Osakidetzak sukaldeko hornikuntzan 200.000 euro inguruko iruzurra egin duela salatu du LABek

  • Gasteizko Santiago ospitalean, 2016tik “gastuen bikoizketa” egon dela jakinarazi du sindikatuak, ikerketa batean oinarrituta.

Irudia: LAB

2019ko azaroaren 21an - 16:51

LAB sindikatuak jakin duenez, sukaldeko hornikuntzan 3.500 eta 5.000 euro arteko gainkostua egon da hilero Arabako Unibertsitate Ospitalearen Santiagoko zentroan. 2016tik errepikatzen den hileroko gastua da sindikatuaren esanetan, eta horrek 200.000 euro inguruko gainkostua suposatuko luke guztira.

Hori dela eta, salaketa jarri du EAEko Fiskaltza Nagusian. Salaketa horrek zehazten du iruzur posible hori sukaldeko tresnerian eta elementu suntsikorren hornikuntzan gertatu dela. Enpresa pribatu bati dagozkion eskariak eta ordainketak diru publikoaren bitartez kudeatu dituztela esan du LABek.

Eman duen prentsaurrekoan, sindikatuak gaineratu du Fiskaltzari eskatu diola “kudeaketa eskas honetan inplikatua dauden pertsona batzuei jarraipena egiteko”. Osakidetzak, horren aurrean, erantzun du esanez ikerketako datuek ez dutela “inongo egiaztapenik”.


Kanal honetatik interesatuko zaizu: Iruzurra Osakidetzan
2023-07-20 | Ilargi Manzanares
Osakidetzako EPE berriak “intzidentziekin” hasi dira

Erradiodiagnostikoko teknikari espezialistaren eta farmaziako laguntzailearen deialdietan hainbat galdera baliogabetu dira. Horiekin batera, joskintzako ofizialaren eta teknikari informatikoen azterketetan arazoak azaldu dira.


2022-10-07 | ARGIA
Osakidetzako aurreko zuzendaritza ez dute auzipetuko EPEaren filtrazioen harira

Arabako Auzitegiak atzera bota du LABen errekurtsoa. Hala ere, sindikatuak “aukerak” ikusten ditu epaiketa baterako.


2022-02-02 | ARGIA
LABek helegitea jarriko dio Osakidetzako LEPeko filtrazioen auziko azken autoari

Sindikatua pozik agertu da epaileak ikerketa sei hilabetez luzatzea onartu duelako, baina autoari ebazpena jarriko dio "autoa hobetzeko eta defentsen ekintzak baliogabetzea eragozteko".


2021-11-05 | Leire Artola Arin
ELAk salatu du 3.500 lanposturekin ez dela konponduko Osakidetzako 24.600 behin-behineko langileen arazoa

3.535 lanpostuko eskaintza egiteko asmoa adierazi du Gotzone Sagardui Osasun sailburuak. ELA sindikatuak, ordea, kritikatu du behin-behineko langileak 24.600 direla eta ez dela “arazoa konponduko”. 9.000 langilek gutxienez zortzi urte daramate aldi baterako... [+]


Osakidetzako filtrazioen auzian zuzendaritza taldeko Darpón eta Mugika ikertzeari uko egin dio magistratuak

LAB sindikatuak irailaren 1ean egin zuen eskaera auto bidez. Instrukzio auzitegiak Darpón eta Mugika aztertzea errefusatu du, baina hainbat espezialitatetako beste bederatzi kide ikertuko ditu. Auzia 2022ko urtarrilaren 29ra arte luzatuko da.


Eguneraketa berriak daude