Kantabrian ez dute COVID pasaportea eskatu beharko aurrerantzean
“Jada helburuak betetzen ez dituelako”, horixe izan da ziurtagiria kentzeko Osasun kontseilariak emandako arrazoia. Urtarrilaren 18tik herritarrek ez dute COVID pasaporterik aurkeztu beharko ostalaritzako eta aisialdiko eremu itxietan.
40 egunez egon da indarrean COVID pasaportea Kantabrian, baina Osasun Kontseiluak erabaki du bertan behera uztea, ikusita ez duela saihesten omikron aldaeraren transmisioa. Miguel Rodriguez Osasun kontseilariaren esanetan, COVID ziurtagiriak “jada ez du helburua betetzen” jan eta edan daitekeen barnealdeko eremuetan.
Urtarrilaren 18tik aurrera, ez dute COVID pasaporterik eskatuko Kantabriako ostalaritza eta aisialdiko eremu itxietan sartzeko; edonork du bertan egoteko aukera.
Reinhard Wallman Osasun Publikoko zuzendari orokorrak azaldu du ziurtagiriak bete duela herritarrak txertatzera “motibatzeko” xedea, eta azken asteetan beherantz egiten ari dela emandako txerto kopurua. Osasun zuzendariaren datuen arabera, Kantabrian ziurtagiria ezarri zutenetik 5.700 lagunek hartu dute txertoaren lehen dosia, haurrak kontuan izan gabe. Wallmanek dio bi arrazoi hauengatik izan litekeela: COVID pasaportearen derrigortasunagatik edo seigarren olatuaren “beldurragatik”. Halere, uste dute ez dagoela “nahikoa justifikatuta” aurrerantzean pasaportea mantentzea.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.