Polizia “talde zaurgarri”?
Azken asteetan bolo-bolo dabil Poliziaren eta, zehatzago esanda, Ertzaintzaren gaineko eztabaida. Tamalez, eztabaida piztearen arrazoia ez dira horiek Euskal Herri Langilearen kontra erabiltzen dituzten biolentzia eta jazarpen sistematikoa. Horren ordez, Ertzaintzaren eta bere buruaren inguruan egindako bandera faltsuko eraso batek zein Ertzaintzak aurrera eramandako basakeri hainbat kasu izan dira eztabaidaren pizgarri.
Eztabaida hau hedabideetatik zein hainbat alderdi politikotatik bultzatu izanak bi helburu nagusiri erantzuten die. Batetik, Poliziaren normalizazioaren guraria, gizarte kapitalistan betetzen duen funtzioa ezkutatuta eta gertakari horien aurrean Polizia biktima gisa aurkeztuta. Eta, bestetik, biktimaren paperetik tiraka, Polizia “talde zaurgarri” bezala aurkezteko saiakera, Poliziaren kontrako mezuak zabaltzea gorroto delitu gisa epaituak izateko marko politikoa sortuz, marko juridikoaren eraikuntzari ekin ahal izateko. Baina nork pentsa dezake etxegabetzen duten horiek, militante politikoak jazartzen dituzten horiek edo erreprimitzeko bitartekari materialak erabiltzen dituzten bakoitzean zauri sendaezinak edota heriotza gauzatzen dituzten horiek “talde zaurgarri” bat direnik?
Ustezko Polizia demokratikoak Euskal Herria azpiratuta mantentzen duen demokrazia burgesaren Polizia izaten jarraituko luke, eta Euskal Herri Langilearentzat hori ez da inolako alternatiba
Ildo horretatik, Poliziaren gaineko eztabaida desitxuratu eta irudiz kontrajarriak diren bi aukera aurkeztera mugatzen dira, hizpidea gaur egun dugun Polizia biolentoa eta jazarlea edo gertukoa eta demokratikoa den Polizia “ereduen” artean kokatuz. Arazoa, ordea, biak ala biak Poliziaren normalizazio eta zuriketa estrategiari erantzuten dioten txanpon beraren bi aurpegiak izatean datza. Izan ere, eztabaida termino horietan planteatzeak ez du mahai gainean jartzen Poliziaren egiturazko funtzioa eta, hortaz, gizarte kapitalistan jokatzen duen papera ezkutatzea dakar. Bi Polizia “ereduek” etxegabetzen dute, kargatzen dute langileon kontra, oztopatzen eta kontrolatzen dute Euskal Herri Langilearen antolakuntza politikoa edo jazartzen dituzte militante politikoak. Arazoa ez datza zenbait ardi beltzek Polizia biolentoagoa edo jazarleagoa egiten dutela, jazarpenari dagokionez denak baitoaz beltzez langile eta militante politikoentzat.
Horrenbestez, alegiazko depurazioa burututa ere, Poliziaren egiturazko arazoak bere horretan iraungo luke. Polizia burgesiaren nagusitasuna eta jabetza bermatzen dituen beso armatua da. Ustezko Polizia demokratikoak Euskal Herria azpiratuta mantentzen duen demokrazia burgesaren Polizia izaten jarraituko luke, eta Euskal Herri Langilearentzat hori ez da inolako alternatiba.
Azken urteetako zurikeria eta normalizazio estrategiak Euskal Herriko langileria pairatzen ari den prekarizatzearen eta pobreziaren areagotzearen ondorioz honen potentzialtasun iraultzailea deuseztatzeko neurri gisa ulertu behar dugu. Alta, edozein eztabaidatik kanpo dago Poliziak bere isun, kolpe, mehatxu eta atxiloketen bitartez Euskal Herri Langilearen antolakuntza politiko iraultzailea oztopatzeari eta jazartzeari dagokionez jokatzen duen papera.
Ondorioz, Euskal Herriko langileoi Poliziak gizarte honetan betetzen duen funtzioaren sozializazioa lantzea eta kontzientziak astintzea dagokigu. Oso presente izan behar dugu Euskal Herriko zapalkuntza nazional eta sozialaren gaindipenari begira, horiek bidelagun izan beharrean oztopo direla. Alderdi eta hedabideetatik garatzen ari diren diskurtsoak, Poliziaren hainbat jazarpen kasu salatu eta euren biolentzia agerian utzi ordez, militantzia politikoa kriminalizatzeko eta ondoren zigortzeko oinarriak finkatzen ditu.
Horren guztiorren aurrean, antolakuntzaren eta militantzia politikoaren defentsarako neurriak eta baldintzak garatzea dagokigu, sortzen ari diren erretorikaren aurrean ez baita nahikoa borroka egitearekin. Euskal Herri Langileak bere askatasunaren bidean egiten duen borrokaren zilegitasuna aldarrikatzea dagokigu, hau da, amnistia aldarrikatzea dagokigu, soilik helburu estrategiko horren erdiespenaren bitartez emango baitiogu amaiera Euskal Herri Langileak pairatzen duen errepresio forma orori.
Kai Karasatorre, ASKE antolakundeko bozeramailea
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Abuztuaren 15ean Vladimir Putin eta Donald Trump Alaskan bildu ziren. Ofizialki, Ukrainako gerrari amaiera emateko bidean beste urratsen bat emateko. Baina Gazan milaka pertsona hiltzeko gupidarik ez duen politikariak serio esan al dezake penagarria eta tristea dela Ukrainan... [+]
Duela egun gutxi 6.000 alegazio baino gehiago aurkeztu dira Azantzan eta Sarbilen poligono eoliko berri bat eraikitzeko proiektuaren aurka. Antzeko beste proiektu batzuetan bezala, herritar eta talde antolatuen ahaleginari, antolaketari eta lanari esker egin da alegazioendako... [+]
Artikulu bati zer nolako izenburua jarri ez da aise hautatzen, ezta? Hasiera batean, “euskaldun gezurti, tranpatiak” bezalako izenburua idazteko asmoa nuen, baina inor mintzeko gogorik ez dudanez, goikoari eutsi diot, ene gogoetaren muina hobeto ulertaraziko... [+]
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
Eskubide linguistikoen ikuspegi integratzaile baten eskaintza dugu gaurkoa.
Espainiako supremazismo linguistikoa osasuntsu eta bizkor ageri zaigu, “hooligan” samalda anitz baten babesaz eta komunikabide indartsuez sustatua. Azken aurreko lagina Santi Martinezena... [+]
Euskal Herri osoan —beste herrialdeetan bezalatsu— jairik ez da falta. Negu giroan ere asko badira ospatzen direnak, uda-garaian ez da festa gabeko egunik. Egun-argi luzeak eta gau epelak jendea etxe zuloetatik kanpora, kalera ateratzeko aproposak dira eta jai giroan... [+]
Artikulu honek badu testuinguru bat lerroburuaren gainetik, Hernaniko Udalean Kontxita Beitiak aurkeztutako Euskal Euskal Errepublikaren aldeko mozioa onartu ez izana. Harira!
Prozesu heterokronikoa
Kultura judeokristau, musulmana eta platonismoaren ustez, denbora aurrera... [+]
A zer zortea gurea! Inork nahi ez duen edozein industria-proiekturentzako puntu bero gogokoena gara gu! Ezkerraldea eta Meatzaldea, beti prest beste leku batzuetan gogaitzen duen guztia beso zabalik hartzeko. Petronor? Ederto. Lindane-hobi bat? Aurrera. Dorre elektrikoak gure... [+]
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
Euskarak urte luzeetan ezaguturiko zapalkuntzaren ondorio larriak, frankismoaren errepresio itogarriak, baita gure hizkuntzarekiko erakutsi zuen jarrera erasokorrak ere, piztu zituzten herri honen euskaldungoaren kontzientzia eta oldarra. Eguneroko esperientziaren egoera larriak... [+]
Sentitzen dut, baina kosta egiten zait sinestea. Yeray Alvarez Athleticeko jokalariak analisi batean positibo eman izanak berriro azaleratu du kirolean existitzen den dopinaren inguruko eztabaida. Eliteko kirolean, hobeto esanda; eta horra hor auziaren gakoa. Kirolari... [+]
Futbola herriaren opioa zela zioten batzuk; garrantzitsuak ez diren gauzetan garrantzitsuena dela pentsatzen dute hainbatek; kapitalismo basatienarekin lotzen duenik ere bada… Nire iritziz, gizartearen isla soila da; herritarron gabezia eta arazo askoren isla.
Ez zait... [+]
Hizkuntzalari ospetsu José Ignacio Hualdek hiru joera nagusi bereizi ditu euskaldun berrien artean, batuarekiko harremanari dagokionez: euskalki biziko herrietan, gazteek etxean euskalkia darabilte eta eskolan batua; gaztelaniaz hitz egiten den hiriguneetan, gehienek batua... [+]