Konfinamendua ezartzeko eta etxeratze aginduaren ordua moldatzeko aukeraz galdegin dio Eusko Jaurlaritzak Espainiako Gobernuari.
Asteazken arratsaldez Espainiako Osasun Ministerioaren Lurralde Arteko Kontseiluak egindako bilkura probestuz, Eusko Jaurlaritzak eskatu dio Espainiako Gobernuari moldatu dezala alarma egoeraren dekretua. Izan ere, moldaketa horrek irekiko lizkioke ateak konfinamendua ezartzeko aukerari.
Ministerioak, bere aldetik, aukera aztertuko duela erantzun zuen, momentuan indarrean dagoen dekretuak ez baitu aukera hori jasotzen. Ministerioak esandakoa albo batera, Salvador Illa Espainiako Gobernuko Osasun ministroak adierazi zuen momentuz ez duela ikusten konfinamendu agindua ezartzeko beharrik EAEn.
Espainiatik jasotako erantzunak horiek badira ere, ostegun arratsaldean bilduko da Euskadiko Babes Zibileko Planaren (LABI) aholku batzordea, Iñigo Urkullu lehendakaria buru. Batzordeak du neurriak bere horretan mantentzeko edo egokitzeko aukera.
Etxeko konfinamenduaz gain, etxeratze aginduaren orduaren bueltan ere galdegin zion Jaurlaritzak Espainiako Gobernuari. Alarma egoera ezartzeko dekretuak xedatzen duenez, etxeratze agindua ezarri daiteke 22:00ak eta 00:00ak bitartean, eta tarte horretan erkidego bakoitzak zehaztu dezake ordua. Jaurlaritzak galdegin zuen ea aukerarik badagoen etxeratze agindurako ordua moldatzeko. Egun indarrean den dekretuak aukera hori barnebiltzen ez duela eta aztertuko duela erantzun zion ministerioak.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.