Euskarazko eskaintzak gora eginda, eskaria ere nabarmen emendatu da beste behin Iruñeko haur eskoletan
Iruñeko haur eskoletako aurtengo aurrematrikulazioetan euskarazko eskaintza handiagoa izan da eta eskariak gora egin du. Iaz eskari osoaren %19,18 izan bazen euskarazkoa, aurten %25,16 izan da. Adibide argigarria da Mendebaldea auzoan gertatutakoa: iaz ez zuten euskarazko aukerarik eman eta eskaririk ez zen izan. Aurten eskaini egin dute eta eskarien %42,41 euskarazko haur eskolarako izan da.
Nafarroako Gobernuak bildutako aurrematrikulazio datuak irailean eskuratu ditu Administrazioan Euskaraz Taldeak eta datuen balorazioa egin du. Hauxe da taldearen ondorioa: administrazioak euskarazko eskaintzarik egiten ez badu, euskarazko eskaria desagertu egiten da. Familiek ez dute euskarazko haur eskolarik eskatzen, auzo horretan ez zaielako eskaintzen. Administrazioan Euskaraz Taldearen ustez, hala, euskarazko eskaria “ezkutatuta” gelditzen da. Mendebaldea auzoko adibidea eman dute. Orain arte gaztelaniazko eskaintza baino ez dute izan, eta euskarazkoa eskaini dutenean inork ez eskatzetik ia laurdenak eskatzera pasa dira.
Euskarazko eta gaztelaniazko eskaintza guztiak kontuan hartuta, euskarazko eskariek gora egin dute iaztik. Iaz bostena (%19,8) izan zen eta aurten laurdena (%25,16). Beste modu batez esanda, iaz 339 familiak eskatu zuten haurra euskarazkoan matrikulatzea eta aurten 691k.
Euskarazko eskaintza eduki duten haur eskolak kontuan hartuz gero (gaztelaniazko aukera denek daukate), eskarien %40,69 euskarazkorako izan da, iaz baino %1,62 gehiago. Haur eskola bakoitzean hauek izan dira euskarazko eskarien ehunekoak: Txantrean (%52,76), Arrosadian (%47,73), Buztintxurin (%43,90), Mendebaldean (%42,41), Alde Zaharrean (%38,54), Lezkairun (%37,14), Sanduzelain (%35,37) eta Arrotxapean (%25,35).
Administrazioan Euskaraz Taldeak gogorarazi du euskarazko eskaintza handitu behar dela, eta badirela auzoak euskarazko eskaintzarik gabeak: Azpilagaña, Donibane, Mendillorri, Bigarren Zabalgune eta Etxabakoitz.
Taldeak haur eskoletako eredu mistoak balioetsi ditu, euskarazko eskaera dagoela ikusteko balio dutelako. Alabaina, murgiltze ereduaren alde egin du, eredu horrek erakutsi duelako “eredurik eraginkorrena dela euskara barneratzeko”. Gaur egun Txantrea auzoan baino ez dago murgiltze eredua. Auzo horretan, aurrematrikulazioen gehiengo absolutua lortu du ereduak. Iruñeak haur eskola gehiago behar dituela aldarrikatu dute, “eskaeren erdiak baino gehiago plazarik gabe geratu” direlako. “Behar diren eskola berri horietan” murgiltze ereduak sarrera erraza lukeela uste dute, “borondate politikorik balego”.
"Ongi etorri Iruñera" zikloa bueltan da. Urriaren 30ean hasiko da migrante eta errefuxiatuekin euskarara hurbiltzeko topaketen bigarren edizioa eta izena emateko epea irekia dago.
Labaren itzulera ospatzeko festa antolatu dute egun osoan zehar. Broken Brothers Brass Band-en kalejirak Alde Zaharreko kaleak zeharkatu ditu Estafetaraino, ondoren lehiotik kantua izan da Amets Aranguren, Julen Goldarazena Flako, Idoia Tapia eta Oier Zuñigaren eskutik; eta... [+]
Hamabi haur eskola publiko daude Iruñean, eta horretatik bakarrean dago euskarazko eredua. Protesta egin dute dozena bat eragilek, eta euskal hiztunen “egoera berezia” aintzat har dezan galdegin diote udalari.
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.
Iruñeko Euskalgintza plataforman bildutako eragileek egin dute deialdia. Hiriburuan dauden hamasei haur eskoletatik batean eskaintzen da euskarazko murgiltze eredua. Iruñeko Udalari eta Nafarroako Gobernuari eskatzen diote auzo bakoitzean murgiltze ereduko haur... [+]
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñeko auzo guztietako haur eskoletan murgiltze eredua ezartzeko eskatu dio euskalgintzak udalari. Horrez gain, salatu du duela 35 urteko egoera berean daudela.
Maiatzaren 9an atera dira aurrematrikulen zerrendak, eta Haur Eskoletako Gurasoak elkarteak salatu du Iruñeko Udalak %20ra “mugatu” duen euskarazko eskaria izatez %35,2koa dela. Gainera, azpimarratu dute euskara ezin dela neurtu eskaintza-eskaria... [+]
Hiriko errepideak “oztopatuko” lituzkeela argudiatuz Korrika iragartzen duen haurren Korrika txikiari trabak jarri dizkio Iruñeko Udalak, haurrei, musikariei eta erraldoiei errepidetik ibiltzea ukatuz.
Iruñeko Euskalgintzak azaldu duenez, hirian dauden 12 udal haur-eskoletatik bakarra dago euskaraz murgiltze ereduan: "Horrek esan nahi du eskola horietan eskainiko diren 1.069 plazetatik 130 bakarrik izango direla euskaraz (%12'16a)". Eskaintza murritz hori... [+]
Haur Eskolak Euskaraz plataformak deituta, herritar talde batek protesta egin zuen otsailaren 2an Nafarroako Legebiltzarraren aurrean, Iruñeko Udalak hiriaren haur eskoletan euskararekin duen jarrera baztertzailea salatzeko.
2022-2023 ikasturterako eskaini dituzten 1.069 plazetatik soilik 130 dira murgiltze eredukoak. Beste 129 plazek euskaraz gain ingelesezko jarduerak ere izango dituzte. Haur Eskolak Euskaraz plataformak eta EH Bilduk salatu dute Navarra Sumak euskarari egindako beste eraso bat... [+]
Iruñerrian 'Parkean euskaraz' egitasmoa abian da. Heldu eta haur euskaldunak astero biltzen dira auzoan edo herrian elkarrekin euskaraz hitz egiteko. Helburua haurrek haien artean euskaraz egitea da eta horretarako guraso, senide edo lagun helduak eredu izatea da... [+]