Nagusien Etxea eta Gaztetxea izandako eraikina eraisteko lanak hasi dira Getxon
Getxoko Itzubaltzeta auzoko Lope de Vega kaleko 12. zenbakiaren eraistea oztopatzeko protesten ondorioz, giroa tenkatu zen pasa den astean. Igandean mobilizazioa egin zuten auzoan, eraistea geldi zezaten eskatzeko eta aurreko egunetako Poliziaren indarkeria salatzeko. Manifestazioaren biharamunean, Ertzaintzak Lope de Vega kalea itxi du eta eraisketa abiatu dute. Aurreko egunetan bezala, herritarrak bertaratu egin dira eta Poliziak kargatu egin du. Gutxienez pertsona bat atxilotu dute.
Astelehen goizean hasi dituzte Getxoko Itzubaltzeta auzoko Lope de Vega kaleko 12. zenbakia eraisteko lanak. Hirukak informatu duenez, goizeko 06:30ak aldera hasi dira eraikina eraisten, eraistearen burutzea bermatzeko Ertzaintzak kalea itxi ostean. Alerta Gorria irratsaioko kideek bideoan jaso dituzte eraistearen irudiak:
?La Nagusien Etxea de Romo está siendo derribada bajo una fuerte presencia policial. pic.twitter.com/UntBlGw8Jb
— Alerta Gorria Irratia (@AlertaIrratia) February 20, 2023
Eraistea abiatu dutela jabetzean hainbat herritarrek bilkura egin dute, eta amaitutakoan Lope de Vega kalera jo dute gertatzen ari zena salatzera. Ertzaintzak horien kontra kargatu du, eta Hirukak informatu duenez, pertsona bat atxilo eraman dute.
Ertzaintza protestan ari zirenen aurka oldartu da eta hesiaren kontra zeuden pertsonak atera dituzte, gutxienez horietako bat atxilotuz pic.twitter.com/mzETnVhjHG
— Hiruka (@HirukaEus) February 20, 2023
Giroa tenkatuta, astebete atzeragotik
Iraganean Gaztetxea eta Ibar Nagusien Etxea izandako eraikinaren tokian Belaunaldien Arteko Zentroa eraikitzeko asmoa dute Getxoko Udalak eta Bizkaiko Foru Aldundiak, nahiz eta hainbat herritarrek kontrakotasuna adierazi. Ibar Nagusien Etxeko kideek, adibidez, denbora luzea daramate Nagusien Etxea bere horretan mantentzeko borrokatzen. Alabaina, udalak eraikinaren eskumena Bizkaiko Foru Aldundiaren eskuetara pasa zuen otsailaren 7an, eta astebeteko epean hasiak ziren eraistea prestatzeko lanak.
Eraistea gertu ikusirik, giroa tenkatu zen pasa den astean auzoan. Astelehenean eraiste lanak abiatu zituztela oharturik, asteartean hainbat herritar bildu ziren eraikinaren aurrean, lanak oztopatzeko asmoz. Goizak aurrera egin ahala, giroa tenkatu eta Polizia herritarrei oldartu zitzaien, atxilotu bat eta hamarretik gora zauritu eraginez –tartean Hiruka hedabideko kazetari bat–. Asteazkenean protestek segida izan zuten, eta protestan zegoen pertsona bat erietxera eraman behar izan zuten, Poliziak buruan zauritu ondoren.
Eraistea, beronen kontrako mobilizazioaren biharamunean
Eraistearen aurkako mobilizazio jendetsuaren biharamunean hasi dira eraikina botatzen. Otsailaren 19ko igandez, eguerdian, hainbat herritarrek manifestazioa egin zuten Santa Eufemia plazatik abiatuta. Eraisketari ez, eguneko zentroa bai goiburu, eraikinaren eraisketa bakarrik ez, aurreko egunetan Poliziak egindako indarkeriaren erabilera ere salatu zuten. Naiz-ek jaso ditu manifestazioko zenbait adierazpen, eta horietan deitoratu egiten dute udal gobernuak eta Bizkaiko Foru Aldundiak errepresioarekin erantzun izana herritarrek kalean eta instituzioetan agertutako desadostasunari. Poliziak "gaizkile arriskutsu" gisa tratatu dituztela salatu dute, eta ez "beren eskubideen defentsan ari diren pertsona gisa". "Zahartze aktibo eta, zergatik ez, aktibista bat izateko adineko pertsonen eskubidea", kasu.
Gu bai intergenerazionalak izan da mobilizazioko beste goiburuetako bat, ulertzera emanez Belaunaldien Arteko Zentroaren beharrik gabe belaunaldi ezberdinek elkarbizitza egin dutela Lope de Vega kaleko eraikinean, eta protestetan ere belaunaldiartekotasuna agerikoa izan dela.
Hilabeteetako aldarrikapena izan da, haur eta gazteentzako psikiatria zerbitzua bertan behera geratu zenetik Donostiara joan behar izan baitute Bidasoaldeko familiek, eta Donostiako zerbitzua gainezka zegoela salatu dute behin baino gehiagotan.
IAk egin du deialdia, eta aurreratu du, Askatasunaren Ontzidiari erasotzen badiote, egunez aldatuko duela greba. "Estatu sionistarekin konplizeak diren instituzio zein enpresak irmoki seinalatzeko" baliatuko dute eguna.
Euskal Herriko Pentsiodunen Mugimenduak sustatutako Herri Ekimen Legegilea (HEL) izapidetzearen kontra Eusko Jaurlaritzak oraintsu egin duen txostenaren kontra ehunka lagun mobilizatu dira larunbat goizean Donostian, Bilbon eta Gasteizen. Pentsio minimoa lanbide arteko... [+]
Algoritmo hitza tekniko eta urruna iruditu arren, gure eguneroko bizitzaren parte da, modu sakonean. Algoritmoek erabakitzen dute sare antisozialetan zer albiste ikusten ditugun, mailegu bat onartzen ote diguten, edo zer hautagai aukeratzen dituzten lanpostu baterako. Are... [+]
Erran egin nion umetan sexu abusu bat jasanarazi zidanari: hala egin zidala. Bazekien, sinetsi zidan, eta errespetatu du harekiko behar dudan urruntzea. Zortea izan nuela uste dut; denok ez daukagula bera. Prozesu inperfektu haren kontakizun ez-fikziozko bat da hau.
Danimarkaren menpe segitzen duen Groenlandiako biztanleriaren %88 da inuita, eta beraien hizkuntzan eta kulturan aitzina egite hutsa dute eguneroko desafio. Zuriek kolonizatu zituzten eta gaur egun egoerak bere horretan segitzen du: zurien begietatik bideratuta dagoen... [+]
Iruñeko Hirugarren Zigor Auzitegiak 5.850 eta 9.450 euro arteko zigorrak ezarri dizkie Baztango Aroztegiko zazpi auzipetuei, derrigortze edo bortxa delituagatik. Baztertu egin du, ordea, talde kriminala osatzen zutela.
Truth Social bere sare sozialean eman du berria Erresuma Batuan egin duen bisitaldian, eta adierazi du mugimendua erakunde terrorista izendatuko duela. Legelari askok, ordea, laster azpimarratu dute hori egiteko AEBetako presidenteak izango dituen arazoak.
Mezularitza zerbitzuetan erraldoien atzaparrek eta pribazitateak kezkatzen bazaitu, Whatsapp (Meta enpresaren jabetza) eta Telegram-ekin gehiegi fidatzen ez bazara, adibidez, Signal alternatiba bat dela entzungo zenuen. Egia esanda, itxura guztien arabera, erabilpen txikia du... [+]
Ostegun goizean Arbesko Toki Alai eskolan gurasoen eta udaltzainen artean emandako episodio "ulertezin" baten ondotik, eskolako atarian segurtasuna bermatu beharrean, haurrak eskolara bizikletaz eramaten dituzten gurasoei isunak jartzen tematzen dela leporatu diote... [+]
Aurrekoan idatzitako Irakasleon figura artikuluaren harira, kontu esanguratsu bat landu nahiko nuke. Artikulu horretan aipatu bezala, jende askoren ahotan dabil irakasleon lan karga baxua dela (gehienbat hezkuntza publikokoena), eta ditugun pribilegioak gehiegizkoak direla. Ez... [+]
Urteak daramatzate salatzen administrazio publikoak “albo batera begiratu beharrean” tratamendu “integrala” eman beharko lukeela.
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Palestinan bideratzen ari den genozidioa salatu dute Euskal Herriko Unibertsitateko ordezkariek. Hainbat neurri hartuta ditu EHUk eta tartean, batzorde bat sortzeko proposamena egina dio errektoretzak Palestinaren aldeko unibertsitate mugimenduari, aurretik ere unibertsitateak... [+]
Urriaren 31tik azaroaren 2ra Baterajotzea izango da Zaldibarren, Euskal Herriko Gazte Feministek antolatuta. Egitaraua aurkeztu dute, eta izen ematea ireki.