PPk mailaz igo du pisu turistikoak legez kanpo ustiatu dituen Antépara: Gasteizko udal taldeko aholkulari


2023ko abenduaren 11n - 07:24
Azken eguneraketa: 10:32
Gasteizko PPren argazkia 2023ko udal hauteskundeetan. Antépra erdian goian, Laura Garrido legebiltzarkidearen gainean. Argazkia: ppvitoria.com
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Antépara PPko ordezkari izan da aurreko legegintzaldian Gasteizek dituen hiru sozietate publikoetan: 21 Zabalgunea, AMVISA eta TUVISA). Maiatzeko hauteskundeen ostean, hiruretatik alboratu du PPk.

Mailaz igo du Antépara PPk

Hauteskundeen ostean egindako aldaketekin, bi zentzutan igo du mailaz Antépara bere alderdiak: politikoki eta ekonomikoki. Politikoki, ardura handiagoa eman dio. Sozietate publikoetako administrazio kontseiluek hilabetean behin egin dituzte bilkurak iragan legegintzaldian, hilero hiru bilera beraz, eta marko horretan alderdietako ordezkariek ez dute pisu politiko nabarmenik. Udal taldearen aholkulari postua alderdiek konfiantzazko pertsonei ematen diete, eta alderdiaren udal politikan eragiteko boterea ematen du.

PPko Gasteizko Udaleko taldearen aholkulari gisa ari da lanean Antépara. Diru publikotik 3449,14 euroko soldata gordina jasotzen du hilabetero

Ekonomikoki, administrazio kontseiluen dietak bilerako 119,65 euro dira. Baldin eta Antéparak horiek jaso bazituen, 358,95 lirateke hilero. Orain, aholkulari gisa, jardunaldi osoan dago soldatapean PPko kidea. Diru publikotik 3449,14 euroko soldata gordina jasotzen du hilabetero. Datu horiek guztiak udalaren webgunean bertan daude publiko.

PPko udal taldearen "aldi baterako langileen" zerrenda, Antépara hirugarren lerroan. Irudia: Gasteizko Udalaren webgunea.

 

PPko kide esanguratsuaren legez kanpoko jarduerak

Antépara Gasteizko eta Arabako PPko kide esanguratsua da. Zinegotzi izan zen Gasteizko Udalean 2016-2019 tartean, Javier Maroto ordezkatu ondoren. Maiatzeko udal eta foru hauteskundeetan Arabako zein Gasteizko zerrendetan sartu zuen alderdiak, hamalaugarren eta zazpigarren postuan, hurrenez hurren. ARGIAk apirilean argitaratu zuen moduan, batetik, udalak espedientea ireki zion berak sortu zuen Luxury Rental Apartments enpresari, pisuen eraberritze integralerako obra “klandestinoak” egitea leporatuta Pintore eta Hedegile kaleetan. Bestetik, Luxury hainbat etxebizitza alokatzen aritu da gutxienez 2021etik, horretarako baimenik ez bazuen ere.

Udalak irekitako espedienteei dagokionez, Gasteizko Udalaren Lurraldearen eta Klimaren Aldeko Ekintzaren Sailak 500 euroko isun bana ezarri zion Luxuryri Pintore eta Hedegile kaleetako bi etxebizitzetan eginiko obrengatik (legeak 500 eta 5.000 euro arteko isuna aurreikusten du). Luxuryk helegitea aurkeztu zuen, eta udalak isunak berretsi ditu uztailaren 12an eta 13an, bide administratiboari amaiera emanez.

Antépara eta Luxuryren arteko harremana gaur egun

PPk eta Antéparak ziurtatu zuten, ARGIAren informazioari erantzunez, Antéparak ez zuela inongo ardurarik enpresan 2019tik, hau da, Luxuryk legez kanpoko jarduerak burutu aurretik. PPko komunikazio arduradunak alderdiaren egoitzan erakutsi zizkion ARGIAri hori frogatzen omen zuten dokumentuak, Antéparak aurkeztutakoak. ARGIAk frogatu zuen, ordea, 2022ko uztailaren 1era arte Luxuryren administratzaile bakarra izan zela Antépara, hau da, bere administraziopean burutu zirela salatutako jarduerak. Froga horiek PPren eskuetan jarri zituen ARGIAk, baina PPk alderdikidea babesten jarraitu zuen.

Hainbat bizilagunek ARGIAri ziurtatu diote Pintore zein Hedegile kaleko pisuetan turistak ikusi dituztela uztaila eta abuztuan zehar sartu-irtenean, eta kale batean zein bestean Antépara bera ikusi dutela hainbat aldiz, 2022ko uztailetik enpresaren administratzaile bakarra Pilar Perosanz Arabaturreko presidentea bada ere, Antepararekin lotura estuak dituena. Luxuryk, besteak beste, atari oso bat du jabetzan Alde Zaharreko Pintore kalean, lau etxebizitza dituena. Irailean, horietako bi pisu erregistratu zituen Luxuryk Jaurlaritzan erabilera turistikoko etxebizitza moduan, baina atariko lau etxebizitzak eskaintzen ditu alokairuan Booking gisako webguneetan.


Kanal honetatik interesatuko zaizu: Politika
Donostiako udaltzainek Parte Zaharreko hainbat gazte “jipoitu eta zauritu” dituztela salatu dute

Alde Zaharreko Gazte Asanbladak (AZGA) salatu du Donostiako Udaltzaingoak auzoko hainbat gazteren aurka astelehen gauean egindakoa: “Auzoko hainbat gazte futbolean jokatzen ari ziren Trinitate enparantzan, Udaltzaingoa hurbildu eta mehatxuka guztiak identifikatzeko agindua... [+]


AHTren Ezkio-Itsasoko loturak “arazoak” dituela dio Espainiako Gobernuak eta Gasteizkoaren alde egin du

Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.


Trafiko eskumen osoa berreskuratuko du Nafarroak 2026ko uztailerako, Gorenaren epaia beteta

Transferentzien Batzordearen Nafarroako ordezkaritza bildu da ostegunean eta eskualdatzea egiteko Auzitegi Gorenaren proposamena babestu dute gobernu taldeek. Berme osoz Trafiko eskumena berreskuratzeko izapideak egiteko epea luzatu dute. Uztailaren 23an eginen dute hurrengo... [+]


Alardearekin legea betetzen hasteko eskatu diote EH Bilduko militanteek Hondarribiko alkateari

«Gatazkaren konponbidean baliagarria izango delakoan» EH Bilduko Lantalde Feministak egindako hausnarketa plazaratu du Arma Plazan. Igor Enparan alkateari «Jaizkibel konpainiak bakarrik betetzen duen legea betearazten hasteko, eta Alarde bakarra, guztiona eta... [+]


Xabier Atristain presoa baldintzapeko askatasunean geratu da

Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.


Desesperazioz RN bozkatu dutenak konbentzitzean datza ezkerraren erronka nagusia

Hirugarren kokatu bada ere, pozik izatekoa badu eskuin muturreko RNk: inoiz baino azkarrago da Frantziako Legebiltzarrean –2017an zortzi diputatu zituen, 2022an 88 eta orain 143–. Bere hauteslegoa azkarki emendatuz doan heinean, anitzez zabalagoa du oinarria:... [+]


Usansolon herritarrak kexu dira erdigunea tren geltokirik gabe uzteko erabakiaren aurrean

L5 lineak Euskotrenen ibilbidea aldatuko du, eta geltoki batzuk eraitsiko dituzte, tartean Usansolokoa. Trenaren ibilbidea lurperatuko dute eta beste geltoki batzuk gehituko dituzte. 2022an, Eusko Jaurlaritzak linea horren jatorrizko proiektua aldatu zuen Usansoloko geltokia... [+]


Gasteizko txosnagunea arriskuan dagoela salatu dute, Aldundiak TicketBAI ezartzera derrigortu nahi dituelako

Gasteizko jaiak hasteko aste gutxi falta direla, Gasteizko Txosna Batzordeak urgentziazko prentsaurrekoa eman du, salatzeko Arabako Foru Aldundiak txosnetan TicketBAI ezartzera derrigortu nahi dituela. "Parekatu egin nahi dituzte txosnak eta irabazi ekonomikoa helburu duen... [+]


Euskaldunak

Eusko Jaurlaritza berriko bozeramaile Maria Ubarretxenak lehenengo elkarrizketa Euskadi Irratiari eman zion. Solasaldian asmoez jardun zuen, kontu orokorrak adierazi zituen, ezinbestean, gobernua martxan jarri berri zegoelako. Adeitsua izan zen tonua kazetari eta eledunaren... [+]


2024-07-17 | Iñaki Barcena
Ekofaxismoa al datorkigu?

Kapitalismoak sortutako krisi ekosoziala ondoez globala ari da eragiten planeta osoan. Baliabide material eta energetikoen "gailurrek", hazkunderako eta metaketarako mugak ezarriz, natura eta gizartearen arteko desorekak ekartzen dituzte. Estraktibismoaren gurpil... [+]


Defendatu behar duguna

Ikasle batek erran zidan, behin, testu bat aztertzen ari ginela: “Pertsonaia eri da: geldi-geldia pentsaketa ari da bere buruan”. Bistan dena, erranaldi horrekin, gaizki adierazi zuen gogoan zuen iruzkina, erran nahi baitzuen pertsonaiaren ezontsa nabari zela haren... [+]


2024-07-17 | ARGIA
Hogei urteko kartzela zigorra eta 56.000 euro eskatu dituzte zazpi baztandarrentzat, Aroztegiaren aurkako kanpaldiagatik

“Talde kriminal antolatua izatea” eta “derrigortze eta bortxa delituak egitea” leporatu diete, 2021ean Lekarozen Aroztegiko obrak geldiarazteko egindako kanpaldiaren harira.


Mozal Legea ez dutela indargabetuko argi utzi du PSOEk, Diazek hori esan ostean

Astearte goizean iragarri du Díazek Mozal Legearen “indargabetzea”, baina eguerdian Pilar Alegría Espainiako Gobernuko bozeramaileak eta Enrique Santiago Sumarreko bozeramaile laguntzaileak adierazi dute 36. artikuluko arau-hauste batzuetara mugatuko... [+]


Eguneraketa berriak daude