Meatzaldea eta Ezkerraldea ez dira zuen zabortegiak
A zer zortea gurea! Inork nahi ez duen edozein industria-proiekturentzako puntu bero gogokoena gara gu! Ezkerraldea eta Meatzaldea, beti prest beste leku batzuetan gogaitzen duen guztia beso zabalik hartzeko. Petronor? Ederto. Lindane-hobi bat? Aurrera. Dorre elektrikoak gure etxeen ondoan? Jakina! Piruli bat mendian, urtebetetzeko kandela bailitzan? Nola ez. "Hemen dena gaizki dagoenez", apur bat gehiago ez da nabarituko, ezta?
Eta oraindik aire garbi pixka bat geratzen zaigula ematen duenez (gutxi bada ere), norbaitek erabaki du une ezin hobea dela eskualde hauetan bizirik dirauen birika berde bakarrean makroproiektu eoliko bat jartzeaz gain, tentsio oso altuko lineak ere instalatzeko. Zertarako errespetatu mendi bat hormigoiz, turbina erraldoiz eta goi-tentsioko lerroz bete dezakegunean? Eta azken momentuko sorpresa: badirudi hori ez dela nahikoa, hidrogenozko gasbide polit bat ere igaroarazi nahi dute bertatik; izan ere, berdea beti hobeto sartzen da azpiegituraz josita badator.
Etorkizuna dela esaten digute. Jasangarria dela. Berdea dela. Berdea ote da natura eta biodibertsitatea suntsitzen dituen zerbait?
Etorkizuna dela esaten digute. Jasangarria dela. Berdea dela. Berdea ote da natura eta biodibertsitatea suntsitzen dituen zerbait? Zer zentzu du salbatu nahi dugun hori suntsitzeak? Ez gaitezen engaina, inposatutako makroproiektu hauek berdez duten gauza bakarra billete-sortak dira, enpresa pribatu jakin batzuek gure miseriaren kontura poltsikoan sartuko dituztenak. "Trantsizio ekologiko" horrek logika zaharraren birziklatze usain susmagarria du: onurak zentralizatzen dira, eragozpenak lurraldeka banatzen dira.
Orain, pentsa genezake, biztanleon osasunaren lepo Ezkerralde eta Meatzaldek mendeetan industria kutsagarri eta azpiegitura inbaditzaileak jasan ondoren, plangintza-mahairen batean norbaitek esan lezakeela: "Aizu, eta oraingoan ez badugu ez horrela, ez bertan egiten?". Baina badirudi ezetz. Tradizioz eta komenentziaz sakrifizio gunea izaten jarraitzen dugu.
Ez dugu onartzen zentral eoliko bat opari berde gisa saltzea beste inposaketa gris bat izanda. Ez dugu "jasangarri" hitzaz hasi, baina "atzeraezin" hitza bihurtzen den promesik nahi. Eta, jakina, ez gara isilik geratuko mendiak helize erraldoiz apaintzen, zainak kablez gurutzatzen eta erraiak hidrogeno "berdez" zulatzen dizkiguten bitartean.
Beraz, benetan aldaketa nahi baduzue, has zaitezte mapa aldatzen, gauzak non erabakitzen eta inposatzen diren jakiteko. Nahiz eta zuek kontrakoa pentsa, Ezkerraldea eta Meatzaldea ez dira zuen zabortegia, ez gaude salgai.
Soiartze Ávila González
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Abuztuaren 15ean Vladimir Putin eta Donald Trump Alaskan bildu ziren. Ofizialki, Ukrainako gerrari amaiera emateko bidean beste urratsen bat emateko. Baina Gazan milaka pertsona hiltzeko gupidarik ez duen politikariak serio esan al dezake penagarria eta tristea dela Ukrainan... [+]
Duela egun gutxi 6.000 alegazio baino gehiago aurkeztu dira Azantzan eta Sarbilen poligono eoliko berri bat eraikitzeko proiektuaren aurka. Antzeko beste proiektu batzuetan bezala, herritar eta talde antolatuen ahaleginari, antolaketari eta lanari esker egin da alegazioendako... [+]
Artikulu bati zer nolako izenburua jarri ez da aise hautatzen, ezta? Hasiera batean, “euskaldun gezurti, tranpatiak” bezalako izenburua idazteko asmoa nuen, baina inor mintzeko gogorik ez dudanez, goikoari eutsi diot, ene gogoetaren muina hobeto ulertaraziko... [+]
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
Eskubide linguistikoen ikuspegi integratzaile baten eskaintza dugu gaurkoa.
Espainiako supremazismo linguistikoa osasuntsu eta bizkor ageri zaigu, “hooligan” samalda anitz baten babesaz eta komunikabide indartsuez sustatua. Azken aurreko lagina Santi Martinezena... [+]
Euskal Herri osoan —beste herrialdeetan bezalatsu— jairik ez da falta. Negu giroan ere asko badira ospatzen direnak, uda-garaian ez da festa gabeko egunik. Egun-argi luzeak eta gau epelak jendea etxe zuloetatik kanpora, kalera ateratzeko aproposak dira eta jai giroan... [+]
Azken asteetan bolo-bolo dabil Poliziaren eta, zehatzago esanda, Ertzaintzaren gaineko eztabaida. Tamalez, eztabaida piztearen arrazoia ez dira horiek Euskal Herri Langilearen kontra erabiltzen dituzten biolentzia eta jazarpen sistematikoa. Horren ordez, Ertzaintzaren eta bere... [+]
Artikulu honek badu testuinguru bat lerroburuaren gainetik, Hernaniko Udalean Kontxita Beitiak aurkeztutako Euskal Euskal Errepublikaren aldeko mozioa onartu ez izana. Harira!
Prozesu heterokronikoa
Kultura judeokristau, musulmana eta platonismoaren ustez, denbora aurrera... [+]
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
Euskarak urte luzeetan ezaguturiko zapalkuntzaren ondorio larriak, frankismoaren errepresio itogarriak, baita gure hizkuntzarekiko erakutsi zuen jarrera erasokorrak ere, piztu zituzten herri honen euskaldungoaren kontzientzia eta oldarra. Eguneroko esperientziaren egoera larriak... [+]
Sentitzen dut, baina kosta egiten zait sinestea. Yeray Alvarez Athleticeko jokalariak analisi batean positibo eman izanak berriro azaleratu du kirolean existitzen den dopinaren inguruko eztabaida. Eliteko kirolean, hobeto esanda; eta horra hor auziaren gakoa. Kirolari... [+]
Futbola herriaren opioa zela zioten batzuk; garrantzitsuak ez diren gauzetan garrantzitsuena dela pentsatzen dute hainbatek; kapitalismo basatienarekin lotzen duenik ere bada… Nire iritziz, gizartearen isla soila da; herritarron gabezia eta arazo askoren isla.
Ez zait... [+]
Hizkuntzalari ospetsu José Ignacio Hualdek hiru joera nagusi bereizi ditu euskaldun berrien artean, batuarekiko harremanari dagokionez: euskalki biziko herrietan, gazteek etxean euskalkia darabilte eta eskolan batua; gaztelaniaz hitz egiten den hiriguneetan, gehienek batua... [+]
Azkenaldian buruari bueltak ematen ari natzaio, hezkuntza publikoaren egoerari. Aurtengo ikasturteko greba garaiak pasa dira eta lan hitzarmen berria sinatu zela denboratxo bat igaro da. Irakasleoi, onerako eta txarrerako, garai hartako odol beroa hoztu zaigula esango nuke. Ez... [+]