatuek salatu dute pandemiaren ostean Jaurlaritzako Hezkuntza sailak egin dituen aldaketa guztiak "aldebakartasunez" egin dituela. Apirilaren 29an deitu du Hezkuntza sailak sare publikoko bilera, ikastetxeak itxi zirenetik bigarrena. Bilera hau ere "gai ordenik gabekoa" izango dela adierazi dute sindikatuek eta STEILASek erabaki du ez parte hartzea. ELA eta LAB bertan izango dira, baina bileraren eraginkortasunaz "eszeptiko" direla adierazi dute.
Apirilaren 29an bilduko da Jaurlaritzako Hezkuntza saila sare publikoko sindikatuekin: "Ikastetxeak itxi zirenetik hau izango da bigarren bilera" salatu du STEILAS sindikatuak. Sindikatu honek, ELAk eta LABek salatu dute "oraingoan ere gai ordenik gabekoa" izango dela.
Pandemian hezkuntza sistemako aldaketak "aldebakarrez" eta "jarrera autoritarioz"
Pandemia egoerak hezkuntzan ere aldaketa handiak ekarri ditu. Prozesu hori guztia ez dela sindikatuekin kontrastatuta eta elkarlanean egin adierazi dute sindikatuek: ELA eta LABek salatu dute apirilaren 22an Cristina Uriarte Hezkuntza sailburuak ikasturte amaierarako aurkeztu zuen plana "aldez aurretik sindikatuekin eta langileekin partekatu eta adostu gabeko proiektua" dela. Hezkuntza sailak "Aldebakarreko erabakiak" hartu dituela salatu du STEILASek ere, "murrizketak ekarri dituztenak" gainera. ELA eta LAB sindikatuek eskatu dute irakaskuntzarekin zerikusia duen edozein erabaki publiko egin aurretik sindikatuekin negozia dezatela, "eta horrela, azken aldiko modu autoritarioak alde batera utz ditzatela". Orain artean Hezkuntza sailak sektoreko langileen proposamenei "entzungor" egin diela salatu dute. Eta gehitu dute azken asteotan hainbat galdera, iritzi, iradokizun eta eskaera helarazi dizkiotela Hezkuntza Sailari "COVID-19ren inguruan hartutako erabakien eta aplikatutako neurriei buruz". Salatu dutenez, "trukean, isiltasuna eta mespretxua baino ez dugu jaso Jaurlaritzaren aldetik".
STEILASek ez du bileran parte hartuko, ELA eta LABek errespetua exijituko dute
STEILAS sindikatuak "baldintza horietan bileran ez parte hartzea erabaki du". Apirilaren 29koa "inongo edukirik jasotzen ez duen bilera" izango dela adierazi du sindikatu honek. ELA eta LAB ere "eszeptikoak" dira bilera honen emaitzekiko baina parte hartuko dute, orain arteko eskaera eta salaketak bertan planteatzeko.
STEILASek Hezkuntza sailari eskatu dio "hezkuntza publikoa osatzen dugun sektore guztiekin negoziaketak abiarazi ditzan, egoera lazgarri honi gure ikasle eta langileen eskubide galera gabe aurre egin diezaiogun".
Katalunian Societat Catalana de Pediatria elkarteak pandemia kontrolatzeko ikastetxeetan aplikatzen diren neurriak bertan behera uzteko eskatu du, neurri horiek haurrengan dituzten ondorio kaltegarriak argudiatuz. Tartean dago gela barruetan maskararen erabilera kentzea, modu... [+]
Beste hainbat bezala COVID pasearen aurka Bilbon deituta zegoen manifestaziora joan ginen aurrekoan. Bertan adin, kolore, janzkera eta hizkera askotariko zenbat jende zegoen ikusteak asko poztu ninduen, eta tartean topatu nituen unibertsitate garaiko batailetako lagunak edo... [+]
Zarauzko Udaleko urtarrileko osoko bilkuran, galdera erantzunen txandan sei herritarrek hartu zuten hitza, eta Covid pasaporteak eragindako diskriminazioa eta beren bizipenak azaldu zituzten; tartean, pasaporterik gabe kiroldegira sartzeagatik atxilotuta bukatu zuen... [+]
Bermeon jaiotako eta bertara etorritako herritarren artean hilean behin egiten zuten tertulia dago Lurre Hurre proiektuaren oinarrian. Elkar ezagutu zuen herritar talde horren harremanetik abiatuta, eta konfinamendu garaian migratzaile askok bizi zuten egoeraz jabetuta, egitasmo... [+]
Joseph Andras (Le Havre, Frantzia, 1984) idazlea da. 2016an lehen eleberriagatik "Goncourt" sari famatua eman zioten, baina berak uko egin zion epaimahaiari esanda “lehia, konkurrentzia eta norgehiagoka arrotzak zaizkiela idazketari eta sorkuntzari”... [+]