Araba, Bizkaia eta Gipuzkoan klase presentzialen itzulera plana bertan behera uztea exijitzeko, Bigarren Hezkuntzan eta Lanbide Heziketan ikasle greba mugagabea deitu du IAk
“Eusko Jaurlaritza egun batetik bestera aldatzen ari da erabakiak, hezkuntza komunitateko milaka pertsonaren etorkizun eta ongizatearekin arduragabekeriaz jokatuz”, salatu dute ikasleek, eta eskatu dute ikasturte akademikoa amaitutzat ematea, hirugarren ebaluazioko ikasgaien gainditze automatikoa aplikatzea eta oporren ohiko iraupena errespetatzea, “klase telematikoetako edukia ebaluatzeko bermerik ez dagoelako eta klaseetara itzultzea langile klasearen aurkakoa delako”.
Alabaina, selektibitatea prestatzeko urteroko borondatezko klaseak zein Lanbide Heziketako azterketak dituzten ikasleek errefortzuko klase presentzialak izatea positiboa dela iritzi diote, “betiere segurtasun neurri aproposak aplikatzen badira eta asistentzia ez bada derrigorrezkoa”.
Datorren ikasturteari begira
Datorren ikasturteaz ere mintzatu da IA: mugimenduaren esanetan, normalitate berria delakoak ekarriko du ikasketen kalitatearen galera orokorra, eta hezkuntzaren informatizazioan eta ikasleen kontrol sozialean sakontzea. Garbi dute ikasleek: “Hezkuntza komunitateko kide orok baldintza onargarriak eduki arte greba deialdia luzatuko dugu, eta baldintzak aldatu ezean, hurrengo ikasturtean greba deialdia hezkuntzako gainontzeko esparruetara zabaltzeko aukera mahai-gaineratzen dugu”.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.