Ostegunean Eusko Jaurlaritzak adierazi zuen indarrean dauden neurriak mantendu nahi zituela, eta erabaki horixe hartu du Labik. Eskola kirola, aldiz, baimendu egingo dute asteburu honetatik aurrera.
COVID ziurtagiria ezartzeko bi neurri daude indarrean gaur egun: batak, 50 lagun baino gehiagoko edukiera duten jatetxeei eta gaueko-aisiari eragiten die; besteak, ostalaritzari orokorrean eta beste eremu batzuei eragiten die, hala nola: kiroldegiei, kultur-ikuskizunei, gimnasioei, ospitaleetako bisitei... Azkeneko neurri hori urtarrilaren 31n iraungitzen da, astelehenarekin, eta EAEko Auzitegi Nagusiaren baimena behar du. Datorren asteartean aztertuko du eskakizun hori, fiskaltzaren txostena jaso ondoren.
Neurri murriztaileak mantentzearen alde agertu zen ostegunean LABIren batzorde zientifiko-teknikoa, eta Iñigo Urkullu lehendakariak ere bat egin zuen horrekin. Aurrerantzean ere, beraz, barnean % 60ko edukiera mantendu beharko da leku orotan, gehienez jota hamar lagun elkartu ahal izango dira barruan zein kanpoko terrazetan eta barran ezingo da kontsumitu. Ostalaritzako eta bestelako establezimenduek goizeko 1:00ean itxi beharko dituzte ateak, eta ordurako amaituta egon beharko dira mota guztietako jarduera publikoak.
Nafarroan ere ziurtagiria eta egungo neurriak otsailaren 14ra arte egongo dira indarrean, gobernuaren eskaera onartu baitu Nafarroako Auzitegi Nagusiak. ostalaritza eta gaueko aisialdia itxita egon beharko dira goizeko 1:00etatik 6:00etara, barran ezingo da kontsumitu, gehienez hamar lagun elkartu ahal izango dira eta ekitaldietara sartzeko COVID ziurtagiria beharko da. Ipar Euskal Herrian, berriz, txertatze ziurtagiria da beharrezkoa hainbat eremutara sartzeko.
Ziurtagiriaren eraginkortasuna zalantzan jarri dute eragile, aditu eta agintari ugarik, eta herritarren eskubideak urratzen dituela salatu dute sarritan. Eusko Jaurlaritzak berak ere ez du iritzi finkorik izan hura ezartzerakoan, eta orain, beste herrialde batzuetan bertan behera utzi dutenean, mantentzea eta zabaltzea erabaki du.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.