ARGIA.eus

2022ko maiatzaren 25a

Lurraldea eta hizkuntza gaia lantzeko online ikastaroa doan

  • Gipuzkoako Foru Aldundiak, UEUk eta Asmoz Fundazioak antolatu dute Hizkuntza eta Lurraldea, oinarriak, erronkak eta praktika On line Ikastaro Ireki Masiboa (MOOC). Doan da matrikulazioa eta dagoeneko 100 partehartzaile daude. Lurralde antolaketak, eraikuntza-proiektuek, hizkuntza erabileran nola eragiten duten hausnartuko dute ikastaroan.

Oihana Sanzbero, Zigor Etxeburua, Iñaki Alegria, Unai Fernandez de Betoño aurkezpen egunean. Argazkia: UEU
ARGIA @argia
2014ko ekainaren 03a

Batez ere, soziolinguista, euskara teknikari eta elkarteetako langileei bideratuta dago. Urtarrilean antolatutako Lurraldea eta Hizkuntza I. Jardunaldien ondorengo pausoa da ikastaroa. Euskarari estuki lotuta lana egiten dutenei zuzenduta dago bereziki, baina diziplina arteko gaia denez, bestelako hainbat aditurentzat ere interesekoa izan daiteke, hala nola, geografoentzat, arkitektoentzat, hirigileentzat eta legelarientzat.

Irakasleak ondokoak izango dira: Iñigo Urrutia EHUko irakaslea; Jose Ignacio Cubero, Zuzenbidean doktorea; Miren Segurola UEMAko koordinatzailea; eta Unai Fernandez de Betoño arkitektoa. Ikastaroaren aurkezpenean (ekainak 2) Fernandez de Betoñok ondoko hitzak esan zituen: “Euskararen biziberritzerako hirigintzaren aldagaia ere kontuan hartu behar delakoan gaude, azken finean antolakuntza fisiko espazialak (erabakitzen duena non egiten dugun lo, non egiten dugun lan, non disfrutatzen dugun aisiaz edo nola mugitzen garen leku batetik bestera), eragin izugarria duelako gizartearen dinamika guztietan, dinamika soziolinguistikoak barne. Urtarrilean jendearen kuriositatea piztea lortu genuen, baina gure helburua ez da bakarrik hori. Gaiaren azterketari jarraitutasuna eman nahi diogu, eta ikastaro honek beste urrats bat ematen lagunduko digu, arazoa gizarteratze aldera”.

Informazio gehiago: Lurraldea eta Hizkuntza I. Jardunaldietan oinarritutako erreportajea ARGIAn (2014-04-06, 2410. zenb.)

Kanal hauetan artxibatua: Euskara  |  Polonia  |  Hirigintza

Euskara kanaletik interesatuko zaizu...
Jakintza esparru ugaritako bideo pedagogikoak, euskaraz eta libreak

Filosofia, ekonomia, historia, matematika eta beste hainbat arlori lotutako bideo pedagogikoak zabalduko ditu Ikusgela proiektuak, euskaraz eta modu askean partekatzeko. Jakintza “narratiba berrietara” egokitzea helburu, Euskal Wikilarien Kultura Elkarteak... [+]


2022-05-24 | ARGIA
Paskual Rekalde, euskaltzain osoa:
"Baztango euskara 'nafartzen' ari da eta gero eta euskara batuagoa egiten dute haurrek"

Paskual Rekalde euskaltzain osoak sarrera-hitzaldia egin du maiatzaren 23an bere sorterrian, Amaiurren. Hizkuntzalari hau 2020ko uztailaren 17an izendatu zuen euskaltzain oso Euskaltzaindiak, baina pandemia dela-eta urtebete atzeratu dute sarrera-hitzaldia. Bere hitzaldian,... [+]


2022-05-24 | ARGIA
Hurrengo astean erabakiko du Administrazio Auzitegiak baxoaren ahozko azterketa euskaraz egiterik izango den

Seaskak salaketa jarria du Frantziako Hezkuntza Ministerioaren kontra eta berau aztertu dute maiatzaren 23an Pauen, presazko auzian. Datorren astean ebatziko du Administrazio Auzitegiak.


2022-05-23 | ARGIA
'Txillardegi plaza' zioen plaka kendu dute Donostiako Gaskonian

2019ko urtarrilaren 13an, Jose Luis Alvarez Txillardegi-ren heriotzaren 7. urteurrenean, jarri zuen Txillardegi Udal Liburutegia plataformak Txillardegi Plaza zioen plaka Antiguako Gaskonia Plazan. Igandean, baina, kendu egin dute, Joseba Alvarezek salatu duenez.


Gazte Euskaltzaleen Sarea
"Euskarak ez du aurrera eginen, eraman egin behar da"

Gazte belaunaldi berria batu da euskararen aldeko borrokara, eta manifestazio koloretsua egin dute larunbatean Donostian, Euskara Aurrera lelopean. Mobilizazioa bera antolatzea izan da Gazte Euskaltzaleen Sarea (GES) eragile sortu berriaren lehen erronka, eta urduritasuna nabari... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude