Nekane, Paki eta Maritxu


2021eko otsailaren 03an - 09:42
Zure babesik gabe independetzia ezinezkoa zaigu

Arratsaldez bildu dira hirurak kafea hartzeko, terraza hotz batean. Aspaldi dira lagunak, irakasle-ikasketak elkarrekin egin zituztenetik. Koronakrisiaren inguruan kontu-kontari jardun dute, lana nekezagoa da denentzat eta haiek gehiago sumatzen dute, urteen ajeak nabarmenagoak baitira. Baina beste zerbaitek kezkatzen ditu: aurten 59 urte beteko dituzte eta, ustez, 60 urterekin jubilatzeko aukera izan beharko lukete. Hori, ordea, ez da posible izanen.

Nekanek lasai egon beharko luke, funtzionarioa baita, baina ordutegi murrizketak maiz hartu zituen seme-alabak zaintzeko, eta orain konturatu da horrek jaitsi diola erretiroaren kotizazio oinarria, eta nahiz eta 23 urterekin lanean hasi, ez dela iritsiko eskatzen diren 35 urte kotizatuak izatera eta, beraz, 60 urtetik aurrera lanean segitu beharko duela. Senar ohiak, aldiz, urte guztiak %100 kotizaturik dauzka, eta ez du arazorik edukiko dagokion adinean jubilatzeko.

"Aurten 59 urte beteko dituzte eta, ustez, 60 urterekin jubilatzeko aukera izan beharko lukete. Hori, ordea, ez da posible izanen"

Paki Iruñeko udal ikastola batean hasi zen lanean, eta gero udaleko funtzionario bihurtu zen. Baina ikastola horiek Nafarroako Gobernuko ikastetxeen sare publikoan sartu zirenean, langileak funtzionarizatu egin ziren, Gizarte Segurantzaren Araubide Orokorrean hain zuzen ere, eta ez Klase Pasiboetan, gainerako irakasle funtzionarioak bezala. Hori dela eta, 2012-2017 tartean 60 urterekin ezin izan ziren jubilatu eta, geroztik, 2018ko aurrekontu orokorren emendakin bati esker bai, baina aukera hori 2022an desagertuko da, berak 60 urte betetzen dituenean, 36 urte kotizatuak izanik ere, 67 urterekin jubilatu beharko du.

Maritxu ikastetxe publikoetan aritu da beti, baina kontratatuta. Oposizio askotxo egin du, gehienak gainditu, inoiz funtzionario bihurtzea lortu gabe. Gainera, minbizia pasatu zuen direla 8 urte, eta horrek dezente urritu zion buruz ikasteko gaitasuna. Azken oposizioak okerrago atera zaizkio, eta indarrean dagoen kontratazio zerrenden sistema bidegabea pairatzen ari da. Hondarreko urte hauetan ordezkapenak besterik ez ditu egin eta horrekin gutxiago kotizatu du; hortaz, gaitza zaio erretiroko bidea.

Bestalde, esan dute ez dela betetzen 2018an sinatutako ituna; adibidez, oraindik ez zaie lanaldi osoaren herena murriztu 60 urteko irakasleei. Horrek ekarriko luke ikastetxean egon beharrik ez izatea (heren horretan) eta jardunaldia arinagoa gertatzea. Bidenabar, hezkuntza pribatuko irakasleek 61 urtetik aurrera duten lanaldi-murrizketak publikoan ere izan beharko lirateke, are gehiago kontuan hartuta Hezkuntza Departamentuak ordaintzen dituela.

Lankide gehienek ez dakizkite horiek denak. Ikusten dute momentuz irakasle askotxo jubilatzen direla 60 urterekin, baina ez dira ohartzen 2011tik geroko funtzionario guztiek 67 urterekin (edo, agian, 70ekin) erretiratu beharko dutela. Gainera, matrikulazioa jaitsiko da datozen urteetan eta ezin dira jabetu irakasle gazteek izan dezaketen etorkizunaz.

Hotzago abailtzen da ilunabarra. Kafearen azken hurrupa hartu eta musukoa jantzita, elkar agurtu dute batak bestea ukitu gabe, inoiz jubilatuta besarkatuko direlakoan.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
EIRE euskal unibertsitate-irakasleen elkartearen amaiera

Erakundeek, beren helburua bete ondoren ere, bizirik irauteko ahalegina egiten dute, Max Weber-ek zioen modura. Baina porrotaren kontzeptuaren eremutik haratago joan eta jakinduria eta ausardia behar dira elkarte bat amaitzeko, Alan Badiou gogoratuz.

Euskal Herrian ere... [+]


2025-07-14 | Rober Gutiérrez
25 urteko bidaia

Sortze beretik proiektu batekiko lotura profesionala egon denean eta atxikimendu emozionala hain handia denean, zaila izaten da berari buruz hitz egitea. Bai Euskarari ziurtagiriak 25 urte bete ditu, eta bizi izandako oroitzapenak eta esperientziak metatzen zaizkit oroimenean... [+]


Ez onartu hiriaren salerosketa, ez irentsi itxurakeriaren amua

Azken urteotan Donostian gero eta ozenago entzuten ari gara bizilagunen ahotsa: turistifikazioa gure hiria itotzen ari da. Joan den ekainaren 15ean, ehunka donostiar atera ginen berriro kalera gure bizi-baldintzak eta bizimoduak defendatzera. Jendartearen eta auzoen beharrak... [+]


2025-07-10 | Jauzi Ekosoziala
Norabidea aldatu

Garraioaren sektorea da gaur egun Euskal Herrian berotegi efektuko isurketen erantzule nagusia (%35), energia gehien kontsumitzen duena (%47) eta petrolio kopuru handiena erretzen duena (%74). Gainera beste sektore batzuetan isuriak apurka-apurka murrizten diren bitartean,... [+]


Bulkadetatik, ezinbestean

Bi gai mahai gainean, ezinbestean.Batetik, CAF eta Palestina. Bestetik, PSOEren bueltako ustelkeria sarea. Nondik hasi eta non bukatu ere ez dakit, bulkadez betetako artikulua izango dela jakinda. 

Nazio Batuen Erakundeak 40 enpresa salatu ditu, CAF tartean, eta Gazako... [+]


2025-07-09 | Jon Alonso
Nobelak idazteko artea

Atzo jakin dut euskal prentsatik Jean Reno aktoreak lehen nobela idatzi duela. Berri hori euskaraz jasotzeak munduko hiritar edo paleto global bihurtzen ote nauen oso ongi jakin gabe, nobelak idazteko arteaz egin dut gogoeta.

Tokitan dago “nobelaren heriotza”... [+]


2025-07-09 | Itxaro Borda
“Azpian lur hotza”

Azken asteko sapa lehergarri egunetan gure zereginen egitarauak aldatu beharrean aurkitu gara. Freskura erlatibo batek seietan atera gaitu ohetik, gosaldu eta lan gehienak bederatzietarako plegatu ditugu eta hamarretan jalgi gara oinezko ibilaldia egitera. Eta ez ginen bakarrak... [+]


2025-07-09 | Hiruki Larroxa
Ikastetxean, taldearen jakituria

Ikastetxeetako ikasgelak, tamalez, espazio gatazkatsuak izaten dira askotan eta, gatazka gehienetan gertatzen den moduan, emozio intentsuak eta minak izaten dira. 2022an, ikastetxeetan aritzen diren beste eragile batzuekin batera, azken urteetan ikasgela askotan bizirik dagoen... [+]


2025-07-09 | Bea Salaberri
Ederki galdua

Nunquam polluta dio Baionako lemak, erran nahi baitu "sekulan zikindu gabea" edo "sekulan hartu gabea", eta erreferentzia egiten die inbasio saiakera historikoei, espainiarrengandiko, frantsesengandiko eta ingelesengandiko saiakerak ez omen baitziren... [+]


Europako ongizate estatua gainbeheran?

Europako ongizate estatuak munduan zehar izugarrizko miresmena izan du herritar xeheen artean, ez hainbeste enpresari eta agintarien gehiengoan. Izan ere, miresmen hori areagotu egiten zitzaigun iparraldeko herrialdeetatik pasatzen baginen, izan lan bat egin behar bazenuen edo... [+]


Teknologia
Bitxoak

Palentziako amama oso emakume soila zen hitzetan. Bazituen zenbait hitz dena adierazteko balio zutenak, tartean bitxo hitza: berba horren baitan kabitzen ziren zomorroa, behia, txakurra... eta batzuetan baita gizakia ere. Bitxoek auzokide latzak dituzte gizakiongan, ez baikara... [+]


2025-07-09 | June Fernández
Meloi saltzailea
Jimenez Escudero

1925. urtea izango balitz, akaso emakume erraketistak izango lirateke Zeruko Argiako aktualitate orrialdeetako protagonistak. Agian haien kirolari merituak goraipatzeko, agian feminitate arauak desobeditzeagatik seinalatzeko. Nire buruari agindu diot haien izenak memorizatzeko... [+]


“Ezin dugu kikildu fatxerioaren aurrean. Ez dira pasako!”

Sei urte, sei urte luze, pasa dira Ciudadanos alderdi politikoak bere mitina egin zuenetik gure herrian. Bere mitina apirilaren 14an, errepublikaren egunean, eta inongo ordezkaritzarik ez duen herri eta lurralde batean. Ohituak gaude horrelako probokazioekin, baina egia da... [+]


2025-07-03 | Maialen Arteaga
Ameslari handien kondena

Ikasturte hau, zalantzarik gabe, ekitaldi handien ikasturtea izan da. Horrek hainbat hausnarketa eragin ditu kalean, eragile sozialetan zein sareetan. Eragin baino gehiago, azaleratu; egon bazeudelako lehenago ere. Esan beharrik ez dago: aisialdia ez da erantzukizun politikotik... [+]


Eguneraketa berriak daude