Mapamundiak Afrikaren benetako tamaina islatu dezala aldarrikatu du kontinenteak
“Mapak ez dira erreminta hutsa, sinboloak dira, eta mapa zuzentzea Afrikari buruzko narratiba globala zuzentzea ere bada; duintasun kontua da”. Afrikako Batasunak eskatu du munduan oraindik erabilienetakoa den mapa distortsionatua alboratzeko.
Mercator planisferio klasikoak (goiko irudian) Afrikaren dimentsioak nabarmen txikitzen ditu, baina oraindik ere oso erabilia da mapa hori. Orain, aspaldiko kexari batu zaio Afrikako Batasuna, herrialde afrikar guztiek osatzen duten erakundea, eta tamainak modu errealagoan islatzen dituzten mapak hobesteko eskatu du.
“Mapa bat baino ez dela dirudi, baina ez da hala, Afrika bazterrekoa den ideia sustatzen du mapa horrek, munduko bigarren kontinente handiena izan arren”, kritikatu dute ekimenaren atzean daudenek. “Umeek mapa horietatik ikasten dute eta hazten dira pentsatuz Afrikak tamaina xumea duela, zer eta erraldoia denean. Afrika benetan dena baino txikiagoa agertzen bada, herritarren eta agintarien iruditerian ere pisu txikiagoa hartzen du; mapa zuzentzea errealitatea aldarrikatzea da, duintasun kontua, baita heziketa ere”.
Pentsa, AEB, Txina, India, Japonia eta Europaren zati handi bat elkartuta irudikatu behar dugu Afrikaren benetako dimentsioa. Edota aipaturiko mapamundian, Groenlandiak eta Afrikak antzeko tamaina dutela dirudi, baina hamalau aldiz txikiagoa da Groenlandia.
"Afrikarrek garatzen duten pertzepzioa da Afrika ez dela hain esanguratsua. Nortzuk garen eta munduan dugun pisua benetan sinetsi behar dugu"
Poskolonialismoa apurtzeko saiakeren eta afrikar identitatea aldarrikatzeko mugimenduen garaiotan, nazioarteari begira bakarrik ez, etxe barrura begira ere egin du aldarrikapena Afrikako Batasunak: “Afrikarren artean, bereziki belaunaldi gazteen artean, Afrikaren benetako tamainak konfiantza eta harrotasuna zabaltzen laguntzen du. Afrikarrak hazten direnean mapa distortsionatuak ikasiz, garatzen duten pertzepzioa da Afrika ez dela hain esanguratsua. Nortzuk garen eta munduan dugun pisua benetan sinesten dugunean, asko erraztuko dira gainerakoekin ditugun harremanak”.
Equal Earth
Mapa desitxuratua Gerardus Mercator kartografoak egin zuen, 1569an. Ez zuen helburu kontinenteak behar bezala irudikatzea, itsas nabigaziorako lagungarri izatea baizik, baina hori da XVI. mendeaz geroztik oso ohiko bihurtu den mapa. Afrikako Batasunak eskatu du Equal Earth mapa erabiltzeko –gero eta erabiliagoa, arlo eta sektore guztietan–, herrialde eta kontinenteek dimentsio errealekiko proportzio berdinak mantentzen dituztelako. Bernhard Jenny, Tom Patterson eta Bojan Savrič hirukotearen emaitza da Equal Earth (beheko irudian).
Afrikako Batasunak garbi du: mapan tamaina aldatzeak ez du desoreka ezabatuko, baina subkontzientean dugun irudi okerra zuzentzen lagunduko du.
400 lagun baino gehiago atxilotu dituzte zerbitzu publikoen hobetzea eta krisi ekonomikoa gainditzea eskatzeko mobilizazioetan. Astebete daramate protestetan, batez ere Rabat hiriburuan.
2001etik 2019ra Kongoko Errepublika Demokratikoan agindu zuen Joseph Kabilak, eta orain "traizioa" eta "gerra krimenak" egotzi dizkiote M23 gerrilla errebeldearen adar politikoa antolatzeagatik, eta atxilotzeko agindu dute. Laurent-Desiré Kabila... [+]
Deialdiak eta asanbladak sare sozialen bidez eginda, protesta jendetsuak ari dira izaten Marokon, hala nola Rabat hiriburuan eta Casablanca eta Tanger hirietan. "Egiturazko erreformak" eskatzen dizkiote gobernuari.
Global Sumud Flotillan parte hartzen duen Alma itsasontziari drone bidez eraso egin diote asteartetik asteazkenerako gauean, Tunisiako kostan. Aurreko egunean berdina gertatu zitzaion ontzidiko beste itsasontzi bati eta beraz, bi egunetan pairatutako bigarren erasoa da.
Kanaria uharteetako kostaldera iritsi nahian ari ziren, baina Mauritanian urperatu zen ontzia. Desagerturik jarraitzen dute 100 pertsonak baino gehiagok.
Duisburg (Germaniako Erromatar Inperio Santua), 1569. Gerard De Kremer (1512-1594) geografo, matematikari eta kartografo flandriarrak, Gerardus Mercator izen latinizatuaz ezagunak, proiekzio kartografiko berri bat diseinatu zuen. Proiekzio mota zilindrikoa zen, ekuatorearekiko... [+]
6,0 graduko lurrikara bat eta hainbat erreplika izan dira igandetik astelehenerako gauean. Kalte oso larriak eragin ditu herrialdearen ekialdean. Ehunka etxe suntsitu ditu dardarak.
"Saharar erradikalizatuek Estatu Islamikoaren burutza hartu dute Sahel-en". Izenburu asaldagarria, berriki argitaratua, baina hasierako asalduratik harago, testuaren irakurketa eta analisi sakonago bat eginda, honako ondorio hauek atera daitezke.
Kezka, ezinegona eta... [+]
Giza eskubideen aldeko Sudango abokatu talde baten arabera, Sudan mendebaldeko hainbat herrixkari eraso egin zieten larunbatean eta igandean, eta zibilak tiroz hil edota bizirik erre zituzten, etxeetan giltzapetuta. UNICEFek salatu du Ipar Darfurgo 40.000 haur artatu zituztela... [+]
Euskal Herriko ordezkaritza gara Gazara Martxan. Egiptora etorri gara mezu argi batekin: genozidioa salatzeko, blokeoarekin amaitzeko eta Israel estatu genozidarekin harreman guztiak eteteko exijitzeko.
Gure elkartasun ekintzaren aurrean, aginte sionistaren eta... [+]
Antolakuntzak salatu du Poliziak jarraitzen duela martxako partaideak atxilotzen eta tratu txarrak ematen. Kezka berezia agertu du Saif Abukeshek martxako presidentekidearen egoeragatik: astelehen arratsaldean atxilotu zuten, tratu txar “larriak” eman... [+]
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Ekainaren 13an hasi behar duen Gazarako Martxako partaideak atxilotzen ari da Egiptoko Polizia, tartean hainbat euskaldun. Israel Gazan egiten ari den sarraskia salatu eta korridore humanitario bat ireki dadila eskatzeko abiatu dute ekimena mundu osoko 3.000 herritarrek.
Erresuma Batuko ika-mika parlamentarioaren mamia zen Keir Starmerren gobernuak, azkenean, sinatu duela Maurizioko Errepublikarekin Txagos uhartediaren subiranotasuna hari aitortzen dion tratua. Hori bai, bertan AEBek (Erresuma Batuaren presentzia hutsaren hurrengoa baita) duten... [+]
NBEren esanetan, gatazka hasi zenetik gutxienez 13 milioi sudandarrek euren bizilekuetatik alde egin behar izan dute, eta biztanleriaren erdiak elikagai eskasia du. RSF Laguntza Azkarrerako Indarrak talde paramilitarrak asteburuan egin dio eraso Darfur eskualdeari, eta... [+]