Musulmanen kontrako indarkeria areagotu du koronabirusaren krisiak Indian

  • Musulmanak Indian koronabirusa zabaldu nahian ari direla diote zenbait nazionalista hinduk; “korona yihada” egitea egozten diete. Pandemiaren aurretik ere Delhiko zenbait auzotan musulmanen aurkako zenbait eraso egin zituzten hinduek; koronabirusaren krisiak areagotu egin ditu eraso horiek.


2020ko apirilaren 16an - 13:47
Delhiko istiluak. Argazkia: Hurriyet Daily News.

Delhiko ipar mendebaldeko auzoak, musulman komunitate handiena batzen dutenak, arriskutsu bilakatu dira bertakoentzat. Indiako gobernu hinduistak onartutako Herritartasun Akta izan zen lehen iskanbilen sortzailea, eta koronabirusaren hedapenak jarraipena eman die gatazka horiei. Indarkeria soilik ez, boikot orokortua deitu dute hinduek, musulmanen dendetara ez joateko eskatuz.

Koronabirusaren krisiarekin, ospitaleak pazienteak segregatzen ari dira, herrialdearen historian sekula ikusi gabeko neurria

Hiru aste daramatza konfinatuta azpikontinente asiarrak, ia 13.000 kasu eta 432 heriotzarekin. Herrialdeko kasuen %30a gutxiengo musulman bati lotua dagoela baieztatu dute adituek, eta horri Indiako Osasun ministerioak egindako adierazpen batzuk batu zaizkio. Seminario islamiko bati leporatu dio izurritearen hedapena, eta “korona yihad” terminoa berak erabili zuen lehenengo.

 Konspirazio bat dagoela diote Narendra Modi lehen ministroaren jarraitzaileak diren nazionalista hinduek; herrialdeko musulmanak koronabirusa hedatzeko ahaleginetan daudela baieztatzen dute. Munduan biztanle gehien dituen bigarren herrialdea da, horietatik 200 milioi musulmanak dira, gutxiengo bat herrialdeko kopuruari dagokionez.

Segregazioa eta sekularizazioa gobernutik

Modi boterera heldu zenetik garai gogorrak izan dira Indiako kultura aniztasunarentzat. Lehenengo, Indian gehiengo musulmana duen lurralde bakarrari, Katxemirako estatuari, autonomia kendu zion. Musulmanak ezik beste edozein erlijio nagusitako pertsonei errefuxiatu estatusa onartuko ziotela adierazi zuen gero, Herritartasun Aktaren bidez.

Koronabirusaren krisiarekin, ospitaleak pazienteak segregatzen ari direla salatu du zenbaitek. Neurri hori gobernuaren erabakiz ezarri dutela baieztatu dute ospitaleetako agintariek, herrialdearen historian sekula ikusi gabeko neurria.

 

 

Gobernuaren diskriminazioaren aurkako protesta. Argazkia: India Today.

 

 

 

 


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude