Frantziako Gobernuaren aurka “guztia blokeatzeko” deia indartzen ari da
Irailaren 10a izanen dute protestarako lehen hitzordua. 2018 urteko Jaka Horien mugimenduaren segipen gisa ikusten dute anitzek deia, nahiz eta alderdi politikoak eta sindikatuak dinamikari lotu izanak ezberdintzen dituen biak. François Bayrouren austeritate politikaren kontrako grebara deitu dute sindikatuek ere, urriaren 9rako.
Sare sozialetako mezuak, herritarren batzarrak zein kartelak, irailaren 10ean "guztia blokeatzeko" deia zabalduz eta indarra hartuz doa Frantziako Estatuan zein Ipar Euskal Herrian. François Bayrou Lehen ministroak uztailaren 15ean plazaratu zituen bere austeritate politikaren neurriak, herritar andanaren kexua hauspotuta eta berehala, autonomoki eta modu anonimoan zabalduko zuten ezker eskuin "herria paralizatzeko" deia. "Blokeoaz" gain, "desobedientzia" eta "elkartasuna" dira beste bi osagaiak, eta mugagabean aritzera etorri dela ere diote, hots "erabateko blokeoaren lorpenera arte".
Urtero 43.800 milioi euro aurreztu nahi ditu datozen lau urteetan Bayrouk, herrialdearen zor publikoa murrizteko; eta horretarako, pentsioak izoztuko ditu, lanpostu publikoak murriztuko ditu eta osasunera eta gizarte politiketara bideratutako gastua apalduko du. Bi jai egun kentzeko aukera ere mahai gainean jarrita dauka.
"Guztia blokeatu dezagun!" dinamikaren antolaketari zein aldarriei begiraturik, 2018ko Jaka Horien antza hartzen diote anitzek eta garaiko jaka horidun aktibista ezagun batzuk deiarekin bat egin izanak sendotzen du lotura hori. Alta, garaian ez bezala, badirudi alderdi politikoak eta sindikatuak ere badabiltzala mobilizazio egun horri begira eta hori bada Jaka Horiekiko alde handia. Funtsean, eztabaida ere piztu du antolaketan dabiltzanen artean: komeni da alderdi eta sindikatuen presentzia ala onura baino kalte gehiago eginen dio herri mugimenduari? Eztabaida hori hor bada ere, aitzina doa irailaren 10ari begira dagoen beroketa fasea.
Ipar Euskal Herriari dagokionez, badabiltza herritar batzuk giroa berotu nahian eta eragile sindikal batzuek ere bat egin dute dagoeneko deiarekin. Tartean dago, demagun, LAB: "Mugimendu honek adierazten duen haserre soziala zilegia da, eta konpartitzen dugu. Izan ere, Bayrouk iragarritako austeritate plana langileen bizitza prekarizatzen ari diren azken urteetako politika antisozialen jarraipenean kokatzen da".
Bi egun lehenago, konfiantza mozioaren bozketa
"Gehiengoa lortzen badugu, gobernua berretsiko dute; bestela, erori egingo da", adierazi zuen Frantziako lehen ministroak irailaren 8an eginen duten konfiantza mozioaren bozketaren erronka azaltzerakoan. Zentsura mozioei aurre egin nahian, konfiantza mozioaren bozketa jarri du agendan, berdin-berdin bere postua jokatuta. Ez dirudi, ordea, babes handirik eskuratuko duenik, dagoeneko badakigulako aurka bozkatuko dutela LFI Frantzia Intsumisoak, Frantziako Alderdi Komunistak, ekologistek, Alderdi Sozialistak eta RN Batasun Nazionalak.
Urriaren 9an greba
Urriaren 9rako grebarako deia luzatua dute langile sindikatuek eta bi deiak batzen ditu plazaraturiko LABen agiriak: "Dena blokeatzea ez da erabakitzen, antolatzen baizik. Greba egitea ere dena blokeatzea da. Bide horretatik blokeatu nahi duten langileei dei egiten diegu gurekin harremanetan jar daitezen. Hortarako, datorren urriaren 9rako mobilizazio eta greba egun gehiago iragarriak genituen, segi dezagun mugimendua indartzen eta borrokak bat egiten".
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
Konfiantzaren erronka izenburua jarri diote Kanakyko indar independentisten eta unionisten arteko akordioari. Ozeano Bareko uhartediak herrialde europarraren parte izaten jarraituko luke, baina estatu izaera lor dezake kaledoniarrek hala bozkatzen badute. Datorren urte hasieran... [+]
Dozenaka lagunek agerraldia egin dute astelehen arratsaldean Baionan, Pirinio Atlantikoetako Departamenduaren egoitzaren aurrean. Frantziak EEPn 100.000 euro gehiago inbertituko dituela iragarrita, euskararen etorkizuna bermatzeko hizkuntza politikak "ausardia eta... [+]
"Egungo baldintzetan" EEP Euskararen Erakunde Publikoak berritzeko hitzarmena sinatuko ez duela mehatxu eginda, Euskal Hirigunearen Elkargoak sei hilabete eman die erakunde publikoa osatzen duten partaideei Parisekin negoziatzen jarraitzeko. Astelehenean agerraldia egin... [+]
Maider Behotegi Euskararen Erakunde Publikoaren (EEP) lehendakariak inbertsio handitze guztiak berri onak direla adierazi zuen iaz. Hala ere, erakunde bakoitzak gutxienez 300.000 euro gehiago ipintzea "beharrezkoa" dela nabarmendu zuen, helburua 2050ean hiztun kopurua... [+]
Maiatzaren 27an Frantziako Estatuko Legebiltzarrak onartu zuen heriotzarako laguntza baimentzen duen legea. Askok aurrerapen humanistatzat jo arren, lege berri honek kezkak piztu ditu pertsona ezinduen eskubideen aldeko mugimenduetan. Gaur egungo gizarteak ez badizkie pertsona... [+]
Debekua uztailak 1ean sartuko da indarrean hainbat espazio publikoetan, hondartzak edo parkeak kasu. Araua errespetatzen ez duten herritarrei 135 euroko isuna jarriko diete.
Eritasunaren kontrako protokoloa salatzeko eta prefeturarekin hitzordu bat lortzeko asmoz, bideratu dute okupazioa ehun bat laborarik. Tuberkulosia kasu batzuk agerturik Zuberoan, eritasunaren kontrako neurri sanitarioak segitu beharrean dira inguru horietako 280 etxalde... [+]
Lurraren alde borrokan dabilen orok begi onez hartu du Frantziako Legebiltzarrak laborantza lurren babesteko lege-proposamenaren alde bozkatu izana. Peio Dufau diputatu abertzaleak aurkezturiko testua da, eta politikoa eta sentimentala juntaturik, hemizikloan Arbonako okupazioa,... [+]
Urte bat beteko da laster Pazifikoko Kanaky herriko matxinada eta estatu-errepresiotik. Maiatzaren 14an gogortu zen giroa, kanaken bizian –baita deskolonizazio prozesuan ere– eraginen lukeen lege proiektu bat bozkatu zutelako Paristik. Hamar hilabete pasa direla,... [+]
Ur kontaminatua ur mineral eta ur natural gisa saltzen aritu dira urte luzeetan Nestlé eta Sources Alma multinazional frantsesak. Legez kanpoko filtrazioak, iturburuko ura txorrotakoarekin nahasi izana... kontsumitzaileen osagarria bigarren mailan jarri eta bere interes... [+]
Baldintzapeko askatasunaren alde agertu bada ere Parisko dei auzitegia, ekainaren 19ra atzeratu du epaia, Georges Ibrahim Abdallahk ez dizkielako kalte-galerak ordaindu AEBei. Baldintzapeko askatasunaren alde agertu zen azaroaren 15ean Frantziako Zigorrak Aplikatzeko Epaitegia,... [+]
Ostegun arratsaldean egin dute bozketa eta, aurreikusitako moduan, François Bayrou lehen ministroaren aurkako zentsura mozioak ez du aurrera egin. Izan ere, eskuin muturreko Batasun Nazionalaren sostengurik gabe, ez zuen aurrera egiteko aukerarik.
331 diputatuk bozkatu dute ezkerrak aurkezturiko zentsura mozioaren alde. Eskuin muturrak babestu du ezkerraren testua, eta horrek ekarri du gehiengoa lortu izana. Emmanuel Macron presidenteak hitza hartuko du ostegun honetan 20:00etan.
Frantziako Gobernuaren aurrekontu proiektuan Gizarte Segurantzan egitekoak dituzten murrizketak salatzeko mobilizazio eguna dute ostegunean. Manifestazioa abiatuko dute 10:00etan Baionako geltoki aitzinetik. Bezperan, zentsura mozioaren alde eman dute botoa Frantziako... [+]