Pandemiaren aurrean elkarlanean aritzea eskatu diote EH Bilduko alkateek Eusko Jaurlaritzari

  • Birusaren agerraldia bizi izan duten herrietako EH Bilduko alkateek adierazi dutenez, Eusko Jaurlaritzak ez ditu kontuan hartu eta ez die informaziorik eskaini.


2020ko uztailaren 23an - 12:19
EH Bilduko alkateak, agerraldian (Argazkia: EH Bildu)

Asteazkenean prentsaurrekoa eskaini zuen Donostian Adur Ezenarrok, berriki COVD-19aren agerraldia bizi izan duen Ordiziako EH Bilduko alkateak. Ondoan izan zituen Xabier Alvarez de Arkaia Urkabustaizko alkatea eta Itziar Biguri Urduñako alkatea. Koronabirusaren agerraldiak izan dituzten udalerrietan egoeraren kudeaketaren zati handia udal agintariek izan arren, Eusko Jaurlaritzak ez dituela kontutan hartu adierazi dute, eta horrek bakarrik sentiarazi dituela.

Alderdiak Jaurlaritzaren partetik informazio falta salatu du. Jakinarazi zutenez, hedabideen bidez jakin behar izan dute bai egoeraren zein Jaurlaritzaren neurrien berri. Hori hala, “informazio gardena” eskatu diote Osasun sailari.

Informazio eta komunikazio falta hori testuinguru, Jaurlaritzak udalerrietan eragin zuzena zeukaten hainbat erabaki tokian tokiko udalekin kontrastatu gabe hartu dituela azpimarratu dute alkateek, aldebakartasunez aritzea gaitzetsiz. “Gure iritziak, irizpideak, baina batez ere baliabideak kontuan hartu gabe erabakiak hartzea ez da eraginkorra”, egin zuten irakurketa.

Aurrera begira birusaren hedapenak izan dezakeen bilakaeraz arduratuta, elkarlanean jardutea eskatu dio EH Bilduk Jaurlaritzari. Alderdiaren aburuz, elkarlanean jardunez gero, eraginkortasuna handiagoa litzateke “detekzioan, prebentzioan eta babesean”.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude