Kontraesanen besaulki erosoa
Ez dizut gezurrik esango: Coronavirusa hasi zenetik ni lasai asko egon naiz etxean. Bizitzeko behar dudan guztia daukat hemen, familia eta lagunak izan ezik, baina hauekin ere etengabe nago harremanetan.Egun hauetan guztietan behin ere ez zait ezertxo ere falta izan. Bizimodu lasaia eta erraza eraman dut, eta nahi gabe, laugarren egunerako pilotu automatikoa martxan jarrita neukan eta Kontraesanen Besaulki erosoan esertzeko prest nintzen.
Ez dakit halako besaulkirik daukazuen etxean, baina benetan erakargarria da. Alde batetik estetika, besaulki honetan dena baita zuk irudikatu nahi duzun bezain ederra; bestetik, erosotasuna, egia gordinak deseroso sentiarazten bazaitu, egon lasai, besaulki honek zure neurrira egindako errealitatea marraztuko baitu.
"Ez dizut gezurrik esango: Kontraesanen Besaulkia oso erosoa da. Agian horregatik gelditu nintzen pare bat aldiz balkoitik begira lehenengo egunetan, nire besaulkitik jendea kontrolatzen"
NIMBY (Not In My Back Yard) fenomeno antzeko bat sortuko da zure etxeko egongelan bertan: errealitatean ematen diren egoerak eta bidegabekeriak ikusteko gai izango zara agian (langileen prekarietatea, osasun publikoaren hutsuneak, gizarte zerbitzuen zailtasunak, eskola publikoen baliabide falta, emigranteen egoera latza, bertoko denda txikien ezegonkortasuna... dena Zaldibarreko ke usainak ondo borobilduta), baina, aldi berean, beste norbaiten arazoak direla sinestea nahiago izango duzu. Egoera hitzez onartu bai, baina erantzukizuna ez dadila gehiegi hurbildu: not in my back yard, thank you. Hau da, errealitatea erdipurdi ezagutu bai (oso pertsona jantziak garela uste dugu, baina gehiegi jakitea ere ez da komeni), kexatu ere bai (geure iritzia eman behar dugu, nola ez), baina gero Netflix piztu, Kontraesanen Besaulkian eseri eta Amazonen behar ez dugun zerbait eskatuko dugu, edo supermerkatuan erosi dugun komuneko paper kantitateaz harro dagoen horietako bat izango gara sekretuan. Izorra daitezela besteak! Eta, egon lasai, egoerarekiko axolagabekeria leporatzen badigute ere, besaulkiaren beste luxuetako bat erabili ahal izango dugu: norbere buruaren justifikazioa edo Salbuespenlandia (beti gaude salbuespen bat egin dugula onartzeko prest). Azken finean, ekintza bakar batek ez du ezer aldatzen, ezta?
En fin. Ez dizut gezurrik esango: Kontraesanen Besaulkia oso erosoa da. Agian horregatik gelditu nintzen pare bat aldiz balkoitik begira lehenengo egunetan, nire besaulkitik jendea kontrolatzen, nahi gabe hau ere (besaulki honetan nahi gabe egiten baita dena). Hausnarketarik eskatzen ez duen pilotu automatiko honek baditu bere arriskuak.
Bada, ostegunean ez nuen komuneko paperik aurkitu supermerkatuan eta etxera iristean, sorpresa! Norbait zegoen nire besaulkian eserita. ERTE bat egingo didatela eta besaulkia konfiskatu didala banketxeak bitartean, ez baitaukat hipoteka nola ordaindu. Negar egin nuen, nire besaulkian eserita zegoen tipoari erreguka, hori ezin zela izan, arren, ikusteko nire egoera zein zen, baina dagoeneko ez zidan entzuten: Kontraesanen Besaulki erosoan pilotu automatikoa pizten ari zen, ezerezari begira “sorry, not in my back yard” ahoskatzen zuen bitartean.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Hezkuntza Sailak 2025-2026 ikasturtearen antolaketa bigarren hezkuntzako ikastetxe publikoetan ebazpena argitaratu du. Urteroko agiria da, uztail hasierakoa; ikasturte-hasierako ebazpena esaten diogu.
Aurtengoan, hauxe jasotzen du euskarazko bertsioak:... [+]
Azken sei urteotan Piztu Donostia eragile sozialaren talde motorra osatu dugunoi txanda pasatzeko unea iritsi zaigu, mila gai eta beste mila fronte zabalik geratzen diren arren.
Duela sei urte Eneko Goiak, PSOEren laguntzarekin, osaturiko Donostiako Udalak bideratzen zuen... [+]
Ekainaren 13an hasi eta 24an amaitu zena “12 Egunetako Gerra” bezala ezagutuko da aurrerantzean. Gauza harrigarri batzuk gertatu ziren bertan, pentsaezinak ordura arte. Nahiz eta lerro hauek idaztean egun gutxi igaro diren bukatu zenetik, ondorio batzuk atera... [+]
Ondo jakina da Euskal Herriak bere buruaren jabe izateko beharrezko duen botere politikoa ukatua duela Espainia eta Frantziako estatuen aldetik. Euskal Herrian, bertan bizi, lan egin eta euskaldun izan nahi duen biztanleriari, herritar gisa bizi-proiektu duin eta ziurra garatu... [+]
Ez naiz buruan ideia hau darabilen bakarra, asko gara munduan Whatsapp eta Telegram mezularitza aplikazioak hartzen ari diren botereaz kontziente bide hori jorratu nahi dugunak.
Familia, lagunak, komunitateak, lana, komunikabideak... Mezularitza aplikazioekin dena dugu... [+]
Hondakinak etorkizuneko material berriak dira. Iragarki marketineroa izan daiteke, baina diseinu eta eraikuntzaren ikerketa munduan sormen bideak irekitzeko aukerak ekarriko ditu, dudarik gabe. Europako hondakinen legedia zorrotz jarriko dela iragartzean, nolabait ulertarazten... [+]
Twerk klasean gertatu zen, Bilbon. Merkataritza-gune batean dago dantza eskola, eta gortinek ez dituzte kristalak erabat tapatzen. Emakumezko lau ikasleok eta irakasleak luzaketak egiten geundela, gure short labur eta top-ak jantzita, bi mutiko hasi zitzaizkigun kristalaren... [+]
Herria astekariaren ez hain aspaldiko aleak irakurtzea aski da antzemateko Mixel Garikoitzek Lapurdiko, Nafarroa Behereko eta Zuberoako gizarte nagusiki katolikoan utzitako arrastoaren sakonari.
Ibarreko Garakoitxeko semea, bertze ordezkaririk ez du Iparraldeak Erromako... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Semea futbol talde batean jolasten da eta, kurtso amaieran jokatutako hamaika torneoren artean, Athletic Cup-era gonbidatu dute bere ekipoa aurten. Txapelketak laurehun talde eta 5.000 futbolari inguru batu ditu; haur eta nerabe, senideak eta lagunak kontatu gabe. Itzelezko... [+]
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Gauzak ez dira horrela, baina horrelaxe daude, bai. Euskal erreferente politiko ofizialak Espainiara eta Frantziara begira daude Euskal Herrira bainoago. Estebanek eta Otegik etengabe kontseiluak ematen dizkiote Sánchezi gobernagarritasun modu berriaz eta Espainiako... [+]
Erakundeek, beren helburua bete ondoren ere, bizirik irauteko ahalegina egiten dute, Max Weber-ek zioen modura. Baina porrotaren kontzeptuaren eremutik haratago joan eta jakinduria eta ausardia behar dira elkarte bat amaitzeko, Alan Badiou gogoratuz.
Euskal Herrian ere... [+]