Saboteatzaile eta probokatzaileak
Gipuzkoako zaharren egoitzetako langileak berriz ere mobilizatzen ari dira eta herri ugaritako kaleak zeharkatu dituzte euren egoeraren berri emateko.
Mobilizazio aldi hau urriaren 18an amaituko dute Gipuzkoako Aldundiaren aurrean, erakunde horri egozten baitiote grebaren erantzukizuna. Langileek salatu dute patronalak ez duela borondaterik erakusten akordiora iritsi eta gatazkari amaiera emateko. Hala, Aldundiari exijitu diote bere egin dezala ELAk Adegi eta Matia 2000 patronalekin adostutakoa, eta bete ditzala bere garaian hartutako konpromisoak.
Mobilizazioak ez dira besterik gabe sortu. Langileek ehun greba egun egin dituzte hitzarmen duin baten alde. 5.000 langileri eragiten dio hitzarmenak eta eskatzen dutena da adinekoentzat kalitatezko arreta zerbitzu bat ekarriko duen eredua ezartzea Gipuzkoan. Langileen gehiengoa emakumezkoa izanik, %30eko soldata arrakala jasaten dute gizonezkoek lan egiten duten pribatizaturiko sektoreekin konparatuta, hau da, urtean 6.000 euro gutxiago.
Ez dute baztertu mobilizazioak gogortzea, baita greba mugagabeari ekitea ere, ekintza irmoagoekin. Ekintza horiek gertatzean, patronalen eta erakundeen haserrea etorriko da, grebalariak “erradikalak” eta “biolentoak” direla esanez, eta egotziko diete adineko jendea “abandonaturik” uztea, iritzi publikoan oso gai sentibera baita hori.
Normala eta justua ote da, ehun greba egunen ondoren –euren soldatak galdu eta lanpostua arriskuan jarriz– patronala eta Aldundia akordiora iritsi nahi ez izatea? Dirudienez, hauen arduradunek ez dituzte soldatak eta karguak arriskuan jarri nahi. Euren jokabide autoritarioak zerikusi gehiago dauka saboteatzaile eta probokatzaileekin. Beraiena izango da gatazka gogortzearen ardura.
Euskararen normalizazioaren motorrak herri dinamikara bueltatu behar du aurrera egin nahi badugu
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Etxeko langileek jasaten duten "prekaritateari" aurre egiteko, "neurri zehatzak" biltzen dituen dekalogo bat aurkeztu du sindikatuak, Bilbon. Auzia lehenbizi Espainiako Auzitegi Gorenera eraman zuela jakinarazi du LABek, baina auzitegi horrek ez diola... [+]
ELA, LAB eta ESKk Eusko Jaurlaritzako Ekonomia, Lan eta Enplegu Sailaren proposamena errefusatu dute, nahikoa ez dela arrazoituta. 100 egun baino gehiago daramate lorezainek greban.
Lurraldeko erresidentzietan eta eguneko zentroetan 5.000 langile daude, eta horietako %40k borondatezkoak ez diren kontratu partzialak dituzte. Aldundiari dagokion ardura hartzeko eskatu dio ELA sindikatuak.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]