Praktikan ez du aldaketarik ekarriko Memoria Demokratikorako Espainiako Legearen zuzenketak

  • Memoria historikorako elkarteek ohartarazi dute 1977ko Amnistia Legea indargabetu gabe, ezingo direla frankismoko krimenak epaitu


2021eko azaroaren 19an - 10:32
Azken eguneraketa: 11:37
Amnistia Legea indargabetzeko eskatu dute memoria historikorako elkarteek. / Argazkia: Euskal Memoriaren Artxiboa.

Espainiako Gobernu koalizioko PSOEk eta Unidas Podemosek asteazkenean iragarri zuten frankismoko krimenak epaitzea ahalbidetuko lukeela Memoria Demokratikorako Legearen zuzenketak, kasuak ezingo liratekeelako preskribatu eta nazioarteko legediaren arabera epaituko liratekeelako. Baina praktikan ez da ezer aldatuko. Felix Bolaños Memoria Demokratikorako ministro sozialistak ostegunean Onda Cero irratian onartu du Espainiako egoera juridikoa bera izango dela legea aplikatutakoan: “2002tik egin daitezkeen gauzak egin ahalko dira”.

Josu Ibargutxi Frankismoaren Krimenen Aurkako Plataformako kideak Naiz atariari azaldu dionez, “kontraesankorra” da 1977ko Amnistia Legea mantentzea eta, aldi berean, zuzenketa batzuk onartzea zeinak helburu duten gerra krimenak, gizateriaren aurkakoak, genozidioak eta torturak ez preskribatzea edota amnistiatzea. Gobernuak proposatutako zuzenketek balio erreala izan dezaten Amnistia Legea indargabetu behar dela azaldu du, gutxienez bigarren artikulua. Halere, Ibargutxik Berriari jakinarazi dio “aurrerapausoa” dela legearen zuzenketa, eta “balio sinboliko handia” duela: “Zuzenketa hau bide onetik doa”.

Bozken gehiengoa beharko dute

Memoria Demokratikorako Legearen zuzenketak onartzeko negoziaketak egin beharko ditu Espainiako Gobernuak, gehiengoa lortzeko. Gabriel Rufian ERCko legebiltzarkideak hasieratik aurpegiratu die PSOEri eta Unidas Podemosi herritarrak “engainatzea” eta “kea saltzea”. Amnistia Legea aldatzeko eskatu du, baina Rufianen esanetan PSOEk ez du hori egin nahi, honengatik: “Duela 40 urte baino gehiago egindako akatsa onartzea izango litzateke”. Dena dela, negoziatzeko prest agertu da.


Kanal honetatik interesatuko zaizu: Oroimen historikoa
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


Jokin Pantxeska Etxebarria. Gerrako ume, aitaita
"Hiru aldiz esan dute gorria naizela, komunista!"

Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]


Industria agortu eta gero, zer?

Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]


Ertzaintzaren foam jaurtigai batek pertsona bati matrailezurra apurtu zion Gasteizen

Orain arte ezagutzen denagatik, Ertzaintzak Martxoaren 3ko igandeko manifestazioan jaurtitako foam jaurtigai batek zauritu zuen pertsona hori, matrailezurra bi lekutan apurtu zioten, ospitalean dago eta ebakuntza egin beharko diote. Hori da asteazken honetan Gasteizen egindako... [+]


2024-03-01 | Euskal Irratiak
Gabi Mouesca: "Didier Laffiten etsenpluak erakusten digu lorpenak erdiesteko borrokan sartu behar dela"

Duela 40 urte hil zuen frantses poliziak Didier Lafitte Baionan. Donibane Lohizuneko arrantzalea tiroz hil zuten, Iparretarrak taldeko Gabi Mouesca autoz hitzordu batera eramaten zuela. Gertakari horren ondoren, Mouesca hamar urteko presondegi zigorrera kondenatua izan zen, eta... [+]


Eguneraketa berriak daude