Osakidetzak murriztu egingo ditu osasun-zentroen Gabonetako ordutegiak

  • 20:00etan ordez 17:00etan itxiko dute oro har, eta 15:00etan “salbuespenezko” kasuetan. Iaz 62 zentrotan murriztu zituen Osakidetzak Gabonetako arreta ordutegiak, aurten 90etan.

Argazkia: Osakidetza

2022ko abenduaren 20an - 17:34

Osakidetzaren esanetan ordutegiak “egokitu” ditu, “zerbitzuaren mantentzea zein Euskadiko anbulatorioetako profesionalen atsedena bermatzeko”. Murrizketak 90 zentrori eragingo diote, ordutegi eta data ezberdinetan, ostegunean hasita eta “gehienez ere” urtarrilaren 10 arte. Murrizketak izango dituzten osasun-zentroen eta bakoitzaren data eta ordutegien zerrenda ikusteko, sakatu hemen.

62tik 90era urtebetean

Eldiario-k jaso duenez, 2021eko Gabonetan 62 osasun-zentroren ordutegiak murriztu zituen Osakidetzak, eta aurten 90enak. Murrizketen berria Osakidetzan gatazka eta kritikak nagusi diren garaian heldu da. Iragan asteetako Donostialdeako ESIko protestez eta oposizioko talde politikoen salaketez gain, Osakidetzako sindikatu guztiek –SATSE, ELA, LAB, SME, CCOO eta UGT– elkarretaratzeak antolatu dituzte ostegunena zentro guztien atarian, salatzeko Jaurlaritza osasun sistema ahultzen eta lan baldintzak okertzen ari dela.


Kanal honetatik interesatuko zaizu: Osakidetza
Jaioberrien orpo-probak 14 gaitz bilatuko ditu aurrerantzean EAEn, antzeman daitezkeen 50 gaitzetatik oraindik urrun

Jaioberriaren orpoan zizta eginez, hainbat gaitz aztertzen ditu osasungintza publikoak. Osakidetzak 14ra igo berri du aztertzen diren gaitzen kopurua, baina beste lurralde batzuekin konparatuta, atzeko postuetan dago EAE: Nafarroan 28 gaitz aztertzen dituzte, Galizian 33,... [+]


1.431 lanpostu sortzeak ez du Osakidetzaren plantilla handituko, ELA eta ESK sindikatuek salatu dutenez

Eusko Jaurlaritzak Osakidetzan iragarritako lanpostuak behin-behinean dauden langileen plazak formalizatzeko izanen direla esan dute ELA eta ESK sindikatuek.


Lehen arreta eta lan-baldintzak indartzeko premia

Eusko Jaurlaritzak 277 milioi euro bideratuko ditu ospitaleak handitzeko, eta ESK sindikatuak “desegokitzat” jo du erabakia.


EAEn azpikontratatutako osasun-garraioaren greba mugagabea hasi da

Astelehenean, otsailaren 19an, EAEko anbulantzietako langileek greba mugagabeari ekin diote.


Eguneraketa berriak daude