Osakidetzako iruzurra salatu duten medikuek aurpegia eman dute

"Azterketa eguna baino lehen eskura ematen zaizkie galderak"

  • Roberto Sanchez, Marta Macho eta Manuel Martinez, Osakidetzako iruzurra salatu duten profesionalak dira eta izen-abizenak ezkutatu gabe eman die elkarrizketa "El Diario Norte"-ko Iker Rioja kazetariari.

Nahia Ibarzabal @NahiaIbarzabal
2018ko uztailaren 03a
Osakidetzako iruzurra salatu zuten profesionalak (Arggazkia: eldiario.es)

Administrazio publikoa, diru publikoarekin edozer egiten ari delako, Osakidetzako iruzurra salatu eta plazaratzea erabaki zuten Sanchezek, Machok eta Martinezek. “Ostera, gure lankideek itsuarena egin dute, isilik daude, beldur handia dagoelako”, dio Sanchezek. “Hain zuzen, lanetik kanporatua izatearen beldurra”, gaineratu du Martinezek.

Iruzurraren aurkako borrokan pasibotasun handia dagoela diote, “administrazio publikoaren aurka borroka egitea zaila dela ikusi dugu, harresi bat da”, azaldu du Sanchezek eta Osakidetzak ez duela ezer argitzeko gogorik salatu dute.

“Azterketaren arduradunak dira interes handiena dutenak eta beraiek hautatzen dute nori eman galderak hautaproba baino lehen”, adierazi du Martinezek. “Hautatuei azterketa eguna baino lehen eskura ematen zaizkie boligrafoz idatzita galderak leku eta ordu zehatz batean geldituta”, gaineratu du Machok.

“Azterketak ez dira ikasita gainditzen, galderak eskuratuta baizik” entzun zuela dio Martinezek lanean hasi zenean eta egia dela ikusi duela dio. Azterketa oso zaila jartzen dutela salatu dute, galdera arrotz eta guzti.

Mesfidantza dute Jon Darponekin

Eusko Jaurlaritzako Osasun sailburu Jon Darponek iruzurra argitzeko abian jarritako ikerketa “hutsaren hurrengoa” dela diote “antzerkia”. “Lanean hasi eta gutxira jakin nuen iruzurra egiten zela”, esan du Martinezek, beraz, ez duela sinesten bizitza guztia lanean daramanak ezer ere ez jakitea.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Iruzurra Osakidetzan

Iruzurra Osakidetzan kanaletik interesatuko zaizu...
Eguneraketa berriak daude