Osakidetzako oposaketen auziko instrukzioan deklarazioen ordua iritsi da

  • Hamar pertsona daude deituta lekuko gisa deklaratzera, eta beste hiruk inputatu bezala deklaratuko dute.


2019ko maiatzaren 28an - 11:54

Osakidetzako Lan Eskaintza Publikorako oposaketetan iruzurra egon zela salatu zuten azterketetara aurkeztu ziren hautagai batzuek, eta ondorioz iruzurraren gaineko ikerketaren abiatu zen. Salatutako irregulartasunak argitzeko auzibidean, deklarazioen ordua heldu da: asteartean deklaratuko dute hamar lekukok eta hiru inputatuk.

Lekukoen artean, besteak beste, irregulartasunak salatu zituzten hiru osagileak eta Maria Jesus Mujika Osakidetzako zuzendari nagusi ohia daude. Inputatuak, ostera, Osakidetzako hiru zerbitzuburu dira. Azken hauei sekretuen berri ematea leporatzen zaie, azterketan parte hartu zuten norbanako batzuen alde egin asmoz.

Ez da Mujika deklaratzera deitutako Osakidetzako goi-kargu bakarra, beste hiru goi-karguk ere hartu beharko dute hitza. Momentuz, baina, soilik Mujikari ezarri zaio epaitegira joateko eguna. Egunotan jasotako deklarazioen arabera, eta horien ondorioetan erreparatu ostean, epaileak erabakiko du beste hiruek inputatu ala lekuko gisa deklaratuko duten.

Auzia Gasteizko 2. instrukzio epaitegiaren esku dago. Auzibidea sindikatuek abiatu dute, Fiskaltzaren onespenarekin. Fiskaltzak otsailean argitaratu zuen txostenean onartu egin zuen ikertutako hemeretzi azterketatik hamaikatan delitu zantzuak aurkitu zituela. ELA, LAB eta ESK sindikatuak dira auzibidearen salaketaren parte. Osakidetzak parte hartzea eskatu birritan, baina bi aldietan atzera bota du eskaera instrukzio epaileak.

Oposaketen iruzur kasuak bultzatuta, Maria Jesus Mujika Osakidetzako zuzendari ohiak eta Jon Darpon osasun sailburu ohiak dimisioa ema behar izan dute, iazko azaroan lehenak eta martxoan bigarrenak.


Kanal honetatik interesatuko zaizu: Iruzurra Osakidetzan
2023-07-20 | Ilargi Manzanares
Osakidetzako EPE berriak “intzidentziekin” hasi dira

Erradiodiagnostikoko teknikari espezialistaren eta farmaziako laguntzailearen deialdietan hainbat galdera baliogabetu dira. Horiekin batera, joskintzako ofizialaren eta teknikari informatikoen azterketetan arazoak azaldu dira.


2022-10-07 | ARGIA
Osakidetzako aurreko zuzendaritza ez dute auzipetuko EPEaren filtrazioen harira

Arabako Auzitegiak atzera bota du LABen errekurtsoa. Hala ere, sindikatuak “aukerak” ikusten ditu epaiketa baterako.


2022-02-02 | ARGIA
LABek helegitea jarriko dio Osakidetzako LEPeko filtrazioen auziko azken autoari

Sindikatua pozik agertu da epaileak ikerketa sei hilabetez luzatzea onartu duelako, baina autoari ebazpena jarriko dio "autoa hobetzeko eta defentsen ekintzak baliogabetzea eragozteko".


2021-11-05 | Leire Artola Arin
ELAk salatu du 3.500 lanposturekin ez dela konponduko Osakidetzako 24.600 behin-behineko langileen arazoa

3.535 lanpostuko eskaintza egiteko asmoa adierazi du Gotzone Sagardui Osasun sailburuak. ELA sindikatuak, ordea, kritikatu du behin-behineko langileak 24.600 direla eta ez dela “arazoa konponduko”. 9.000 langilek gutxienez zortzi urte daramate aldi baterako... [+]


Osakidetzako filtrazioen auzian zuzendaritza taldeko Darpón eta Mugika ikertzeari uko egin dio magistratuak

LAB sindikatuak irailaren 1ean egin zuen eskaera auto bidez. Instrukzio auzitegiak Darpón eta Mugika aztertzea errefusatu du, baina hainbat espezialitatetako beste bederatzi kide ikertuko ditu. Auzia 2022ko urtarrilaren 29ra arte luzatuko da.


Eguneraketa berriak daude