Gutxienez hiru pertsona hil eta 350 zauritu ditu Marokoko Poliziak protestetan
400 lagun baino gehiago atxilotu dituzte zerbitzu publikoen hobetzea eta krisi ekonomikoa gainditzea eskatzeko mobilizazioetan. Astebete daramate protestetan, batez ere Rabat hiriburuan.
“Ez dugu Munduko Koparik nahi, osasuna lehentasuna da” entzuten da Marokoko kaleetan. Pasa den larunbataz geroztik, protestak zabaldu dira herrialde osora, baina Rabatek hartu du nagusitasuna; osasun eta hezkuntza publikoa indartzearen aldeko protestak dira, herrialdera helduko den Munduko Futbol Kopa eta Afrikako Futbol Koparen aurrean. Larunbatetik hona, Poliziarekin liskarrak izan dira, eta ostegunean hiru hildako baieztatu dituzte, hiruak Agadirren: horietatik bi Poliziarekin izandako istiluetan hil dira, Poliziaren eraikin batera sartu nahian ari zirela, bertako armak hartzeko; hirugarrenaren daturik ez dute eman. Horiez gain, 350 zauritu eta 400 atxilotu baino gehiago daude, momentuz.
Marokoko Barne Ministerioak asteazkenean adierazi du protestarako eskubidea errespetatuko duela, betiere, "legearen markoaren barruan", baina, adibidez, hedabide ugaritan zabaldu dute Polizia manifestariei oldartu zaiela hedabideei adierazpenak emate hutsagatik.
Marokoko Z belaunaldiak gidatutako protestak dira, bi kolektibo anonimok hartu dute protesten gidaritza (GenZ212 eta Morocco Youth Voice), eta sare sozialen bidez zabaldu dute protestarako deia. Beren herrian etorkizun duina izatearen aldeko protestak dira, izan ere, ia Marokoko gazteen erdia langabezian dago, eta horrek aukera bakarrera daramatza: migratzera. Gazteen %55ak onartu du herrialdetik alde egitea otu izan zaiola. Horregatik hala diote: "Futbol zelaiak hemen daude, baina non daude ospitaleak?".
Izan ere, aipatutako bi futbol lehiaketen harira, hasiak dira obrak egiten. Rabaten bi estadio eta zenbait hotel eraikitzeko lanak martxan daude. Manifestariek Marokoko Gobernuari leporatzen diote osasungintza eta hezkuntzarako inbertsiorik egiteko “gaitasunik” ez duela esan eta aldi berean futbol txapelketa horietan dirutzak ordaintzeko prest egotea. Osteguneko hilketak eta gero, Aziz Ajanuch lehen ministroak adierazi du gobernua prest dagoela elkarrizketa bideratzeko, “erakundeetatik eta espazio publikoetan”. Baina manifestariek Ajanuchen dimisioa eskatu dute.
Palestinan gertatzen ari dena ikaragarria dela erraten du jende orok karrikan barna, “Onartezina da! Genozidioa da!” bilakatu dira azken aldiko entzunenak. Egoera salatzeko elkarretaratzea egin, ordea, eta bidegabekeria dela pentsatzen duten hamar horietatik lau... [+]
Asteazken gauean Global Sumud Flotilla atzeman ostean, hurrengo flotilla jada Gazara bidean da. Mila Madleen izena du, Frantziako Estatuko ekintzaileek antolatu dute batez ere, Siziliatik atera zen eta jada Kreta pasa du. Mapa interaktibo honetan jarrai daiteke bere... [+]
Milaka herritar atera dira kalera Euskal Herriko herri askotan Global Sumud Flotillako partaideen bahiketa salatzeko eta agintariei eta gobernuei Israelekin harreman guztiak apur ditzaten eskatzeko. Munduan barrena ere ehunka mila pertsona atera dira protestetara.
Droneak bistaratu dituzte Municheko aireportu inguruan bart. Hamazazpi hegaldi bertan behera utzi eta 3.000 lagun inguruk gaua aireportuan pasa behar izan dute.
Amedspor futbol taldea Turkiaren menpeko Kurdistango Amed hirikoa da. Elastikoan publizitatea kurdueraz idatzita eramateagatik jarri diote isuna.
"Ikasleok ez dugu genozidioa onartzen; ikasleok Flotilla babesten dugu; ikasleok ez dugu Trumpen planean sinesten, eta Palestina askatu nahi badugu, Israelen aurka borrokatu eta Israel suntsitu behar dugu", azaldu du IAk.
Frantziako Gobernuaren aurrekontua fintzen ari diren honetan, "justizia soziala eta fiskala" aldarrikatu dute karrikatik. Irailaren 18ko mobilizazioak baino jarraipen ahulagoa ukan du osteguneko greba deialdiak.
Flotilla gelditu du Israelgo armadak, Gazara iritsi aurretik. Ontziak Israelek "arrisku eremu" gisa izendatu duen lekuan dira asteazken goizetik. Iluntzean, 20:30ak pasatxoan heldu dira ontzi militar israeldarrak lehen abordaiak egitera. Flotillako ontzietan zihoazen lau... [+]
Abuztua da. Iratxen bildu gara Jurramendi igotzeko. Gudarienetik baino, gurutzeen bidetik (via crucis) ekiteko gomendatu digute. Berbagai, Gazako egoera. Israelek, genozidioa gauzatzeaz gain, horren kontaketa ere isilarazi nahi du: ia 300 kazetari erail ditu, Al Jazeerako Anas... [+]
Flotillako euskal ordezkaritzaren prentsa lantaldeko Ana Casconek ARGIAri baieztatu dio informazioa. Lau euskal herritar abiatu ziren Bartzelonatik Gazara bidean Global Sumud Flotilla nazioarteko ekimenean: Itziar, Jotas, Karim eta Mikelon (euren abizenak ez ematea erabaki dute).
Mediterraneo inguruko komunikabideetan gertakariak presentzia handia du. Aldiz, Alemanian isiltasun handia dago, eta Erresuma Batuan nahiko atzean ematen dute notizia.
Hemeretzi herritan izango dira IAk antolatutako mobilizazioak, "Israelgo Estatu sionista eta terroristaren genozidioa salatzeko".
2025eko uztailaren 12an izenpetu zuten hiru aldeen arteko Bougivaleko Akordioa, irlaren etorkizun instituzionala adosteko asmoz. Frantziako Estatuaren "instrumentalizazioa" salatzean gain, FLNKS alderdi independentistak argitu nahi izan du beraiek izenpeturiko dokumentua... [+]
Arratsaldean herri guztietako udaletxeen aurrean mobilizatzera deitu dute, eta Hego Euskal Herriko hiriburuetan manifestazioak egingo dituzte. EHUn ere antolatu dituzte mobilizazioak.
19:30ak aurretik, ontzidi humanitarioaren antolakuntzak jakinarazi du, GPSaren arabera, hogei itsasontzi baino gehiago gerturatzen ari zaizkiela pare-paretik.