Osakidetzako oposizioetako erantzunak jaso zituztela argudiatuta, beste 30 mediku inputatzeko eskatu du ESK-k

  • Osakidetzako 2018ko oposizioetan atzeman dituzten irregulartasunen sokari tiraka, azterketara aurkeztu ziren beste 30 mediku eta epaimahaikide jardun zuten bi bokal inputatzeko eskatu du ESK sindikatuak. Hainbat froga aurkeztu dituzte eta leporatu diete erantzunak aurrez eskatu zituztela edo uko egin gabe jaso zituztela.


2021eko uztailaren 27an - 07:59
Azken eguneraketa: 10:00

ESK sindikatuak kontatu duenez, azterketa zailetan nota oso onak atera zituzten mediku hauek, eta horri beste elementu esanguratsu batzuk gehitzen zaizkio: erantzun egoki eta hutsegite berak dituzte guztiek, oposizioak prestatzeko emandako bibliografian ez dauden erantzunak erabili zituzten eta galderak prestatu zituzten epamahaikideetako batzuen lagunak dira edo gertukoak dituzte. Hala azaldu du Iker Riojak Eldiario.es-en.

Anestesia, Angiologia, Digestio, Traumatologia, Neurokirurgia, Neurofisiologia, Urologia eta Kardiologia arloko medikuak dira aipatu hogeita hamarrak.

LAB sindikatuak, bestalde, Jon Darpon orduko Osasun sailburua auzipetzeko eskaera egina du, baita garai hartako beste hainbat goi kargu ere, “in vigilando” errua egotzita. Sindikatuek salatu izan dute Osakidetzak ez duela lagundu irregulartasun hauek guztiak argitzen, are gehiago, “behin eta berriz trabak” jarri dituela, ikerketa oztopatu asmoz.


Kanal honetatik interesatuko zaizu: Iruzurra Osakidetzan
2023-07-20 | Ilargi Manzanares
Osakidetzako EPE berriak “intzidentziekin” hasi dira

Erradiodiagnostikoko teknikari espezialistaren eta farmaziako laguntzailearen deialdietan hainbat galdera baliogabetu dira. Horiekin batera, joskintzako ofizialaren eta teknikari informatikoen azterketetan arazoak azaldu dira.


2022-10-07 | ARGIA
Osakidetzako aurreko zuzendaritza ez dute auzipetuko EPEaren filtrazioen harira

Arabako Auzitegiak atzera bota du LABen errekurtsoa. Hala ere, sindikatuak “aukerak” ikusten ditu epaiketa baterako.


2022-02-02 | ARGIA
LABek helegitea jarriko dio Osakidetzako LEPeko filtrazioen auziko azken autoari

Sindikatua pozik agertu da epaileak ikerketa sei hilabetez luzatzea onartu duelako, baina autoari ebazpena jarriko dio "autoa hobetzeko eta defentsen ekintzak baliogabetzea eragozteko".


2021-11-05 | Leire Artola Arin
ELAk salatu du 3.500 lanposturekin ez dela konponduko Osakidetzako 24.600 behin-behineko langileen arazoa

3.535 lanpostuko eskaintza egiteko asmoa adierazi du Gotzone Sagardui Osasun sailburuak. ELA sindikatuak, ordea, kritikatu du behin-behineko langileak 24.600 direla eta ez dela “arazoa konponduko”. 9.000 langilek gutxienez zortzi urte daramate aldi baterako... [+]


Osakidetzako filtrazioen auzian zuzendaritza taldeko Darpón eta Mugika ikertzeari uko egin dio magistratuak

LAB sindikatuak irailaren 1ean egin zuen eskaera auto bidez. Instrukzio auzitegiak Darpón eta Mugika aztertzea errefusatu du, baina hainbat espezialitatetako beste bederatzi kide ikertuko ditu. Auzia 2022ko urtarrilaren 29ra arte luzatuko da.


Eguneraketa berriak daude