Atxilotu bat eta hainbat zauritu Getxon, Nagusien Etxea eta Gaztetxea izandako eraikinaren eraistea galarazteko protestetan
Getxoko Erromo auzoko Lope de Vega kaleko 12. zenbakia eraisteko lanak hasi dituzte, eta herritarrak protestan ari dira goizean goizetik, eraisketa gelditzen saiatuz. Eraikina Ibar Nagusien Etxea eta Gaztetxea zen harik eta udalak kanporatu zituen arte, eta hainbat dira eraikina eta ematen zitzaion erabilera mantentzearen aldekoak. Polizia oldartu egin zaie protestan ari zirenei, eta oldarraldian pertsona bat atxilotu eta hainbat zauritu dituzte, tartean Hiruka hedabideko kazetaria.
Getxoko Lope de Vega kaleko 12. zenbakiko eraikinaren eskumena Getxoko Udalaren eskuetatik Bizkaiko Foru Aldundiaren eskuetara pasa zen otsailaren 7an. Iraganean Ibar Nagusien Etxea, Gaztetxea eta Euskaltegia izandakoaren tokian Belaunaldien Arteko Zentroa eraikitzea da asmoa, nahiz eta hainbat diren erabaki horrekiko desadostasuna agertu duten herritarrak. Getxoko Ibar Nagusien Etxeko kideak, adibidez, urteak daramatzate beren aterpea defendatzen; ARGIAren 2.794 zenbakian jazo genuen borroka luze horren berri, baita egoera zertan zen azaldu ere. Urrian argitaratutako erreportaje horretatik egoera aldatu da, eta otsailaren 14ko asteartez herritarrak protestan atera dira, eraikina eraisteko lanak eteteko helburuarekin.
Astelehenean Azpiegiturak enpresako langileak Lope de Vegako eraikinean lanean hasiak zirela oharturik, astearte goizean goizetik lanak oztopatzen saiatu dira dozenaka herritar. Bertatik bertara jarraipena egiten ari da Hiruka, eta emandako informazioaren arabera 08:30etan eserialdia hasi dute protestan zirenek, langileei eraikinera sarbidea oztopatzeko. "Ertzaintza agertu denean, baina, protestaren kontra oldartu, herri-harresia desegin eta beharginen sarrera bermatu dute agenteek, 10:00ak alderako", informatu du tokiko hedabideak.
Protestan ari zen gazte bat atxilotuta eraman dute, beste horrenbeste kolpatu eta @HirukaEus taldeko lankideari berriro ere oldartu zaio Ertzaintza. Argazkilariari borragaz kolpe handia eman diote gertatzen ari zena kontatzeagatik, behin eta berriro #kazetari zela esanda ere. pic.twitter.com/Fwg3Pw98Ny
— Hiruka (@HirukaEus) February 14, 2023
Horrek giroa tenkatu du, eta protestan ari zirenak inguruko burdin-hesien kontra kolpeka hastearekin batera, Polizia oldartu egin zaie. Hirukak argitara emandako informazioaren arabera, oldarraldi horretan hainbat pertsona zauritu ditu Poliziak, hedabideko argazkilaria tarteko, eta pertsona bat eraman dute atxilotuta.12:15 aldera informatu dutenez, istiluen aurkako poliziek kalea moztu dute.
Belaunaldien arteko zentroaren proiektuari argi berdea
Abuztuaren 17an abiatu zituen Getxoko Udalak eraikina eraisteko lanak, baina Ibar Nagusien Etxeko kideek erabateko zuhurtziazko neurriak eskatu ondotik, egun horretan bertan eman zuen Bizkaiko epaitegiak eraiste lanak gelditzeko agindua. Alabaina, urtarrilean indarrik gabe utzi zuen agindu hori Euskal Autonomia Erkidegoko Justizia Auzitegi Nagusiaren ebazpenak. Urtarrilaren 11n eman zuen horren berri Hirukak, eta ordurako egina zuten otsailaren 12ko manifestazio deialdia eraikina mantentzearen aldeko herritarrek.
Deialdiarekin bat egin zuten hamarnaka pertsonak, eta erantzuna ikusirik, hala adierazi zioten deitzaileek Hirukari: “Berriro ere, argi geratu da auzoa eraikin hauen kontserbazioaren alde dagoela, Getxoko Udalak eta Bizkaiko Foru Aldundiak behin eta berriz hori ukatu duten arren”. Deialdia baliatu zuten udal gobernuan diren EAJri eta PSE-EEri berriz eskatzeko eraikina manten dezaten, baina udalak bere asmoekin aurrera segi du.
Lope de Vega kaleko eraikinaren tokian belaunaldien arteko zentro bat eraikitzea da Getxoko Udalaren eta Bizkaiko Foru Aldundiaren asmoa. Hirukan jasoa dagoenez, proiektuak mendekotasuna duten adinekoentzako 100 plaza eta gazteentzako 40 udal- bizitoki aurreikusten ditu, eta udalaren arabera, eraikinaren beheko solairuan 283 metro koadroko lokal bat egongo da, auzoko adinekoen elkartea etorkizunean bertan birkokatzeko.
Euskal Herriko Pentsiodunen Mugimenduak sustatutako Herri Ekimen Legegilea (HEL) izapidetzearen kontra Eusko Jaurlaritzak oraintsu egin duen txostenaren kontra ehunka lagun mobilizatu dira larunbat goizean Donostian, Bilbon eta Gasteizen. Pentsio minimoa lanbide arteko... [+]
Algoritmo hitza tekniko eta urruna iruditu arren, gure eguneroko bizitzaren parte da, modu sakonean. Algoritmoek erabakitzen dute sare antisozialetan zer albiste ikusten ditugun, mailegu bat onartzen ote diguten, edo zer hautagai aukeratzen dituzten lanpostu baterako. Are... [+]
Erran egin nion umetan sexu abusu bat jasanarazi zidanari: hala egin zidala. Bazekien, sinetsi zidan, eta errespetatu du harekiko behar dudan urruntzea. Zortea izan nuela uste dut; denok ez daukagula bera. Prozesu inperfektu haren kontakizun ez-fikziozko bat da hau.
Danimarkaren menpe segitzen duen Groenlandiako biztanleriaren %88 da inuita, eta beraien hizkuntzan eta kulturan aitzina egite hutsa dute eguneroko desafio. Zuriek kolonizatu zituzten eta gaur egun egoerak bere horretan segitzen du: zurien begietatik bideratuta dagoen... [+]
Iruñeko Hirugarren Zigor Auzitegiak 5.850 eta 9.450 euro arteko zigorrak ezarri dizkie Baztango Aroztegiko zazpi auzipetuei, derrigortze edo bortxa delituagatik. Baztertu egin du, ordea, talde kriminala osatzen zutela.
Truth Social bere sare sozialean eman du berria Erresuma Batuan egin duen bisitaldian, eta adierazi du mugimendua erakunde terrorista izendatuko duela. Legelari askok, ordea, laster azpimarratu dute hori egiteko AEBetako presidenteak izango dituen arazoak.
Ostegun goizean Arbesko Toki Alai eskolan gurasoen eta udaltzainen artean emandako episodio "ulertezin" baten ondotik, eskolako atarian segurtasuna bermatu beharrean, haurrak eskolara bizikletaz eramaten dituzten gurasoei isunak jartzen tematzen dela leporatu diote... [+]
Urteak daramatzate salatzen administrazio publikoak “albo batera begiratu beharrean” tratamendu “integrala” eman beharko lukeela.
Aurrekoan idatzitako Irakasleon figura artikuluaren harira, kontu esanguratsu bat landu nahiko nuke. Artikulu horretan aipatu bezala, jende askoren ahotan dabil irakasleon lan karga baxua dela (gehienbat hezkuntza publikokoena), eta ditugun pribilegioak gehiegizkoak direla. Ez... [+]
Mezularitza zerbitzuetan erraldoien atzaparrek eta pribazitateak kezkatzen bazaitu, Whatsapp (Meta enpresaren jabetza) eta Telegram-ekin gehiegi fidatzen ez bazara, adibidez, Signal alternatiba bat dela entzungo zenuen. Egia esanda, itxura guztien arabera, erabilpen txikia du... [+]
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Palestinan bideratzen ari den genozidioa salatu dute Euskal Herriko Unibertsitateko ordezkariek. Hainbat neurri hartuta ditu EHUk eta tartean, batzorde bat sortzeko proposamena egina dio errektoretzak Palestinaren aldeko unibertsitate mugimenduari, aurretik ere unibertsitateak... [+]
Urriaren 31tik azaroaren 2ra Baterajotzea izango da Zaldibarren, Euskal Herriko Gazte Feministek antolatuta. Egitaraua aurkeztu dute, eta izen ematea ireki.
Uda sasoian hamalau egunetan baino ez dute medikurik izan herrian, “inoiz baino jende gehiago” biltzen den egunetan, hain zuzen. Osakidetza “gainbeheran” dagoela salatu du udalak, eta herritarrak mobilizatzera deitu ditu.
Duela mende erdi frankismo gotorrenak bere aurkako ahotsak isilarazi nahi izan zituen ETAko eta FRAPeko bost militante hiltzen. 1975a zen, eta irailak 27 zituen. Baina alderantzizkoa lortu zuen, eta zenbaitek nahi luketenaren kontrara, askatasunaren aldeko borrokalari gisa... [+]