Darponek dimisioa eman du, Osakidetzako filtrazioen auziak bultzatuta
Eusko Jaurlaritzako Osasun sailburu Jon Darponek dimisioa eman du, Osakidetzako oposizioen iruzur kasuek bultzatuta.
Duela hilabete baino gutxiago kargua utziko ez zuela adierazi zuen. Jada hiru lagunek eman dute dimisioa.
Datorren osteguneko osoko bilkuran dute bozkatzekoa Darpon gaitzesteko eskaria Eusko Legebiltzarrean. Elkarrekin Podemosek aurkeztu du, eta EH Bilduk eta PPk baiezkoa emango diotela jakinarazi dute.
Oposizioen gaineko ikerketa abian
Duela bi egun idatzi genuen: epaileak hiru sendagile jarri ditu ikerketapean. Fiskalak aurkeztutako txostenean begiz jotako Osakidetzako hiru arduradunei dagokienez, ez du erabakirik hartu momentuz.
Osakidetzako iazko lan eskaintza publikoan iruzurra egon zela salatu zuten azterketetara hautagai batzuek, eta ondorioz iruzurraren gaineko ikerketa abiatu zen. EAEko fiskal nagusi Carmen Adanek otsailean aurkeztutako txostenak adierazten zuenez, delitu zantzuak aurkitu ziren. Adanek hamaika espezialitate jarri zituen susmopean, eta Osakidetzako zuzendaritzako hiru kargu begiz jo: Xabier Balerdi zuzendariordea, Juan Carlos Soto Giza Baliabideetako zuzendari ohia eta Andoni Arzelai Osasun Arretako zuzendaria.
Gasteizko bigarren instrukzio epaitegiak auzibidea ireki du kasuaren gainean, eta bi delituz mintzatu da: agirien zaintzan desleialtasuna egitea, eta sekretuak aurkitzea eta agertzea. Anestesiologia, Angiologia eta Digestio Aparatua espazialitateetako epaimahaikide diren hiru mediku jarri ditu ikerketapean momentuz, baina Adanek begiz jotako Osakidetzako arduradunen gainean ez du erabakirik hartu.
Erradiodiagnostikoko teknikari espezialistaren eta farmaziako laguntzailearen deialdietan hainbat galdera baliogabetu dira. Horiekin batera, joskintzako ofizialaren eta teknikari informatikoen azterketetan arazoak azaldu dira.
Arabako Auzitegiak atzera bota du LABen errekurtsoa. Hala ere, sindikatuak “aukerak” ikusten ditu epaiketa baterako.
Sindikatua pozik agertu da epaileak ikerketa sei hilabetez luzatzea onartu duelako, baina autoari ebazpena jarriko dio "autoa hobetzeko eta defentsen ekintzak baliogabetzea eragozteko".
3.535 lanpostuko eskaintza egiteko asmoa adierazi du Gotzone Sagardui Osasun sailburuak. ELA sindikatuak, ordea, kritikatu du behin-behineko langileak 24.600 direla eta ez dela “arazoa konponduko”. 9.000 langilek gutxienez zortzi urte daramate aldi baterako... [+]
LAB sindikatuak irailaren 1ean egin zuen eskaera auto bidez. Instrukzio auzitegiak Darpón eta Mugika aztertzea errefusatu du, baina hainbat espezialitatetako beste bederatzi kide ikertuko ditu. Auzia 2022ko urtarrilaren 29ra arte luzatuko da.